Ladki Bahin Yojana: लाडक्या बहिणींच्या खात्यात आजपासून १,५०० रुपये जमा होणार

Ladki Bahin Yojana News: महिला व बालविकास विभागाच्या माहितीनुसार, ‘मुख्यमंत्री माझी लाडकी बहीण योजना’ ही थेट लाभ हस्तांतरण (DBT) योजनेद्वारे राबवली जाते. त्यामुळे पात्र लाभार्थींच्या खात्यात रक्कम थेट जमा केली जाते.

• लाडकी बहीण योजनेच्या ऑगस्ट महिन्याचा १,५०० रुपयांचा हप्ता जमा होण्यास सुरुवात
• डीबीटी (DBT) प्रणालीद्वारे टप्प्याटप्प्याने थेट बँक खात्यात रक्कम वर्ग
• सामाजिक न्याय विभागाकडून ३३९ कोटी १४ लाख रुपयांचा निधी महिला व बालविकास विभागाकडे हस्तांतरित

Ladki Bahin Yojana:   राज्य सरकारची महत्त्वाकांक्षी योजना ‘मुख्यमंत्री माझी लाडकी बहीण योजने’च्या लाभार्थी महिलांसाठी आनंदाची  अपडेट  आहे. ऑगस्ट 2026च्या हप्त्याची प्रतीक्षा करणाऱ्या महिलांच्या खात्यात आता १,५०० रुपये जमा होण्यास आजपासून सुरुवात होणार आहे. हा निधी टप्प्याटप्प्याने पात्र लाभार्थी महिलांच्या बँक खात्यात थेट लाभ हस्तांतरण (DBT) प्रणालीद्वारे जमा केला जात आहे. Ladki Bahin Yojana August Installment Credited

३३९ कोटी रुपयांचा निधी वर्ग

ऑगस्ट महिन्याच्या हप्त्यासाठी सामाजिक न्याय व विशेष सहाय्य विभागाकडून ३३९ कोटी १४ लाख रुपयांचा निधी महिला व बालविकास विभागाकडे वर्ग करण्यास मंजुरी देण्यात आली आहे. यासंदर्भातील शासन निर्णय २४ सप्टेंबर रोजी जारी करण्यात आला होता. या निधीतून पात्र लाभार्थी महिलांना ऑगस्ट महिन्याचा १,५०० रुपयांचा लाभ देण्यात येणार आहे.

Devendra Fadnavis On Maharashtra Drought: अनावश्यक खर्च टाळा, पाणी जपून वापरा’; मुख्यमंत्री देवेंद्र फडणवी

महिला व बालविकास विभागाच्या माहितीनुसार, ‘मुख्यमंत्री माझी लाडकी बहीण योजना’ ही थेट लाभ हस्तांतरण (DBT) योजनेद्वारे राबवली जाते. त्यामुळे पात्र लाभार्थींच्या खात्यात रक्कम थेट जमा केली जाते.

पैसे जमा झाले की नाही, कसे तपासणार

ऑगस्टच्या हप्त्याची रक्कम टप्प्याटप्प्याने जमा होत असल्याने प्रत्येक महिलेच्या खात्यात पैसे एकाच वेळी जमा होतीलच असे नाही. त्यामुळे लाभार्थींनी आपल्या बँक खात्यातील व्यवहार तपासावा. बँकेकडून SMS प्राप्त झाला आहे का, हेही पाहावे. SMS न आल्यास मोबाइल बँकिंग, एटीएम किंवा बँकेच्या अधिकृत ग्राहक सेवा माध्यमातून खात्यातील रक्कम तपासता येईल.

Share Market Today: गुंतवणूकदारांनो लक्ष द्या! लाल रंगात उघडणार आजचा शेअर बाजार, व्यवहारासाठी तज्ज्ञां

सप्टेंबरचा हप्ता कधी?

जुलैपर्यंतचे हप्ते लाभार्थी महिलांना मिळाले होते. त्यानंतर ऑगस्टचा हप्ता रखडल्याने ऑगस्ट आणि सप्टेंबरचे दोन्ही हप्ते एकत्रित मिळणार का, याबाबत चर्चा होती. मात्र सध्या उपलब्ध माहितीनुसार ऑगस्ट महिन्याच्या १,५०० रुपयांच्या हप्त्याच्या वितरणाला सुरुवात झाली आहे.

त्यामुळे आता सप्टेंबर महिन्याचा हप्ता कधी जमा होणार, याकडे लाभार्थी महिलांचे लक्ष लागले आहे. सप्टेंबरचा हप्ता आणि दोन्ही महिन्यांचे पैसे एकत्र देण्याबाबत अधिकृत घोषणा होईपर्यंत कोणताही दावा निश्चित मानणे योग्य ठरणार नाही.