अजित पवारांना धक्का! राष्ट्रवादीचे ‘हे’ नेते हाती घेणार तुतारी?

Ramraje Naik Nimbalkar in Marathi: लोकसभा निवडणुकीपासून अजित पवार यांच्या नेतृत्वाखालील राष्ट्रवादी काँग्रेसमध्ये चुरस पाहायला मिळत आहे. शिवसेना आणि भाजपच्या नेत्यांनीही अजित पवारांच्या विरोधात वक्तव्ये केली आहेत. आता अजित पवार गटातील एक मोठा नेता शरद पवार गटात सामील होण्याची शक्यता वर्तवण्यात येत आहे.

महाराष्ट्रातील आगामी विधानसभा निवडणुकीपूर्वी उपमुख्यमंत्री अजित पवार यांच्या राष्ट्रवादी काँग्रेस पक्षाला मोठा धक्का बसण्याची शक्यता आहे. अजित पवार यांच्या गटातील एक मोठा नेता शरद पवार यांच्याशी हातमिळवणी करणार असल्याची शक्यता वर्तवली जात आहे. लोकसभा निवडणुकीत माढा मतदारसंघात भाजपच्या रणजीतसिंह नाईक निंबाळकर यांच्याविरोधात उघडपणे दंड थोपटणारे अजित पवार गटातील ज्येष्ठ नेते आणि विधानपरिषदेचे माजी सभापती रामराजे नाईक निंबाळकर शरद पवार गटात प्रवेश करण्याची दाट शक्यता आहे. याबाबत आजच रामराजे नाईक निंबाळकर यांच्याकडून महत्त्वपूर्ण निर्णय घेतला जाण्याची शक्यता आहे…

मात्र, महाआघाडीत समाविष्ट पक्षांना सातत्याने राजकीय फटका बसत आहे. कागलमध्ये भाजपचे समरजित घाटगे हे राष्ट्रवादीच्या शरद पवार गटाचे नेतृत्व करत आहेत. यानंतर फलटणमधील अजित पवार यांच्या राष्ट्रवादी काँग्रेसचे ज्येष्ठ नेते रामराजे निंबाळकर हे शरद पवारांच्या राष्ट्रवादी काँग्रेसमध्ये जाण्याची शक्यता आहे.

मिळालेल्या माहितीनुसार,रामराजे नाईक निंबाळकर यांनी शनिवारी रात्री फलटण येथील खटके वस्ती येथे कार्यकर्त्यांचा मेळावा बोलावला आहे. या मेळाव्यात रामराजे नाईक निंबाळकर कार्यकर्त्यांशी सल्लामसलत करुन त्यांच्याच कलाने निर्णय घेतील, अशी माहिती आहे. परंतु, रामराजे नाईक निंबाळकर यांनी घड्याळाची साथ सोडून तुतारी हाती घेण्याचा निर्णय पक्का केल्याची माहिती आहे.

लोकसभा निवडणुकीपासून भाजपचे माजी खासदार रणजितसिंह नाईक निंबाळकर आणि राष्ट्रवादीचे ज्येष्ठ नेते अजित पवार गटाचे नेते रामराजे नाईक निंबाळकर यांच्यात शाब्दिक युद्ध सुरू आहे. रविवारी फलटण येथे झालेल्या सभेत रामराजे नाईक निंबाळकर यांनी भाजपचे रणजितसिंह नाईक निंबाळकर यांची तक्रार उपमुख्यमंत्री अजित पवार यांच्याकडे करणार असल्याचे सांगितले आहे.

लोकसभा निवडणुकीत भाजपचे तत्कालीन खासदार रणजितसिंह नाईक निंबाळकर यांना उमेदवारी जाहीर करण्यात आली होती. मात्र त्यांच्या उमेदवारीला रामराजे निंबाळकर यांनी विरोध केला होता. यावेळी रामराजे निंबाळकर यांनी रणजितसिंह यांच्या विरोधात भूमिका घेत त्यांना शरद पवार गटात जाण्याचा इशारा दिला होता. यानंतर त्यांनी पुन्हा इशारा दिला.