अभिजीत दिपकेंवर POCSO गुन्हा दाखल करण्याची कोणी केली मागणी? पोक्सो अंतर्गत येणारे प्रमुख गुन्ह्यांचे प्रकार कोणते

दिल्लीतील आंदोलनात अल्पवयीन मुलांच्या उपस्थितीवरून CJP नेते अभिजीत दीपके आणि इतरांविरोधात इंदौर गुन्हे शाखेकडे तक्रार करण्यात आली आहे. मुंबईतील सोशल मीडिया इन्फ्लुएन्सर फैझान अंसारी यांनी या प्रकरणाच्या चौकशीची मागणी केली आहे.

• नीट पेपरफुटीविरोधात CJP कडून दिल्लीतील जंतर-मंतर येथे आंदोलन
• आंदोलनात अल्पवयीन मुलांना सहभागी करून घेतल्याचा संशय
• पॉक्सो, BNS आणि IT कायद्यान्वये गुन्हा दाखल करण्याची विनंती

Abhijeet Dipke Cockroach Janata Party : नीट पेपरफुटी प्रकरणी दिल्लीतील जंतर-मंतर येथे कॉकरोच जनता पार्टीने (CJP) आंदोलन केले होते. देशातील विविध राज्यांमधील विद्यार्थी या आंदोलनात CJP सोबत सहभागी झाले होते. या विद्यार्थ्यांनी केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी केली होती. त्यानंतर आता कॉकरोच जनता पार्टीचे संस्थापक अभिजीत दीपके यांच्याविरोधात तक्रार दाखल करण्यात आली आहे.

दिल्लीतील आंदोलनात अल्पवयीन मुलांच्या उपस्थितीवरून CJP नेते अभिजीत दीपके आणि इतरांविरोधात इंदौर गुन्हे शाखेकडे तक्रार करण्यात आली आहे. मुंबईतील सोशल मीडिया इन्फ्लुएन्सर फैझान अंसारी यांनी या प्रकरणाच्या चौकशीची मागणी केली आहे. नीट पेपरफुटीविरोधातील आंदोलनात अल्पवयीन मुलांना आणण्यात आणि त्यांना आंदोलनात सहभागी करून घेण्यात आले असल्याचा संशय व्यक्त करण्यात आला आहे.

Parliament Monsoon Session: अमित शाह यांचे मौन हीच त्यांची कबुली!; राहुल गांधींचे टीकास्त्र, गृहमंत्र्यांच्या राजीनाम्याची मागणी

चौकशीची मागणी

या प्रकरणाच्या तपासात गुन्हा आढळल्यास पोक्सो (POCSO), भारतीय न्याय संहिता (BNS), माहिती तंत्रज्ञान कायदा (IT Act) आणि बाल न्याय कायद्यांतर्गत एफआयआर नोंदवण्याची मागणी करण्यात आली आहे. मात्र, अद्याप या प्रकरणात गुन्हा दाखल झालेला नाही. तसेच, आंदोलनाशी संबंधित सीसीटीव्ही फुटेज, फोटो, व्हिडीओ आणि सोशल मीडिया सामग्रीची चौकशी करण्याची विनंतीही करण्यात आली आहे. दरम्यान, या तक्रारीवर अभिजीत दीपके यांनी अद्याप कोणतीही प्रतिक्रिया दिलेली नाही. ते यावर काय भूमिका मांडतात, याकडे सर्वांचे लक्ष लागले आहे.

पोक्सो अंतर्गत येणारे प्रमुख गुन्ह्यांचे प्रकार कोणते?

१. प्रवेशक लैंगिक अत्याचार (Penetrative Sexual Assault)
बालकांशी लैंगिक संबंध ठेवणे किंवा लैंगिक संबंधाचा प्रयत्न करणे

२. गंभीर प्रवेशक लैंगिक अत्याचार (Aggravated Penetrative Sexual Assault)
पोलीस अधिकारी, शिक्षक, नातेवाईक किंवा विश्वास, अधिकार अथवा जबाबदारीच्या पदावर असलेल्या व्यक्तीकडून लैंगिक अत्याचार झाल्यास तो गंभीर लैंगिक अत्याचार मानला जाऊ शकतो.

शिंदेंना मुख्यमंत्री करण्याचा निर्णयही बेकायदेशीर? कपिल सिब्बलांचा सर्वोच्च न्यायालयात मोठा युक्तिवाद

३. लैंगिक अत्याचार (Sexual Assault)
लैंगिक हेतूने बालकाच्या शरीराला स्पर्श करणे किंवा बालकांना स्पर्श करण्याचा प्रयत्न करणे, मात्र प्रवेश न करणे, हा लैंगिक अत्याचाराच्या कक्षेत येतो.

४. लैंगिक छळ (Sexual Harassment)
बालकाला लैंगिक स्वरूपाचे शब्द, शेरेबाजी किंवा हावभाव करणे, अश्लील सामग्री दाखवणे, पाठलाग करणे किंवा लैंगिक हेतूने वारंवार संपर्क साधण्याचा प्रयत्न करणे यांचा लैंगिक छळात समावेश होऊ शकतो.

५. बालकांचा अश्लील सामग्रीसाठी वापर (Child Sexual Abuse Material – CSAM)
बालकांचा लैंगिक स्वरूपाच्या अश्लील चित्र, व्हिडिओ किंवा डिजिटल सामग्रीमध्ये वापर करणे, अशी सामग्री तयार करणे, प्रसारित करणे किंवा काही परिस्थितींमध्ये साठवणे यावर POCSO कायद्यानुसार कारवाई होऊ शकते.