2025 मध्ये राहू-बुध मिळून घडवणार 3 राशींचे नशीब, सुरू होणार ‘अच्छे दिन’

लवकरच नवंवर्ष सुरु होत आहे आणि ज्योतिषशास्त्रानुसार नवीन वर्षाच्या सुरुवातीला बुध आणि राहूचा संयोग होणार आहे. बुध आणि राहूच्या या संयोगामुळे 3 राशीच्या लोकांचे भाग्य सुधारेल असे सांगण्यात येत आहे

ज्योतिषशास्त्रानुसार येणारे नवीन वर्ष ग्रह संक्रमणाच्या दृष्टीकोनातून विशेष आहे. 2025 च्या सुरुवातीला राहू आणि बुधाचा संयोग होणार आहे. वास्तविक, ज्योतिषीय गणनेनुसार, राहू आधीच मीन राशीत बसला आहे, तर 27 फेब्रुवारी 2025 रोजी रात्री 11:46 वाजता बुध ग्रह मीन राशीत प्रवेश करेल. यामुळे मीन राशीमध्ये राहू आणि बुधचा संयोग होईल. या दोन ग्रहांचा संयोग सर्व राशींवर परिणाम करेल. परंतु, काही राशींना राहू आणि बुध यांच्या संयोगाने विशेष लाभ मिळतील. ज्योतिषाचार्य समीर मणेकरीकर यांनी याबाबत अधिक सांगतिलं असून चला जाणून घेऊया त्या राशींबद्दल (फोटो सौजन्य – iStock) 

वृषभ रास 

ज्योतिष शास्त्रानुसार 2025 मध्ये राहू आणि सूर्याचा संयोग वृषभ राशीच्या लोकांसाठी खास आहे. येणारे नवीन वर्ष या राशीशी संबंधित लोकांसाठी नवीन संधी घेऊन येऊ शकते. करिअरमध्ये नवीन योजनांवर काम होईल. आर्थिक स्थिती चांगली राहील. व्यवसाय करणाऱ्यांसाठी वर्षाची सुरुवात चांगली राहील. व्यवसायात आर्थिक प्रगतीच्या अनेक संधी मिळतील. परदेशातून आर्थिक लाभ होऊ शकतो. नवीन काम सुरू करू शकाल आणि त्यामध्ये तुम्ही लक्ष व्यवस्थित केंद्रित केल्यास तुम्हाला त्याचा भरभरून फायदा मिळेल आणि वृद्धी होईल

नवीन वर्षात बदलेल या राशींचे नशीब, पैशाने भरेल तिजोरी

See more

तूळ रास 

2025 मध्ये तूळ राशीच्या लोकांना राहू-बुधाच्या युतीमुळे विशेष लाभ होईल. करिअरमध्ये प्रगतीसाठी भरपूर संधी मिळतील. विद्यार्थ्यांना शिक्षणाशी संबंधित कामात फायदा होऊ शकतो. संशोधन आणि तांत्रिक कामात यश मिळू शकते. नवीन वर्षात व्यवसायासाठी केलेल्या योजना यशस्वी होतील. परदेश व्यापारातून आर्थिक लाभाच्या अनेक शक्यता असतील. मात्र तुम्ही प्रत्येक पाऊल विचारपूर्वक उचला. कोणताही व्यवहार करताना त्यातून मिळणाऱ्या फायद्याचा योग्य हिशेब लावा आणि मगच त्यात पुढाकार घ्या. बुध राहू युती तुम्हाला नक्कीच साथ देईल आणि तुमची भरभराट होईल

वृश्चिक रास 

ज्योतिषशास्त्रानुसार नवीन वर्षात राहू-बुधाचा संयोग वृश्चिक राशीच्या लोकांसाठी विशेष फायदेशीर मानला जातो. नवीन वर्षात व्यवसायात भागीदारीतून लाभ होईल. नोकरीच्या शोधात असलेल्या लोकांना नोकरीची ऑफर मिळू शकते. व्यवसायात आर्थिक प्रगतीच्या अनेक संधी मिळतील. विवाहित लोकांचे वैवाहिक जीवन आनंदी राहील. तुमच्या व्यवसायातील भागीदाराशी तुमची चांगली मैत्री होईल. तसंच तुमचा काही काळ वाईट गेला असेल तर आता तुमच्या नशीबाला कलाटणी मिळणारी नोकरी मिळेल वा तुमच्या व्यवसायात त्यानुसार वृद्धी होईल. बुध राहू युतीचा वृश्चिक राशीच्या व्यक्तींंना नक्कीच फायदा मिळेल.

सावधान! या राशीच्या लोकांना नवीन वर्षात घ्यावी लागेल आरोग्याची काळजी, जाणून घ्या कसं असेल आरोग्यासाठी नवे वर्ष

See more

टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.