Dev Deepawali 2025: यंदा कधी आहे देव दीवाळी? पूजेसाठी शुभ मुहूर्त आणि महत्त्व

Astro Tips: घरात खास टूथब्रश ठेवल्याने नशिबाची मिळेल साथ, मंगळ आणि शनिचे अशुभ परिणाम होतील दूर

देव दिवाळीला पूजेसाठी काय आहे मुहूर्त

देव दिवाळी बुधवार, 5 नोव्हेंबर रोजी ब्रह्म मुहूर्त पहाटे 4.52 ते 5.44 पर्यंत आहे. त्या दिवशी अभिजित मुहूर्त नाही. गोधूलिकाळ संध्याकाळी 5.33 ते 5.59 पर्यंत आहे, तर संध्याकाळ 5.33 ते 6.51 पर्यंत आहे. तर यावेळी दिवे लावण्यासाठी शुभ वेळ संध्याकाळी 5.15 ते 7.50 पर्यंत आहे. ज्याचा एकूण कालावधी 2 तास 35 मिनिटे आहे.

देव दिवाळीला शुभ योग

यावेळी देव दिवाळीच्या दिवशी सिद्धी योग तयार होत आहे. सिद्धी योगाची सुरुवात पहाटेपासून होऊन सकाळी 11.28 पर्यंत राहील. त्यानंतर व्यतिपात योग सुरु होईल. देव दिवाळी पौर्णिमेच्या दिवशी म्हणजेच 6 नोव्हेंबर रोजी सकाळी 6.34 ते 6.37 वाजेपर्यंत सर्वार्थ सिद्धी योग असेल. या दिवशी अश्विनी नक्षत्र देखील असेल. या नक्षत्राची सुरुवात पहाटेपासून सकाळी 9.40 पर्यंत असेल तर त्यानंतर भरणी नक्षत्र सुरु होईल. दुसऱ्या दिवशी सकाळी 6.34 पर्यंत कृतिका नक्षत्र असेल.

देव दिवाळीचे महत्त्व

पौराणिक कथेनुसार, त्रिपुरासुर नावाच्या राक्षसाचा अत्याचार तिन्ही लोकांमध्ये वाढला होता. देव, देवी आणि मानव सर्वजण दुःखी झाले होते. त्यानंतर भगवान शिवाने त्रिपुरासुराचा नाश केला आणि तिन्ही लोकांमध्ये आनंद निर्माण झाला. त्या दिवशी, काशीमध्ये गंगेच्या काठावर देव-देवता एकत्र जमत असत. त्यांनी गंगेत स्नान केले, प्रदोष काळात शिवाची पूजा केली आणि दिवे लावले. हा उत्सव देव दिवाळी म्हणून प्रसिद्ध झाला. आजकाल, देव दिवाळीला काशी, प्रयागराज, हरिद्वार, उज्जैन यासारख्या धार्मिक स्थळांवर दिवे लावून हा सण मोठ्या उत्साहात साजरा केला जातो.

Vastu Tips: चुकीच्या दिशेने ठेवलेला इन्व्हर्टर मुलांना बनवू शकतो कमकुवत, कोणती दिशा योग्य जाणून घ्या

देव दिवाळीचा इतिहास

दिवाळी हा सण राम यांनी लंकेच राजा रावणाचा वध करुन अयोध्येत परत आल्यानंतर साजरा केला होता. पण देव दिवाळीचा सण हा महादेव आणि पार्वती यांचा सण आहे. देव दिवाळीला देवांची दिवाळी असे देखील म्हटले जाते. या दिवशी शिवाने त्रिपूरासुर नावाच्या राक्षसाचा वध केला होता अशी एक कथा आहे. हा आनंद साजरा करण्यासाठी देवदेवतांनी दिवे लावून विजय साजरा केला होता. त्यावेळेपासून देव दिवाळीचा सण साजरा करण्याची परंपरा सुरु झाली आहे.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)

संबंधित बातम्या