Kamika Ekadashi: कामिका एकादशी या शुभ योगामध्ये होणार साजरी, या राशीच्या लोकांना होतील फायदेच फायदे

एकादशी व्रताला हिंदू धर्मामध्ये विशेष महत्त्व आहे. प्रत्येक महिन्यात दोन एकादशी येतात. श्रावण महिन्यात येणाऱ्या एकादशीला कामिका एकादशी म्हणून ओळखले जाते. कोणत्या शुभ योगामुळे फायदा होईल जाणून घ्या

हिंदू धर्मामध्ये एकादशी तिथीला विशेष महत्त्व आहे. ही तिथी भगवान विष्णू यांना समर्पित आहे. श्रावण महिन्यातील कृष्ण पक्षातील तिथी कामिका एकादशीचे व्रत पाळले जाते. यावेळी एकादशीचे व्रत सोमवार, 21 जुलै रोजी पाळले जाणार आहे. यावेळी काही शुभ योग तयार होत असल्याने या दिवसाला विशेष महत्त्व आहे. त्यामुळे काही राशीच्या लोकांना या योगाचा विशेष फायदा होणार आहे.

कामिका एकादशी शुभ मुहूर्त

कामिका एकादशी तिथीची सुरुवात रविवार, 20 जुलै रोजी दुपारी 12.14 वाजता होईल आणि या तिथीची समाप्ती 22 जुलै रोजी सकाळी 7 वाजून 6 मिनिटांनी होईल. मात्र उद्यतिथीनुसार हे व्रत 21 जुलै रोजी पाळले जाणार आहे. या वेळी रोहिणी नक्षत्र राहणार आहे. तसेच वृद्धी योग देखील तयार होत आहे. त्यासोबतच चंद्र वृषभ राशीमध्ये राहणार आहे. त्यामुळे कामिका एकादशीचा दिवस काही राशींच्या लोकांसाठी खूप खास असणार आहे.

रोहिणी नक्षत्र

सर्व नक्षत्रांपैकी रोहिणी नक्षत्र हे अतिशय शुभ नक्षत्र मानले जाते. हे 27 नक्षत्रांपैकी एक आहे. रोहिणी नक्षत्राचा स्वामी ग्रह शुक्र आहे आणि त्याचे देवता ब्रह्मा आहे. या नक्षत्राला सौंदर्य, सर्जनशीलता आणि भौतिक सुखांचे कारक मानले जाते. या योगामुळे व्यक्तीला भौतिक सुखाचा लाभ होतो असे म्हटले जाते.

वृद्धी योग

वृद्धी योग हा एक शुभ योग मानला जातो. या योगामध्ये व्यक्तीच्या जीवनात आनंद, समृद्धी आणि यश येण्यास मदत होते. श्रावण महिन्यात रोहिणी नक्षत्र आणि वृद्धी योगाचे होणारे शुभ संयोजन फलदायी मानले जाते. या दिवशी भगवान शिव आणि विष्णू यांची पूजा करणे फायदेशीर ठरेल. या दिवशी या 5 राशींचे भाग्य चमकण्याची शक्यता आहे.

Guru Gochar: गुरु ग्रहाच्या संक्रमणामुळे तयार होणार दुर्मिळ योगायोग, करिअर आणि व्यवसायात मिळणार यश

कोणत्या आहेत त्या राशी

वृषभ रास

वृषभ राशीच्या लोकांसाठी कामिका एकादशी खूप खास असणार आहे. एकादशीच्या दिवशी तुमची बऱ्याच काळापासून प्रलंबित काम पूर्ण होऊ शकतात. नोकरी आणि व्यवसायात प्रगतीचे संकेत तुम्हाला मिळू शकतात.

कर्क रास

कर्क राशीच्या लोकांसाठी कामिका एकादशीचे व्रत शुभ मानले जाते. या राशीच्या लोकांच्या जुन्या योजना यशस्वी होतील. तुम्हाला मुलांकडून आनंद मिळेल. कर्क राशीच्या असे काही उपाय केल्यास यश मिळू शकते.

Samudrik Shastra: पायाच्या खालच्या भागावर तीळ असणाऱ्या लोकांचे कसे असते व्यक्तिमत्व

कन्या रास

कन्या राशीच्या लोकांसाठी कामिका एकादशीचे व्रत फायदेशीर राहील. या लोकांच्या जीवनात असलेल्या समस्या संपू शकतात, भगवान विष्णूंचा आशीर्वाद या लोकांवर कायम राहील. तसेच आर्थिक स्थिती सुधारू शकते.

वृश्चिक रास

वृश्चिक राशीच्या लोकांना कामिका एकादशीचे व्रत फायदेशीर ठरणारे आहे. कारण या व्रतामुळे तुमच्या जीवनातील प्रेमसंबंध मजबूत होण्यास मदत होऊ शकते. तसेच एखाद्या योजनेत गुंतवणूक करणे फायदेशीर ठरू शकते.

मीन रास

मीन राशीच्या लोकांना कामिका एकादशीच्या शुभ योगामुळे अनेक प्रगतीचे संकेत मिळू शकतात. या लोकांचा जुन्या मित्रांशी संपर्क साधून त्याचा भविष्यात तुम्हाला फायदा होऊ शकतो.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)