फोटो सौजन्य- pinterest
दक्षिण भारतातील मीनाक्षी देवी या शक्तीचे अद्वितीय रूप मानल्या जातात. विशेषतः मीनाक्षी अम्मन मंदिर येथे त्यांची पूजा अत्यंत भक्तिभावाने केली जाते. मीनाक्षी देवींची कथा केवळ धार्मिक नाही, तर ती पराक्रम, नेतृत्व आणि स्त्रीशक्तीचे प्रतीक आहे.
मीनाक्षी देवी या दक्षिण भारतातील अत्यंत पूजनीय देवी असून त्या पार्वती यांचा अवतार मानल्या जातात. त्यांचे प्रमुख मंदिर मदुराई येथे आहे. मिनाक्षी म्हणजेच माशांसारखी डोळे असणारी. असं म्हणतात, जसा मासा आपले डोळे बंद करत नाही अगदी तशाच मिनाक्षी देवी आपल्या भक्तांवर नेहमी लक्ष ठेवून असतात. भारतात मीनाक्षी देवीचे मंदिर अनेक ठिकाणी आहेत. परंतु मदुराई येथे असलेले त्यांचे मंदिर मुख्य मंदिर मानलं जातं. मीनाक्षी मंदिर फक्त सुंदर नाही तर अनेक गुढ आणि आश्चर्यकारक गोष्टींनी बनलेलं आहे, मीनाक्षी देवीची काय आहे कथा ते जाणून घ्या
पांड्य वंशाचा राजा मलयध्वज आणि राणी कांचनमाला यांना वारस नव्हता. त्यांनी पुत्रप्राप्तीसाठी यज्ञ केला. यज्ञातून तीन वर्षांच्या बालिकेचा जन्म झाला. जिचे नाव तडातकाई म्हणजे मीनाक्षी असे ठेवण्यात आले. तिला तीन स्तन होते ते पाहून मलयध्वज आणि कांचनमाला यांना धक्काच बसला. परंतु तेव्हा एक अचानक आकाशवाणी झाली. देहू माझ्या मुलीला जेव्हा योग्य जोडीदार भेटेल तेव्हा तिचे तिसरे स्तन नाहीसे होईल. मीनाक्षी ही शिवप्रेमी आणि युद्धकलेत नैपुण्य होती. ती एक महान राणी बनली आणि तिने दिगविजय मोहीम राबवून सर्वत्र विजय मिळविला. जेव्हा ती कैलासावरती भगवान शिवाशी युद्ध करण्यासाठी गेली तेव्हा तिचे तिसरे स्तन नाहीसे झाले. तिला उमजलं की शिव तिचे पती आहेत. भगवान शिव मदुराईला सुंदरेश्वर रुपात अवतरले आणि त्यांचा दिव्य विवाह संपन्न झाला त्या दिवसांपासून भगवान सुंदरेश्वर आणि देवी मीनाक्षी या शहरावरती राज्य करतात असं म्हणतात.
मीनाक्षी देवीच्या हातावरती पोपट असतो यामागे काही कारण आहेत. हा प्रेम, आकर्षण आणि सौदर्यांचं प्रतीक मानला जातो. मीनाक्षी देवी या सौदर्यं आणि प्रेमाचं रूप असल्यामुळे त्यांच्या हातावरती हा पोपट दाखवला जातो.
भक्तांच्या श्रद्धेनुसार मीनाक्षी देवी या अनेक प्रकारच्या इच्छा पूर्ण करतात. ज्यांचे लग्न जुळत नाही किंवा उशिरा होत असेल तर ते देवीकडे प्रार्थना करतात. नवरा बायकोमधील प्रेम आणि समज वाढण्यासाठी ही त्यांची पूजा केली जाते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
Ans: मीनाक्षी देवी या दक्षिण भारतातील शक्तीस्वरूप देवी मानल्या जातात आणि त्या भगवान शिव यांच्या पत्नी आहेत
Ans: मीनाक्षी अम्मन मंदिर हे मंदिर तामिळनाडूतील मदुराई शहरात आहे.
Ans: त्यांचा विवाह भगवान शिव यांच्याशी झाला. मदुराईमध्ये त्यांचा भव्य विवाह सोहळा पार पडला.
.png "Videos"){kind=small}
