Monday Puja: शिवलिंगावर कोणती फुले अर्पण करावीत आणि कोणती टाळावीत? जाणून घ्या नियम

भगवान शिव शंकराची सोमवारी मनोभावे पूजा केली जाते. कोणी मंदिरात जाऊन करतो. तर कोणी घरातच करतो. पण पूजेत भगवान शंकराला कोणती फुले अर्पण करावीत, कोणते फुल अर्पण करू नये, जाणून घेऊया

• शिवपूजेमध्ये कोणत्या फुलाचा वापर करावा
• कोणत्या फुलाचा वापर करू नये
• शिवपूजेत फुलांचा वापर करण्याचे महत्त्व

 

 

 

हिंदू धर्मात प्रत्येक पूजेला एक विशिष्ट महत्त्व आहे. मग ती गणपतीची असो महादेवाची किंवा देवीची प्रत्येक देवाला आवडणार फुलं त्यात असल्यास ती पूजा अधिक फलदायी ठरते. त्या पूजेला एक महत्त्व प्राप्त होते. त्याचबरोबर भक्तालाही देवाचा प्रसाद लवकर मिळतो.

शिव शंकराची पूजा करताना पांढरी आणि सुगंधित फुले अर्पण करणे शुभ मानले जाते. महादेव हे अत्यंत भोळे असून ते साध्या भक्तीने आणि विशिष्ट फुलांनी प्रसन्न होतात. शिव पूजेत अर्पण करावयाची मुख्य फुले आणि त्यांची कारणे जाणून घेऊया

धतुरा फूल (Datura Flower)

महादेवाला धतुराचे फूल अत्यंत प्रिय आहे. या फुलाचा उगम शिवाच्या छातीतून झाला असल्याचे मानले जाते. हे फूल अर्पण केल्याने जीवनातील विषारी विचार (अहंकार, मत्सर) दूर होतात.

पांढरी रुई (Calotropis/Aak Flower)

पांढऱ्या रुईची फुले शिवाच्या पूजेत विशेष मानली जातात. या फुलांनी पूजा केल्याने मोक्ष मिळतो आणि व्यभिचाराचे दोष नष्ट होतात, असे मानले जाते.

Chandra Gochar:  चंद्राने केला वृषभ राशीमध्ये प्रवेश, या राशींच्या लोकांना नोकरी व्यवसायात मिळणार अपेक्षित यश

बेलची पाने आणि फुले (Bel Leaves/Bilva Patra)

जरी हे फूल नसले तरी, बेलपत्र शिवाच्या पूजेत अनिवार्य आहे. यामुळे पाप नाहीसे होतात.

कणेरी फुल (Kaneri flower)

शिवाच्या पूजेमध्ये कणेरी फुल असणं हे शुभ मानले जाते. असे म्हटले जाते की पांढरे आणि लाल फुल वाहिल्यामुळे देव प्रसन्न होतो.

मोगरा आणि चमेली (Jasmine)

मोगऱ्याचे पांढरे फूल हे शुद्धतेचे प्रतीक आहे, त्यामुळे ते शिवाला अर्पण केले जाते.

कोणती फुले वाहू नयेत?

सूर्यफूल

शिवलिंगावर सूर्यफूल वाहण्यास मनाई केली जाते. कारण सूर्यफूल हे शाही मानले जाते. त्यामुळे शाही स्वरुपाशी संबंधित असलेल्या गोष्टी शिव पूजेमध्ये वापरल्या जात नाहीत.

Numberlogy:  मूलांक 3 असणाऱ्या लोकांचा आजचा दिवस कसा असेल जाणून घ्या

कमळ फूल

भगवान विष्णू आणि माता लक्ष्मी यांना आपण कमळाचे फूल वाहतो. त्यामुळे शिवलिंगावर कधीही कमळ फूल ठेवू नये असे म्हटले जाते.

काटेरी फूल

धतुराशिवाय कोणतेही काटेरी फुल भगवान शिव यांना अर्पण करू नये असे म्हटले जाते. हे फूल वाहिल्यास कुटुंबात मतभेद होण्याची शक्यता असते.

केतकीचे फुल

शिवपूजेत केतकीचे फूल कधीही वापरू नये, असे धर्म शास्त्रात सांगितले आहे. यामागे एक पौराणिक कथा आहे.

श्रद्धेनुसार, शिवाला साधे, कमी सुगंधी परंतु पांढऱ्या रंगाचे फूल अधिक आवडतात, जे मन शांत करतात आणि भक्तीभाव वाढवतात.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)