फोटो सौजन्य- istock
सर्वपित्री अमावस्येला काळया तिळाचे दान करणे शुभ मानले जाते. या दिवशी काळे तीळ दान केल्याने पितृदोष दूर होतात आणि जीवनात येणाऱ्या समस्या दूर होऊ शकतात. यासोबतच पितरांच्या आशीर्वादासोबत तुमचे आरोग्य देखील चांगले राहील.
हिंदू धर्मामध्ये अन्न दानाला महादान मानले जाते. त्यामुळे सर्वपित्री अमावस्येच्या दिवशी अन्नाचे दान करणे शुभ मानले जाते. या दिवशी गहू, तांदूळ, डाळ, फळ इत्यादी गोष्टी तुम्ही दान करू शकता. या गोष्टी दान केल्याने पितरांसोबत देवी अन्नपूर्णाचा आशीर्वाद मिळतो.
सर्वपित्री अमावस्येला वस्त्रांचे दान केल्याने पितरांना मुक्ती मिळते. या दिवशी तुम्ही धोती, कुर्ता, पांघरूण इत्यादीचे दान करू शकता. धार्मिक श्रद्धेनुसार वस्त्रांचे दान केल्याने मान सन्मानाची प्राप्ती होते.
सर्वपित्री अमावस्येला गुळाचे दान केल्याने अपत्यप्राप्ती होते आणि जीवनात येणारे अडथळे देखील दूर होतात. गुळाचे दान केल्याने पितरांचे आशीर्वाद तुमच्यावर राहतात आणि कुटुंबामध्ये सुख शांती राहते.
चांदीला शुद्धता आणि सकारात्मकतेचे प्रतीक मानले जाते. धार्मिक श्रद्धेनुसार चांदीचे दान केल्याने पितृदोषपासून मुक्ती मिळते. या दिवशी तुम्ही चांदीच्या भांड्याचे देखील दान करू शकता. चांदीचे दान केल्याने तुमच्या जीवनात सकारात्मकता येऊ शकते आणि मानसिक शांती मिळू शकते.
सर्व पितृ अमावस्या हा पितृ पक्षाचा शेवटचा दिवस असून, तो सर्व ज्ञात आणि अज्ञात पूर्वजांसाठी श्राद्ध करण्यासाठी सर्वात महत्त्वाचा मानला जातो. गरुड पुराणानुसार, जर एखाद्या व्यक्तीला आपल्या पूर्वजांच्या मृत्यूची तारीख माहित नसेल किंवा ती व्यक्ती विशिष्ट तारखेला आपल्या पूर्वजांसाठी श्राद्ध करू शकत नसेल, तर ती व्यक्ती सर्व पितृ अमावस्येला श्राद्ध करून पुण्य मिळवू शकते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
.png "Videos"){kind=small}
