फोटो सौजन्य- pinterest
सध्या शनि मीन राशीत राहून 13 जुलै रोजी वक्री केली आहे म्हणजे उलट दिशेला फिरला आहे. शनि 138 दिवस वक्री राहील त्यानंतर मीन राशीमध्ये थेट जाणार आहे. असे मानले जाते की, शनिदेव व्यक्तीला त्याच्या कर्मांवरून फळ देतात. ज्यावेळी एखादी व्यक्ती चांगली कृत्ये करते त्यावेळी शनिदेव त्यांना चांगले फळ देतात तर वाईट कृत्य करणाऱ्यांना चांगली शिक्षा मिळते. ज्याप्रमाणे शनिची दशा, अशुभ दृष्टी, साडेसाती आणि धैया हे व्यक्तीच्या जीवनात खूप महत्त्वाचे बदल घडवून आणतात. शनि हा एक मंद गतीचा ग्रह असल्याने त्याला एक राशीचक्र पूर्ण करण्यासाठी सुमारे 30 वर्षे लागतात. शनिदेवाने 13 जुलै रोजी सकाळी 7.24 वाजता आपली वक्री केली आहे. त्याचा परिणाम सर्व राशीच्या लोकांवर दिसून येणार आहे. काय होणार आहेत परिणाम, जाणून घ्या
मेष राशीच्या लोकांच्या कुंडलीमध्ये शनि दहाव्या आणि अकराव्या घराचा स्वामी आहे. आता तो बाराव्या घरात वक्री होत असल्याने त्याचा या राशीच्या लोकांवर नकारात्मक प्रभाव कमी होताना दिसून येईल. तसेच या लोकांना सुरु असलेल्या समस्या आता संपुष्टात येऊ शकतात. तुमच्या खर्चामध्ये घट होण्यास मदत होणार आहे.
वृषभ राशीच्या लोकांसाठी शनि हा नवव्या आणि दहाव्या घराचा स्वामी असल्याने 13 जुलै रोजी तो मीन राशीमध्ये वक्री होणार आहे. त्यामुळे या लोकांना आर्थिक लाभ होऊ शकतो. ज्योतिषशास्त्राच्या म्हणण्यानुसार, लाभस्थानामध्ये शनिचे संक्रमण चांगले मानले जाते. यामुळे या लोकांना त्याचे काही चांगले परिणाम होण्याची शक्यता आहे. त्याबरोबरच तुम्हाला सावधगिरी देखील बाळगावी लागेल.
मिथुन राशीच्या कुंडलीमध्ये शनिदेव आठव्या आणि नवव्या घराचा स्वामी असल्याने त्याचा परिणाम तुमच्या घरावर होत आहे. या संक्रमणामुळे काही लोकांना मोठे नुकसान होऊ शकते. नोकरी आणि व्यवसायात मंदी येऊन अडथळे निर्माण होऊ शकतात.
कर्क राशीच्या लोकांच्या कुंडलीमध्ये तुमच्या घरात असल्याने त्याचे तुम्हाला मिश्र परिणाम होतील. तुम्हाला धार्मिक कार्यामध्ये आवड निर्माण होईल. या लोकांना नशिबावर अवलंबून राहावे लागेल. त्यामुळे तुम्हाला प्रत्येक कामामध्ये यश मिळेल.
सिंह राशीच्या लोकांच्या सहाव्या आणि सातव्या घरात शनि असल्याने त्याची वक्री आठव्या घरात होत आहे. शनिचे संक्रमण चांगले होत आहे. मात्र याचा परिणाम म्हणजे तुम्हाला काही समस्यांना तोंड द्यावे लागेल.
कन्या राशीच्या लोकांचा स्वामी पाचव्या आणि सहाव्या घराचा स्वामी आहे. सातव्या घरात शनिची वक्री होत असल्याचे चांगले मानले जात आहे. त्यामुळे तुमच्या जीवनामध्ये चढ उतार येऊ शकतात.
तूळ राशीच्या लोकांसाठी शनि देव चौथ्या आणि पाचव्या घराचा स्वामी सहाव्या घरामध्ये वक्री करत आहे. त्यामुळे या लोकांना शनि देव चांगले परिणाम देईल. या लोकांना संपत्ती आणि मालमत्तेमध्ये यश मिळू शकते.
वृश्चिक राशीच्या लोकांसाठी शनि तिसऱ्या आणि चौथ्या घराचा स्वामी आहे. त्याची पाचव्या घरात वक्री होत असल्याने त्याचे तुम्हाला चांगले परिणाम मिळतील. तसेच काही लोकांना समस्यांना तोंड देखील द्यावे लागेल.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
.png "Videos"){kind=small}
