Vastu Tips: या ठिकाणी घरात पैसे ठेवू नका अन्यथा येऊ शकतात समस्या

हल्ली डिजीटल युगात घरात पैसे कमी प्रमाणात ठेवले जाते. पण पैसे योग्य जागेवर न ठेवल्यास वास्तूदोष उद्भवण्याची शक्यता असते. मात्र पैसे ठेवण्याची योग्य जागा कोणती ते जाणून घेऊया

• कोणत्या ठिकाणी पैसे ठेवू नये
• पैसे ठेवण्याची योग्य दिशा कोणती
• पैसे कोणत्या दिशेला ठेवावे

हल्ली डिजीटल युगात घरात पैसे ठेवण्याची सवय कमी झाली असली तरी अनेक लोक अजूनही थोडे फार का नसो पैसा घरात ठेवत असतात. पण तुम्हाला माहीत आहे का घरात पैसा कुठे ठेवावा आणि कुठे ठेवणे टाळावे. खरे तर वास्तुशास्त्रात असे सांगितले आहे की घरात काही ठिकाणे अशी असतात जिथे पैसे ठेवल्याने वास्तुदोष होतात आणि आर्थिक नुकसान होण्याची शक्यता निर्माण होऊ लागते.

कोणत्या ठिकाणी पैसे ठेवू नये

अंधार असलेल्या ठिकाणी

जर तुम्ही तिजोरीत पैसे ठेवता, पण तिजोरी अशा ठिकाणी असेल जिथे अंधार असतो आणि तिजोरी उघडली की त्यामध्ये नैसर्गिक प्रकाश पोहोचत नाही, तर अशा तिजोरीत पैसे ठेवणे वाईट मानले जाते आणि पैसे कमी होऊ लागतात. वास्तुशास्त्रानुसार हे अशुभ मानले जाते. अशा ठिकाणी ठेवलेला पैसा हळूहळू खर्च होऊ लागतो, बचत टिकत नाही आणि उत्पन्न असूनही समाधान मिळत नाही. पैसे नेहमी अशा ठिकाणी ठेवावे जिथे उजेड येईल.

Mangal Upay: कुंडलीत मंगळ दुर्बल असेल तर करिअरवर होतो असा परिणाम, जाणून घ्या लक्षणे

शौचालय किंवा स्नानगृहाला लागून पैसे ठेवणे टाळा

भिंतीला लागून शौचालय किंवा स्नानगृह असलेल्या ठिकाणी जर तुम्ही पैसे ठेवत असाल तर हे देखील चुकीचे आहे. त्यामुळे पैसा हातात येणे थांबते आणि कोणत्या ना कोणत्या कारणाने पैसा विनाकारण खर्च होत राहतो. यामुळे कर्ज किंवा आर्थिक ताण वाढण्याची शक्यता असते.

नैऋत्य दिशेला पैसे का ठेवू नये

घराच्या नैऋत्य दिशेला पैसाही ठेवू नये. या दिशेला पैसा ठेवल्याने घरामध्ये गरिबी आणि पैशाची कमतरता येते. कारण घराची नैऋत्य दिशा ही स्थैर्य आणि जबाबदारीची दिशा असल्याचे मानले जाते. त्यामुळे नैऋत्य दिशेला पैसे ठेवण्याचे टाळावे. त्या ठिकाणी जड वस्तू ठेवलेली चालते. पण पैसे ठेवू नये

घराच्या कोपऱ्यात पैसे का ठेवू नये

घराच्या कोपऱ्यातही पैसे ठेवणे टाळावे. तिजोरीच्या कोपऱ्यात, कपाटात, पर्समध्ये किंवा तुम्ही पैसे ठेवलेल्या इतर कोणत्याही ठिकाणच्या पैशाची जागा बदला. यामुळे पैसे व्यवस्थित ठिकाणी ठेवा. तिजोरी, कपाट किंवा पर्स या शुभ गोष्टी ठेवू शकता.
फाटलेल्या नोटा, जुनी पावती, निरुपयोगी कागद काढून टाका, अशा निरुपयोगी वस्तू ठेवू नये.

Astro Tips: मृगशिरा नक्षत्रात जन्मलेल्या लोकांचा कसा असतो स्वभाव, जाणून घ्या व्यक्तिमत्त्वाचे रहस्य

घरात पैसा ठेवण्यासाठी शुभ दिशा कोणती?

वास्तुशास्त्रानुसार उत्तर दिशा ही कुबेराची दिशा मानली जाते.  तर ईशान्य दिशा सकारात्मक ऊर्जेची दिशा मानली जाते. या दिशेला पैसा ठेवणे अत्यंत शुभ मानले जाते. यामुळे आर्थिक स्थैर्य येते, बचत वाढते, नवे उत्पन्नाचे मार्ग खुले होतात.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)