Vastu Tips: भिंतीवर घड्याळ लावण्यापूर्वी वास्तूचे ‘हे’ नियम, अन्यथा होऊ शकते आर्थिक नुकसान

आपण घरामध्ये आपल्याला योग्य वाटेल तिथे घड्याळ ठेवतो वास्तुशास्त्रामध्ये याबाबतीत काही नियम सांगण्यात आले आहे. चुकीच्या दिशेने किंवा ठिकाणी घड्याळ लावल्यास व्यक्तीला कोणत्या परिणामांना सामोरे जावे लागते जाणून घ्या

• भिंतीवर घड्याळ कुठे लावावेत
• भिंतीवर घड्याळ लावताना कोणती काळजी घ्यावी
• वास्तूचे नियम जाणून घ्या

प्रत्येकाच्या जीवनामध्ये चांगले वाईट प्रसंग येत राहतात. पण कधीकधी खूप मेहनत आणि प्रयत्न करुन देखील समस्या येतात. वास्तुशास्त्रामध्ये याची अनेक कारणे सांगितली आहेत. तुमच्या जीवनात येणाऱ्या समस्या भिंतीवर चुकीच्या दिशेने किंवा घरात चुकीच्या पद्धतीने लावलेल्या लहान घड्याळामुळे देखील येऊ शकतात. भिंतीवरील घड्याळांशी संबंधित काही खास वास्तू नियम आहेत. या नियमांचे पालन केल्याने तुमच्या जीवनातील अनेक अडथळे आणि समस्या दूर होऊ शकतात. भिंतीवर घड्याळ लावण्यामागील वास्तूचे काय आहेत नियम, जाणून घ्या

घड्याळ कोणत्या दिशेला लावू नये

जर तुमच्या घराच्या दक्षिण भिंतीवर घड्याळ लावले असल्यास ते लगेच काढून टाका. वास्तुशास्त्रानुसार, घड्याळ कधीही दक्षिण दिशेला ठेवू नये. असे मानले जाते की ही दिशा पूर्वजांची आणि यमराजाची आहे. तुम्ही कधीही दक्षिण दिशेला वेळ पाहू नये. यामुळे तुमच्या जीवनात अडथळे येऊ शकतात आणि तुमच्या कुटुंबातील सदस्यांच्या प्रगतीतही अडथळा येऊ शकतो. त्यामुळे दक्षिण दिशेला घड्याळ ठेवणे निषिद्ध मानले जाते.

Zodiac Sign: रुचक राजयोगामुळे मिथुन आणि सिंह राशीसह या राशीच्या लोकांच्या सुख समृद्धीमध्ये होईल वाढ

घड्याळ कोणत्या दिशेला लावणे असते शुभ

वास्तुशास्त्रानुसार, घरात घड्याळ योग्य दिशेने ठेवणे अत्यंत महत्त्वाचे मानले जाते. याचा कुटुंबातील सदस्यांच्या जीवनावर सकारात्मक परिणाम होतो. वास्तुनुसार, घड्याळ नेहमी घराच्या उत्तर, पश्चिम किंवा पूर्व दिशेला ठेवावे. घड्याळ लटकवण्यासाठी या दिशा शुभ मानल्या जातात. असे केल्याने जीवनात शुभता येते आणि सुख-समृद्धी वाढते.

मुख्य दरवाजाजवळ लावू नका घड्याळ

घराच्या दारावर कधीही घड्याळ टांगू नये असे मानले जाते. असे केल्यास येणाऱ्या-जाणाऱ्यांच्या जीवनावर त्याचा नकारात्मक परिणाम होतो. यामुळे आर्थिक नुकसान होण्याची शक्यता जास्त असते आणि घरामधील देखील नकारात्मकता वाढते. वास्तुनुसार, घराच्या मुख्य प्रवेशद्वारावर घड्याळ ठेवणे शुभ मानले जात नाही. घरात प्रवेश करताना घड्याळ दिसल्यास तुम्ही ते ठेवू शकता, परंतु ती दिशा दक्षिणेकडे नसावी.

घरात कधीही असे ठेवू नका घड्याळ

वास्तुशास्त्रानुसार, तुटलेली काच असलेले घड्याळ कधीही घरात ठेवू नये. असे केल्याने घरात नकारात्मक उर्जेचा प्रभाव वाढू शकतो आणि कुटुंबातील सदस्यांच्या आनंदावर विपरीत परिणाम होऊ शकतो. घड्याळाची काच तुटली तर ती ताबडतोब बदला. त्यामुळे तुम्हाला आर्थिक अडचणी येऊ शकतात. जर घड्याळ बंद पडले असेल तर ते ताबडतोब बदला.

Vastu Tips: घरातील नकारात्मक ऊर्जा दूर करण्यासाठी करा वास्तूचे ‘हे’ उपाय, सकारात्मक ऊर्जा करेल प्रवेश

वास्तुनुसार घरात या पद्धतीने घड्याळ बसवा

असे मानले जाते की घड्याळ खरेदी करताना त्याच्या सौंदर्याव्यतिरिक्त इतर घटकांचा विचार करणे महत्त्वाचे आहे. तुमच्या घरात योग्य आकाराचे घड्याळ बसवल्याने सकारात्मक ऊर्जा येते आणि आनंद आणि समृद्धी टिकून राहते. गोल, अष्टकोनी, अंडाकृती आणि पेंडुलम घड्याळे लावणे खूप शुभ मानली जातात. त्यांना घरात योग्य दिशेने ठेवल्याने प्रगतीच्या संधी निर्माण होतात आणि घरात सकारात्मक वातावरण टिकून राहते.

घड्याळ मागे राहणे

आपण अनेकदा आपले घड्याळ काही मिनिटे पुढे किंवा मागे ठेवतो. वास्तुशास्त्रानुसार, याचा आपल्या जीवनावरही परिणाम होतो. असे मानले जाते की घड्याळे कधीही उलटे चालू नयेत. एकतर वेळ परिपूर्ण असावी, किंवा तुम्ही ती थोडी पुढे ठेवू शकता. पण चुकूनही घड्याळ मागे जाऊ देऊ नका. हे आपल्या प्रगतीत अडथळा आणू शकते आणि वाईट काळ आणू शकते. घड्याळ नेहमी बरोबर असणे हे महत्त्वाचे मानले जाते.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)