फोटो सौजन्य - Social Media
बर्म्युडा ट्रँगल या नावाचे रहस्य जरी उलगडले नसले तरी ते जगजाहीर आहे. मोठमोठ्या नौकेदारांना येथे आल्यावर एक वेगळीच भीती जाणवत असते. येथे तर कुणी येतच नाही, परंतु, याच्या बाजूने जाताना सुद्धा एक वेगळीच भीती मनामध्ये बाळगून नौकेदार आपली नौका चालवत असतात. बर्म्युडा ट्रँगल या क्षेत्रात अनेक जहाजे तसेच विमानेदेखील गायब झाले आहेत. या ठिकाणी गायब झालेल्या कुणाचाही साधा अवशेषही अद्याप सापडला नाही आहे. यावर अनेक संशोधन झाले आहेत. प्रत्येक संशोधकांनी त्यांचे मत मांडले आहेत.
परंतु, याच्या तळाशी अद्याप कुणी जाऊ शकला नाही. हे रहस्य अद्याप रहस्यच आहे. बर्म्युडा ट्रँगल, ज्याला “डेव्हिल्स ट्रँगल” म्हणूनही ओळखले जाते, उत्तर अटलांटिक महासागरातील एक रहस्यमय क्षेत्र आहे. हे क्षेत्र मियामी, बर्म्युडा, आणि प्युर्टो रिको यांनी तयार केलेल्या त्रिकोणाकृतीमध्ये आहे. अनेक जहाजे, विमाने, आणि प्रवासी या क्षेत्रात हरवले असल्याच्या कथा प्रसिद्ध झाल्या आहेत, ज्यामुळे या ठिकाणाला एक गूढ स्वरूप प्राप्त झाले आहे.
बर्म्युडा ट्रँगलचे रहस्य 20व्या शतकाच्या मध्यात प्रसिद्ध झाले. 1945 मध्ये फ्लाइट 19 नावाचा यू.एस. नेव्हीचा प्रशिक्षण मिशन या भागात गायब झाला. पाच टॉर्पेडो बॉम्बर्स आणि त्यातील चालक दलाचा ठावठिकाणा मिळाला नाही. त्यानंतर USS सायक्लोप्स नावाचे जहाज 1918 मध्ये हरवले, ज्यामुळे या क्षेत्राभोवती अधिक रहस्य निर्माण झाले. संशोधकांनी या जहाजांचे तसेच विमांनाचे अचानक गायब होण्यामागे काही कारणे दिली आहेत. त्यांचे असे म्हणणे आहे कि, कदाचित त्या जहाजांचा बदलत्या हवामानामुळे अपघात झाला असावा किंवा त्यांचे अवशेष जलप्रवाहात वाहून गेले असावे त्यामुळे ते गायब झाल्यासारखे वाटत आहेत. तसेच या क्षेत्रामध्ये मिथेन गॅसचे प्रमाण खूप आहे. त्यामुळे येथे एखादा जहाज लवकर बुडू शकतो. काही तज्ज्ञांच्या मते, या भागातील असामान्य चुंबकीय क्षेत्र नेव्हिगेशन यंत्रणांमध्ये अडथळा आणू शकते. मात्र, वैज्ञानिक अभ्यासांमध्ये अशा विसंगतींचा पुरावा मिळालेला नाही.
काही तज्ज्ञ मंडळी सांगतात कि बर्म्युडा ट्रँगल या क्षेत्राला उगाच वाढवले गेले आहे. जगात अशी अनेक क्षेत्र आहेत जेथे बर्म्युडा ट्रँगलहुन अधिक अपघात घडले आहेत. परंतु, मीडिया या मुद्द्यावर जास्त लक्ष देते आणि लोकांचे लक्ष तेथे जाते. त्यामुळे या क्षेत्राला अधिक गूढता प्राप्त झाली आहे. बर्म्युडा ट्रँगल हे एक रहस्यच राहिले आहे. वैज्ञानिक स्पष्टीकरणाने काही गोष्टी स्पष्ट झाल्या असल्या तरी लोकांच्या कुतूहलाला खतपाणी घालणारे हे ठिकाण कायम आहे. हे प्रकरण निसर्गाच्या अनिश्चिततेचे आणि मानवाच्या चौकस मनाचे प्रतीक आहे.
