फोटो सौजन्य - Social Media
ब्राझीलच्या किनाऱ्यापासून सुमारे १२०० किमी दूर असलेल्या निर्जन बेटावर तब्बल ८ वर्षे मृत्यूशी झुंज देणाऱ्या एडवर्ड मॅलरी यांची ही अंगावर शहारे आणणारी कथा आहे. ७० वर्षीय ब्रिटीश नेव्हिगेशन तज्ज्ञ असलेल्या एडवर्ड यांनी संकटातही हार न मानता जगण्याची जिद्द दाखवली, जी कोणत्याही चित्रपटापेक्षा कमी नाही.
सप्टेंबर २०१४ मध्ये भीषण वादळात त्यांची बोट ट्रिंडेड आयलंडजवळ उलटली आणि ते एका छोट्या राफ्टच्या मदतीने या निर्जन बेटावर पोहोचले. सुरुवातीला पिण्याच्या पाण्याचा मोठा प्रश्न त्यांच्या समोर उभा राहिला. समुद्राचे खारे पाणी जीवघेणे ठरू शकते हे माहीत असल्याने त्यांनी पावसाचे पाणी साठवण्याचा मार्ग शोधला. प्लास्टिक शीटच्या साहाय्याने त्यांनी स्वच्छ पाणी जमा केले आणि त्यातूनच जगण्याची आशा जिवंत ठेवली.
अन्नासाठी त्यांनी उपलब्ध साधनांपासून भाला तयार करून मासे आणि खेकडे पकडले. ते अन्न नेहमी शिजवून खात असल्याने आजारांपासून स्वतःचे संरक्षण केले. एवढेच नाही, तर मानसिक संतुलन राखण्यासाठी त्यांनी स्वतःची शिस्तबद्ध दिनचर्या तयार केली. पाणी साठवणे, अन्न शोधणे, निवारा मजबूत करणे आणि मदतीसाठी लक्ष ठेवणे.
२०१५ ते २०२१ या काळात त्यांनी अनेकदा मदतीसाठी धुराचे संकेत दिले, पण कोणीही त्यांच्यापर्यंत पोहोचू शकले नाही. वाढते वय आणि शारीरिक थकवा असूनही त्यांनी हार मानली नाही. अखेर नोव्हेंबर २०२२ मध्ये त्यांनी केलेला दाट काळा धूर एका जहाजाच्या नजरेत आला आणि त्यांची सुटका झाली.
वाचवल्यानंतर त्यांना ब्राझीलमधील लष्करी रुग्णालयात दाखल करण्यात आले. डॉक्टरही आश्चर्यचकित झाले की, केवळ पावसाचे पाणी आणि समुद्री अन्नावर त्यांनी इतकी वर्षे कशी काढली. ही कथा मानवी इच्छाशक्ती, धैर्य आणि संकटातही मार्ग काढण्याच्या जिद्दीचे प्रेरणादायी उदाहरण आहे.
.png "Videos"){kind=small}
