पहिल्यांदा कुठून आला झिका व्हायरस? अन् कसा झाला फैलाव

झिका विषाणू हा एक मच्छर-जनित फ्लेविव्हायरस आहे. 1947 मध्ये प्रथम युगांडाच्या झिका जंगलात रीसस माकडांमध्ये हा विषाणू आढळला. म्हणून त्याचे नाव झिका असे पडले. या व्हायरसच्या संसर्गाची सर्वात जास्त चिंता ही गर्भवती महिला आणि त्यांच्या गर्भात असणाऱ्या मुलासाठी आहे.

सौजन्य: सोशल मीडिया

Follow Us:

Follow Us:

सध्या देशात झिका व्हायरसने थैमान घातले आहे. राज्यात आणि प्रत्येक शहरात देखील या व्हायरसचा वाढता प्रभाव खरोखरच चिंतेची बाब बनली आहे. पण बऱ्याच लोकांना हे माहित नाही की, कुठून आला हा झिका व्हायरस ? कशी झाली याची उत्पत्ती ? काय आहेत नक्की याची लक्षणे? आणि कसा होतो याचा प्रसार ? अशा सर्व प्रश्नांची उत्तरे पाहुयात.

कुठून आला हा झिका व्हायरस

झिका विषाणू हा एक मच्छर-जनित फ्लेविव्हायरस आहे. फ्लॅविविरिडे व्हायरस कुटुंबाचा हा सदस्य आहे. या विषाणूचा प्रसार हा डासांमुळे होतो. याचा प्रसार खूप जलद गतीने होतो. 1947 मध्ये प्रथम युगांडाच्या झिका जंगलात रीसस माकडांमध्ये हा विषाणू आढळला. म्हणून त्याचे नाव झिका असे पडले. नायजेरियामध्ये 1954 मध्ये पहिले मानवी प्रकरण आढळून आले. अनेक दशकांपर्यंत, हा विषाणू तुलनेने इतकास वर आला नव्हता. ज्यामुळे आफ्रिका आणि आशियामध्ये फक्त तुरळक उद्रेक झाले होते. 2015 मध्ये मोठा टर्निग पॉइंट आला जेव्हा ब्राझीलमध्ये या विषाणूचा मोठ्या प्रमाणात उद्रेक झाला. ज्यामुळे या व्हायरसचा संपूर्ण अमेरिकेत वेगाने प्रसार झाला.

कसा होतो याचा प्रसार

झिकाच्या प्रसारासाठी प्राथमिक वाहक एडिस इजिप्ती डास आहे. जो डेंग्यू, चिकुनगुनिया आणि पिवळा ताप देखील प्रसारित करतो. डासांच्या चावण्याव्यतिरिक्त, झिका लैंगिक संपर्काद्वारे, रक्त संक्रमणाद्वारे आणि गर्भधारणेदरम्यान आईपासून गर्भामध्ये प्रसारित केला जाऊ शकतो.

झिकाची लक्षणे

झिका व्हायरस चे संक्रमण बहुधा लक्षणे नसलेले असते. फक्त संक्रमित व्यक्तींमध्ये 20% लक्षणे दिसतात. जेव्हा लक्षणे आढळतात, तेव्हा ती साधारणपणे सौम्य असतात आणि कित्येक दिवस ते एक आठवडा टिकू शकतात. ताप, पुरळ, डोळ्यांच्या बुबुळाच्या पुढील भागाचा होणारा दाह (लाल डोळे), स्नायू आणि सांधेदुखी, डोकेदुखी आणि अस्वस्थता ही सामान्य लक्षणे आहेत. ही लक्षणे इतर मच्छर-जनित संक्रमणांसारखीच असतात. ज्यामुळे क्लिनिकल निदान अचूक समजण्यास कठीण होते.

कोणाला आहे जास्त धोका ?

या व्हायरसच्या संसर्गाची सर्वात जास्त चिंता ही गर्भवती महिला आणि त्यांच्या गर्भात असणाऱ्या मुलासाठी आहे. झिका मायक्रोसेफलीशी संबंधित आहे. हा एक गंभीर जन्म दोष आहे जेथे बाळाचे डोके अपेक्षेपेक्षा लहान असते. याव्यतिरिक्त, झिका संसर्गामुळे गुइलेन-बॅरे सिंड्रोम होऊ शकतो. यामुळे एक दुर्मिळ आजार होऊ शकतो ज्यामध्ये रोगप्रतिकारक शक्ती मज्जातंतूंवर हल्ला करते. त्यामुळे पक्षाघात म्हणजे अचानक मेंदूच्या भागाला इजा होऊ शकते.

सौजन्य: सोशल मीडिया

झिकाचा प्रसार रोखण्यासाठी काय करावे ?

झिका विषाणूचा प्रसार रोखण्यासाठी प्रामुख्याने डासांची संख्या नियंत्रित करणे. आणि डास चावू नयेत म्हणून काळजी घेणे फार महत्त्वाचे आहे. उपायांमध्ये कीटकनाशक वापरणे. लांब बाही असलेले कपडे घालणे. मच्छरदाणी वापरणे आणि डासांची पैदास होते तेथील पाणी काढून टाकणे या गोष्टी कराव्यात. जास्त प्रमाणावर जिथे झिकाचे संक्रमण असेल त्या भागात, या विषाणूचे लैंगिक संक्रमण टाळण्यासाठी देखील सावधगिरी बाळगली पाहिजे. संशोधन आणि सार्वजनिक आरोग्य सज्जतेच्या महत्त्वावर भर दिला पाहिजे. तात्काळ धोका कमी झाला असताना, झिका चे दीर्घकालीन परिणाम समजून घेण्यासाठी आणि भविष्यातील उद्रेक रोखण्यासाठी सतत प्रयत्न चालू ठेवणे.

Web Title: Where did the zika virus first come from and how did it spread nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com