फोटो सौजन्य - सोशल मीडिया
राशिद खानचे लग्न : अफगाणिस्तानचा अष्टपैलू आणि कर्णधार राशीद खान त्याच्या दुखापतीमुळे काही दिवस संघाबाहेर होता. त्यानंतर त्याने मागील सामन्यामध्ये दमदार पुनरागमन केले आहे. आता राशिद खानच्या खासगी जीवनासंदर्भात मोठी अपडेट समोर आली आहे. अफगाणिस्तानचा कर्णधार राशिद खान लग्न केले आहे अशी बातमी समोर आली आहे. अफगाणिस्तानची राजधानी काबूलमध्ये राशिदचे लग्न झाले. अफगाण स्पिनरचे लग्न पश्तून रितीरिवाजानुसार पार पडले. आता राशिद खानच्या लग्नाचे सोशल मीडियावर अनेक फोटो व्हायरल होत आहे. व्हायरल झालेल्या फोटोंनुसार, राशिदचे गुरुवारी, ३ ऑक्टोबर रोजी लग्न झाले. त्याच्या लग्नाला अफगाणिस्तानचे सर्व क्रिकेटपटू उपस्थित होते.
राशिदच्या लग्नाचे सर्व फोटो सोशल मीडियावर वेगाने व्हायरल होत आहेत. सूत्रांच्या माहितीनुसार असे म्हंटले जात आहे की, राशिदसोबत त्याच्या तीन भावांनीही लग्न केले होते. राशिदचे लग्न केवळ नातेवाइकांमुळे झाल्याचा दावाही रिपोर्ट्समध्ये केला जात आहे. तसं पाहिलं तर त्याने लग्न करून मोठं वचन मोडलं. वास्तविक, काही वर्षांपूर्वी राशिदने आपल्या मुलाखतीत अफगाणिस्तान संघाने विश्वचषक जिंकल्यानंतर लग्न करणार असल्याचे सांगितले होते. तथापि, हे लक्षात घेण्यासारखे आहे की २०२४ मध्ये अफगाणिस्तानने प्रथमच T20 विश्वचषकाची उपांत्य फेरी गाठली होती.
Historical Night 🌉
Kabul is hosting the wedding ceremony of the prominent Afghan cricket star and our CAPTAIN 🧢 Rashid Khan 👑 🇦🇫 @rashidkhan_19
Rashid Khan 👑 and his three brother got married at same day.
Wishing him a and his thee brother happy and healthy life ahead! pic.twitter.com/YOMuyfMMXP
— Afghan Atalan 🇦🇫 (@AfghanAtalan1) October 3, 2024
राशिदच्या लग्नाला अफगाणिस्तान क्रिकेट संघाकडून खेळणारे त्याचे सर्व सहकारी क्रिकेटपटू उपस्थित होते. या लग्नात संघाचा अनुभवी अष्टपैलू खेळाडू मोहम्मद नबी दिसला. याशिवाय अष्टपैलू अजमतुल्ला उमरझाईही दिसला. रशीदच्या लग्नात नजीबुल्ला जद्रान, रहमत शाह आणि मुजीब उर रहमान यांच्यासह अनेक स्टार्स दिसले. अफगाणिस्तान क्रिकेट बोर्डाचे सीईओ नसीब खान देखील राशिदच्या लग्नाला उपस्थित होते.
.png "Videos"){kind=small}
