फोटो सौजन्य - सोशल मिडिया
भारताच्या आशिया कपची सुरुवात दमदार केली आहे, टीम इंडियाने पहिल्याच सामन्यात यूएईच्या संघाला पराभूत करुन सुपर 4 च्या आशा जिवंत ठेवल्या आहेत. आता भारताचा संघ हा पुढील सामना हा पाकिस्तानविरुद्ध खेळणार आहे हा सामना 14 सप्टेंबर रोजी खेळवला जाणार आहे. या सामन्याचे जेव्हापासून वेळापत्रक आले आहे तेव्हापासून भारतीय क्रिकेट चाहत्यांनी या सामन्याचा विरोध केला आहे. आता भारत विरुद्ध पाकिस्तान यांच्यामध्ये होणारा सामना हा रद्द होणार का? याबाबत सध्या चर्चा सुरु आहे.
आशिया कपमधील भारत विरुद्ध पाकिस्तान या सामन्याच्या बाबतीत मोठी अपडेट समोर आली आहे. आशिया कपमध्ये भारत आणि पाकिस्तान यांच्यातील सामना रद्द करण्याची मागणी करणारी याचिका सर्वोच्च न्यायालयात दाखल करण्यात आली आहे. कायद्याच्या चार विद्यार्थ्यांनी ही याचिका दाखल केली आहे. पहलगाम दहशतवादी हल्ला आणि ऑपरेशन सिंदूरनंतर पाकिस्तानसोबत सामना आयोजित केल्याने राष्ट्रीय प्रतिष्ठेच्या आणि सार्वजनिक भावनांच्या विरुद्ध संदेश जातो, असे म्हटले आहे.
याचिकेत म्हटले आहे की, राष्ट्रांमधील क्रिकेटचा उद्देश सौहार्द आणि मैत्री दाखवणे आहे. परंतु पहलगाम दहशतवादी हल्ल्यानंतर आणि ऑपरेशन सिंदूर नंतर, जेव्हा आपले लोक शहीद झाले आणि आपले सैनिक सर्वस्व पणाला लावले, तेव्हा पाकिस्तानशी खेळणे हा उलट संदेश देतो की जेव्हा आपले सैनिक आपले जीव धोक्यात घालत असतात, तेव्हा आपण त्याच देशासोबत खेळ साजरा करत असतो जो दहशतवाद्यांना आश्रय देतो.
भारत आणि पाकिस्तानचे संघ १४ सप्टेंबर रोजी दुबई आंतरराष्ट्रीय क्रिकेट स्टेडियमवर आशिया कप २०२५ मध्ये एकमेकांसमोर येतील. दोन्ही संघांचा समावेश ग्रुप-ए मध्ये आहे. पहलगाम दहशतवादी हल्ल्यानंतर भारत आणि पाकिस्तानचे संघ पहिल्यांदाच सामना खेळतील. दहशतवादी हल्ल्यानंतर भारत सरकारने पाकिस्तानसोबत कोणत्याही प्रकारची द्विपक्षीय मालिका खेळण्यास पूर्णपणे बंदी घातली आहे. भारताच्या संघाचा आता पाकिस्तानविरुद्ध सामना होणार की नाही यावर अजूनही प्रश्नचिन्ह आहे.
हे उल्लेखनीय आहे की बुधवारी भारताने आशिया कप २०२५ मध्ये दमदार सुरुवात केली. युएईचा ९३ चेंडू आणि ९ विकेट्स राखून पराभव झाला. प्रथम फलंदाजी करताना युएईने ५७ धावा केल्या. कुलदीप यादवने चार विकेट्स घेतल्या. लक्ष्याचा पाठलाग करताना भारताने २७ चेंडूत १ विकेट गमावून ६० धावा करून सामना जिंकला.
.png "Videos"){kind=small}
