IPL 2025 दरम्यान ऑस्ट्रेलियन दिग्गज खेळाडूसाठी वाईट बातमी, होणार चार वर्षांच्या तुरुंगवासाची शिक्षा

ऑस्ट्रेलियाचा दिग्गज माजी सलामीवीर मायकेल स्लेटरला चार वर्षांच्या तुरुंगवासाची शिक्षा सुनावण्यात आली आहे. स्लेटरला ऑस्ट्रेलियाच्या सर्वोत्तम फलंदाजांपैकी एक मानले जाते.

सध्या क्रिकेट जगतात आयपीएलचा बोलबाला आहे. या लीगमध्ये जगभरातील दिग्गज खेळाडू खेळतात. या लीगची सर्वत्र चर्चा होत आहे. दरम्यान, ऑस्ट्रेलियन दिग्गजाशी संबंधित एका बातमीने सर्वांचे लक्ष वेधून घेतले. ऑस्ट्रेलियाचा दिग्गज माजी सलामीवीर मायकेल स्लेटरला चार वर्षांच्या तुरुंगवासाची शिक्षा सुनावण्यात आली आहे. स्लेटरला ऑस्ट्रेलियाच्या सर्वोत्तम फलंदाजांपैकी एक मानले जाते. तो बराच काळ मार्क टेलरसोबत कसोटी संघाची सुरुवात करत राहिला आणि संघाला यश मिळवून देत राहिला. पण आता त्याच्याविरुद्ध निकाल आला आहे आणि त्याला चार वर्षांच्या तुरुंगवासाची शिक्षा सुनावण्यात आली आहे.

घरगुती हिंसाचाराच्या आरोपात दोषी आढळल्यानंतर स्टेलरला ही शिक्षा मिळाली. स्लेटरला चार वर्षांच्या तुरुंगवासाची शिक्षा सुनावण्यात आली आहे पण तो अजूनही मुक्त असेल कारण त्याने आधीच ३७५ दिवस कोठडीत घालवले आहेत. ५५ वर्षीय स्लेटर गेल्या वर्षी एप्रिलपासून कोठडीत आहेत. त्याच्यावर घरगुती हिंसाचार, गळा दाबून मारणे, चोरी, हेरगिरी असे आरोप ठेवण्यात आले होते. नूसा परिसरात राहणाऱ्या क्वीन्सलँडमधील एका महिलेने त्याच्यावर हे आरोप केले होते. गेल्या वर्षी त्यांचा जामीन अर्ज फेटाळण्यात आला होता, त्यानंतर ते न्यायालयात बेशुद्ध पडले होते.

See more

Former cricketer and IPL commentator Michael Slater was sentenced to four years for domestic violence but will serve just over a year due to a partly suspended sentence.

He has faced multiple assault and stalking charges in recent years, struggling with mental health issues. pic.twitter.com/JIZIQTaoUG

— DW Sports (@dw_sports) April 22, 2025

मंगळवारी निकाल देताना, क्वीन्सलँड जिल्हा न्यायालयाच्या न्यायाधीशांनी सांगितले की स्लेटर हा मद्यपी होता, जो त्याच्या गुन्ह्यांचे मूळ कारण होता. न्यायाधीशांनी सांगितले की या माजी फलंदाजाचे पुनर्वसन सोपे नसेल. स्लेटरने पीडितेला ही बाब न सांगण्याची धमकी दिली. त्याच्या विरोधी वकिलांनी सांगितले की स्लेटरला पाच वर्षांची शिक्षा झाली पाहिजे, ज्यामध्ये पॅरोलसाठी तीन वर्षे उपलब्ध आहेत.

SRH vs MI Dream Team : जर तुम्ही या खेळाडूला कर्णधार बनवले तर व्हाल मालामाल! तुमच्या ड्रीम टीममध्ये या 11 प्लेयर्सला करा सामील

स्लेटरच्या वकिलाने असा युक्तिवाद केला की माजी फलंदाजाला फक्त तीन वर्षांची शिक्षा सुनावली पाहिजे आणि त्याला तात्काळ पॅरोल मंजूर केला पाहिजे. त्याने न्यायालयाला सांगितले की स्लेटरने तपासात पूर्ण सहकार्य केले होते आणि गेल्या वर्षभर तुरुंगात दारूपासून दूर राहिला होता. त्याच्या वकिलाने सांगितले की स्लेटरला न्यू साउथ वेल्समधील त्याच्या कुटुंबाकडे परतायचे होते.