County Cricket: Ishan Kishan's sensational performance in England! He rocked the field with an explosive innings in his debut match; Watch Video
Ishan Kishan’s big innings in county cricket : भारतीय यष्टीरक्षक-फलंदाज इशान किशनने काउंटी क्रिकेट खेळत आहे. त्याने आपल्या पहिल्याच सामन्यात शानदार कामगिरीने सर्वांचे लक्ष वेधले आहे. इशानने नॉटिंगहॅमशायरकडून दोन सामन्यांचा करार केला आहे. २६ वर्षीय किशनने ट्रेंट ब्रिज येथे यॉर्कशायरविरुद्धच्या पहिल्या डावात फक्त ९८ चेंडूत ८७ धावांची जलद खेळी साकारली आहे. या डावात त्याने १२ चौकार आणि १ षटकार मारला आहे.
किशन सहाव्या क्रमांकावर मैदानात फलंदाजीला आला. त्याने त्याच्या आक्रमक फलंदाजीने प्रेक्षकांचे चांगलेच मनोरंजन केले. त्याने फक्त ५७ चेंडूत आपले अर्धशतक पूर्ण केले, ज्यामध्ये न्यूझीलंडचा आंतरराष्ट्रीय गोलंदाज विल ओ’रोर्कविरुद्ध सलग दोन चौकारांचा समावेश आहे.
हेही वाचा : SL vs BAN : बांगलादेश संघ जाहीर! श्रीलंकेविरुद्ध एकदिवसीय मालिकेत ‘या’ खेळाडूंची लागली लॉटरी..
काउंटी क्रिकेटमधील त्याच्या पदार्पणाबद्दल किशन खूप उत्साहित दिसून आला. किशन म्हणाला की, “इंग्लंडमध्ये काउंटी क्रिकेट खेळणे हा माझा पहिला अनुभव असल्याने मी खूप उत्साहित आहे. माझ्यासाठी ही माझे कौशल्य दाखवण्याची आणि शिकण्याची एक चांगली संधी आहे. माझे ध्येय एक चांगला क्रिकेटपटू बनणे असून मला विश्वास आहे, की इंग्लंडच्या परिस्थितीत खेळल्याने मला नवीन तंत्रे आणि रणनीती शिकण्यास मदत होणार आहे. ट्रेंट ब्रिज हे एक प्रतिष्ठित मैदान आहे. ज्याचे भारतात आणि जगभरात नेहमीच कौतुक करण्यात येते. तिथे खेळणे हा माझ्यासाठी एक खास अनुभव आहे.”
झिम्बाब्वेविरुद्धच्या दोन कसोटी सामन्यांच्या मालिकेसाठी त्याच्या राष्ट्रीय संघात सामील झालेल्या दक्षिण आफ्रिकेच्या यष्टीरक्षक काइल व्हेरिनच्या जागी इशान किशनला नॉटिंगहॅमशायरकडून करारबद्ध करण्यात आले आहे. इशान किशनची ही शानदार खेळी केवळ त्याचा आत्मविश्वास वाढवणारी असणारणंही तर भारतीय निवडकर्त्यांच्या नजरेत त्याला पुन्हा प्रसिद्धी मिळवून देण्यास मदतगार ठरणार आहे.
📹 Already making his mark!
Ishan Kishan cuts away his eighth boundary of his innings to move to 53 from 57 balls.
Nottinghamshire are 311-6.#YORvNOT | 📺 https://t.co/odtZgMvjZm https://t.co/7DTcxN45an pic.twitter.com/Wes6yQDbag
— Notts Outlaws (@TrentBridge) June 23, 2025
इशान किशनने २ कसोटी सामने खेळले आहेत. त्यामध्ये त्याने ७८ धावा केल्या आहेत. यादरम्यान त्याने अर्धशतक झळकावले आहे. त्याच वेळी, त्याने एकदिवसीयच्या २७ सामन्यांमध्ये ९३३ धावा केल्या आहेत. एकदिवसीय सामन्यांमध्ये त्याने बांगलादेशविरुद्ध द्विशतक देखील लगावले आहे. टी-२० आंतरराष्ट्रीय सामन्यांबद्दल सांगायचे झाल्यास त्याने ३२ सामन्यांमध्ये ७९६ धावा केल्या आहेत.
.png "Videos"){kind=small}
