"...माझा काळ संपला आहे"; राजस्थान रॉयल्स का सोडण्याबाबत Sanju Samson चे मोठे विधान
28 मार्चपासून सुरू होणार इंडियन प्रीमियर लीग
संजू सॅमसन यावर्षी चेन्नई सुपर किंग्सकडून खेळणार
टी-20 वर्ल्ड कप स्पर्धेत संजूने केली जबरदस्त कामगिरी
IPL 2026: यावर्षी 28 मार्चपासून इंडियन प्रीमियर लीग म्हणजे आयपीएल लीग सुरू होणार आहे. नुकतीच टी-20 वर्ल्ड कप स्पर्धा पार पडली. यामध्ये भारताने वर्ल्ड कप जिंकला. भारताकडून संजू सॅमसनने उत्तम कामगिरी केली. संजू सॅमसन वर्ल्ड कप स्पर्धेत प्लेयर ऑफ द टुर्नामेंट ठरला आहे. यंदा संजू सॅमसन राजस्थान रॉयल्स ऐवजी चेन्नई सुपर किंग्सकडून खेळताना दिसणार आहे. यावर त्याने आता स्पष्टीकरण दिले आहे.
मागच्या वर्षी चेन्नई सुपर किंग्सने संजू सॅमसनला राजस्थान रॉयल्सकडून खरेदी केले आहे. आता याबाबर संजू सॅमसनने स्पष्टीकरण दिले आहे. एका वृत्तसंस्थेशी बोलताना त्याने राजस्थान रॉयल्सला सोडण्याचा निर्णय का घेतला याबाबत भाष्य केले आहे.
काय म्हणाला संजू सॅमसन?
मी राजस्थान रॉयल्स संघाशी 2018 ते 2025 इतके वर्ष जोडलेलो होतो. 2025 मध्ये झालेल्या आयपीएलनंतर मला असे जाणवले, “राजस्थान रॉयल्स संघाबबत माझा काळ संपला आहे. मी राजस्थान रॉयल्स सोडले कारण मला वाटले की या संघासोबतचा माझा काळ संपला आहे.” आतापर्यंत संजू सॅमसन राजस्थान रॉयल्सकडून 11 सीजन्स खेळला आहे.
राजस्थान रॉयल्स संघासाठी सर्वाधिक धावा करणाऱ्या खेळाडूंमध्ये त्याचे नाव आहे. यंदाच्या आयपीएलमध्ये तो चेन्नई सुपर किंग्स संघाकडून खेळणार आहे. तो राजस्थान रॉयल्स विरुद्धच्या सामन्यात चेन्नईकडून आपले पदार्पण करणार आहे. हे काही पहिल्यांदा नाही की मी राजस्थान रॉयल्स विरुद्ध खेळणार आहे, असे संजू सॅमसन म्हणाला.
सर्वाधिक सामने खेळण्याचा रेकाॅर्ड संजू सॅमसनच्या नावावर
प्रत्येक खेळाडूला आयपीएलची चमकणारी ट्रॉफी उचलायची असते, पण अनेक खेळाडूंचे नशीब इतके वाईट असते की वर्षानुवर्षे कठोर परिश्रम करूनही त्यांचे स्वप्न अपूर्ण राहते. काही खेळाडू हे अपूर्ण स्वप्न घेऊनही निवृत्त होतात. आज आम्ही तुमच्यासाठी अशा खेळाडूंची यादी घेऊन आलो आहोत ज्यांनी आयपीएल ट्रॉफी जिंकल्याशिवाय सर्वाधिक सामने खेळले आहेत. या यादीत संजू सॅमसन दुसऱ्या क्रमांकावर आहे. यावेळी सॅमसन ५ वेळा चॅम्पियन झालेल्या चेन्नई सुपर किंग्जकडून खेळणार आहे.
.png "Videos"){kind=small}
