DPL 2025 : सामन्यात झालेल्या वादानंतर नितीश राणा – दिग्वेश राठीसह 5 खेळाडूंना सुनावली शिक्षा

एकीकडे नितीश राणा आणि दिग्वेश राठी यांच्यात जोरदार वाद झाला. दुसरीकडे, क्रिश यादव, अमन भारती आणि सुमित माथूर हे देखील एकमेकांशी भिडले. सामन्यादरम्यान खेळाडूंचे असे वर्तन पाहिल्यानंतर, या सर्वांना शिक्षा देण्यात आली आहे.

दिल्ली प्रीमियर लीग म्हणजेच डीपीएल २०२५ चा एलिमिनेटर सामना दक्षिण दिल्ली आणि पश्चिम दिल्ली यांच्यात खेळला गेला. या सामन्यात धावांचा पाऊसच पडला नाही तर खेळाडूंमधील हाणामारीनेही सर्वांचे लक्ष वेधून घेतले. एकीकडे नितीश राणा आणि दिग्वेश राठी यांच्यात जोरदार वाद झाला. या दोघांचा वादाचा व्हिडिओ सध्या सोशल मिडियावर मोठ्या प्रमाणात व्हायरल होत आहे. या दोघांमध्ये कडाक्याचा वाद त्याचबरोबर शिवीगाळ देखील झाला होता त्यानंतर इतर मैदानामधील खेळाडू हे दोघांना रोखण्यासाठी आले होते

दुसरीकडे, क्रिश यादव, अमन भारती आणि सुमित माथूर हे देखील एकमेकांशी भिडले. सामन्यादरम्यान खेळाडूंचे असे वर्तन पाहिल्यानंतर, या सर्वांना शिक्षा करण्यात आली आहे आणि त्यांच्यावर मोठा दंड ठोठावण्यात आला आहे. डीपीएलच्या प्रेस रिलीजनुसार, दिग्वेश राठी यांना खेळाच्या भावनेविरुद्ध वर्तन केल्याबद्दल कलम २.२ (लेव्हल २) अंतर्गत आचारसंहितेचे उल्लंघन केल्याबद्दल त्यांच्या सामना शुल्काच्या ८०% दंड ठोठावण्यात आला आहे. 

RCB Post : बेंगळुरू चेंगराचेंगरी प्रकरणानंतर RCB ने उचलले मोठे पाऊल, पीडितांच्या कुटुंबियांना देणार एवढे पैसे

नितीश राणा यांना कलम २.६ (स्तर १) अंतर्गत आचारसंहिता उल्लंघन केल्याबद्दल – सामन्यादरम्यान अश्लील, आक्षेपार्ह किंवा अपमानास्पद हावभाव केल्याबद्दल – त्याच्या सामना शुल्काच्या ५०% दंड ठोठावण्यात आला आहे. सामन्यादरम्यान ऐकू येणारे अश्लील शब्द वापरण्याच्या कलम २.३ (स्तर १) अंतर्गत आचारसंहिता भंग केल्याबद्दल अमन भारतीला त्याच्या सामना शुल्काच्या ३०% दंड ठोठावण्यात आला आहे.

सुमित माथूरला कलम २.५ (स्तर १) अंतर्गत आचारसंहितेचे उल्लंघन केल्याबद्दल त्याच्या सामना शुल्काच्या ५०% दंड ठोठावण्यात आला आहे – अशी भाषा, कृती किंवा हावभाव वापरणे ज्यामुळे दुसऱ्या खेळाडूकडून आक्रमक प्रतिक्रिया निर्माण होऊ शकते. सामन्यादरम्यान प्रतिस्पर्धी खेळाडूला शिवीगाळ केल्यानंतर आणि त्याच्याकडे बॅट दाखवल्यानंतर ऐकू येईल अशा अश्लील भाषेचा वापर केल्याबद्दल कलम २.३ (लेव्हल २) अंतर्गत आचारसंहिता भंग केल्याबद्दल क्रिश यादवला त्याच्या सामना शुल्काच्या १००% दंड ठोठावण्यात आला आहे.

See more

🚨 𝑹𝑬𝑷𝑶𝑹𝑻𝑺 🚨

The DPL has handed out heavy fines to several players following the heated Eliminator clash between South Delhi Superstarz and West Delhi Lions! 🏏

Krish Yadav (100% fine), Digvesh Rathi (80% fine), Nitish Rana (50% fine), Sumit Mathur (50% fine), and Aman… pic.twitter.com/cagpH8MsYi

— Sportskeeda (@Sportskeeda) August 30, 2025

सामन्याबद्दल बोलायचे झाले तर, नितीश राणाच्या झंझावाती शतकाच्या जोरावर, पश्चिम दिल्लीच्या संघाने एलिमिनेटर सामना ७ विकेट्सने जिंकण्यात यश मिळवले. दक्षिण दिल्लीने २०१ धावा जमवल्या होत्या ज्याचा पाठलाग पश्चिम दिल्लीने फक्त १७.१ षटकात केला. नितीश राणाने ५५ चेंडूत ८ चौकार आणि १५ उत्तुंग षटकारांसह १३४ धावांची नाबाद खेळी केली.