Jos Buttler
इंग्लंडचा यष्टीरक्षक-फलंदाज जॉस बटलरने आंतरराष्ट्रीय क्रिकेटमध्ये एक नवा इतिहास रचला आहे. एकदिवसीय आणि टी-२० या दोन्ही मर्यादित षटकांच्या प्रकारांत मिळून १०,००० आंतरराष्ट्रीय रन्स पूर्ण करणारा तो इंग्लंडचा पहिलाच फलंदाज ठरला आहे. श्रीलंकेविरुद्ध लीड्स येथील हेडिंग्ले मैदानावर खेळल्या गेलेल्या दुसऱ्या एकदिवसीय सामन्यादरम्यान बटलरने हा ऐतिहासिक टप्पा गाठला आहे.
T20 क्रिकेटमध्ये Jos Buttler ची ‘दादागिरी’; असा विक्रम करणारा पहिलाच फलंदाज, पोलार्डला दिला ‘झटका’
दुसऱ्या सामन्यात श्रीलंकेने प्रथम फलंदाजी करतानाया 322 रन्सचा डोंगर उभा केला होता. त्या रन्सचा पाठलाग इंग्लंडचा संघ करू शकला नाही. मात्र या सामन्यात जोस बटलरने नवा रेकॉर्ड रचला आहे. इंग्लंडच्या क्रिकेट इतिहासात आतापर्यंत कोणत्याही फलंदाजाला मर्यादित षटकांच्या क्रिकेटमध्ये ही कामगिरी करता आलेली नव्हती.
जॉस बटलर हा आधुनिक क्रिकेटमधील सर्वात धोकादायक फलंदाजांपैकी एक मानला जातो. मिडल ऑर्डरमध्ये जोस बटलर इंग्लंडसाठी अत्यंत महत्वाची भूमिका बजावत असल्याचे पाहायला मिळाले. इंग्लंडला २०१९ चा वनडे विश्वचषक आणि २०२२ चा टी-२० विश्वचषक जिंकून देण्यात बटलरचा मोलाचा वाटा राहिला आहे. त्याच्या या नवीन विक्रमामुळे जागतिक क्रिकेटमध्ये आणि विशेषतः इंग्लंड क्रिकेटमध्ये त्याचे नाव सुवर्णअक्षरांनी कोरले गेले आहे.
कर्णधार जॉस बटलरने श्रीलंकेविरुद्ध 69 रन्सची तुफानी खेळी केली. मात्र त्याची खेळी इंग्लंडला विजय मिळवून देऊ शकली नाही. कुसल मेंडिसच्या शानदार शतकानंतर गोलंदाजांनी मोक्याच्या क्षणी दाखवलेल्या शिस्तबद्ध माऱ्याच्या जोरावर श्रीलंकेने दुसऱ्या एकदिवसीय सामन्यात इंग्लंडचा पराभव केला. या रोमांचक विजयासह श्रीलंकेने तीन सामन्यांच्या सिरिजमध्ये १-१ अशी बरोबरी साधली आहे.
.png "Videos"){kind=small}
