GT vs PBKS: Punjab Lions-Gujarat Titans match to be held in Ahmedabad; This is what the playing 11 of both teams could be like.
GT vs PBKS : आयपीएल 2025 चा 5 वा सामना उद्या 25 मार्च रोजी गुजरात टायटन्स आणि पंजाब किंग्स यांच्यात खेळवण्यात येणार आहे. अहमदाबादच्या नरेंद्र मोदी स्टेडियमवर हा सामना खेळवला जाणार आहे. या सामन्याने दोन्ही संघ 18 व्या हंगामातील आपल्या मोहिमेची सुरुवात करतील. गुजरातची धुरा शुबमन गिलच्या खांद्यावर असेल तर पंजाब किंग्जच्या नेतृत्वाची जबाबदारी श्रेयस अय्यरकडे देण्यात आली आहे.
यावेळी दोन्ही संघात बदल झालेला दिसणार आहे. हा सामना थरारक असणार आहे. अशा स्थितीत दोन्ही संघ आपला पहिला सामना जिंकण्यासाठी प्रयत्नशील असतील. पंजाबचा संघ यावेळी तगडा दिसत आहे. परदेशी खेळाडू आणि भारतीय खेळाडूंमध्ये चांगला समन्वय असल्याचे दिसून येत आहे. गुजरातही यंदाच्या मोसमात चांगली सुरुवात करण्यासाठी सज्ज झाली आहे.
हेही वाचा : IPL 2025 : हिटमॅन रोहित शर्माच्या नावावर नकोसा विक्रम; ‘त्या’ लाजिरवाण्या यादीत पटकावलं पहिलं स्थान…
अहमदाबादच्या नरेंद्र मोदी स्टेडियमची खेळपट्टी ही फलंदाजीसाठी अनुकूल मानली जाते. उच्च स्कोअरिंगसाठी येथे नेहमीच आदर्श परिस्थिती राहिली आहे. वेगवान गोलंदाजांना सुरुवातीला मदत मिळण्याची शक्यता असली, तरी जसजसा सामना पुढे जात राहीलतसतशी खेळपट्टी फिरकीपटूंना मदत करणारी ठरेल. असे बोलले जात आहे.
नरेंद्र मोदी स्टेडियमवर आजवर एकूण 35 आयपीएल सामने खेळवण्यात आले आहेत. जिथे प्रथम फलंदाजी करणाऱ्या संघाने 15 सामने जिंकले आहेत. तर धावांचा पाठलाग करणाऱ्या संघाने 20 सामने जिंकले आहेत. इतकेच नाही तर नाणेफेक जिंकून प्रथम फलंदाजी करणाऱ्या संघाने 17 सामन्यात विजय मिळवला आहे तर नाणेफेक गमावलेल्या संघाने 18 सामने आपल्या नावे केले आहेत.
गुजरात टायटन्स आणि पंजाब किंग्ज यांच्यात आयपीएलमध्ये आतापर्यंत एकूण 5 सामने खेळले गेले आहेत. यामध्ये गुजरात संघाने 3 वेळा तर पंजाब संघाने 2 वेळा विजय प्राप्त केला आहे.
हेही वाचा : पहा Video : धोनीचा जलवा कायम, मैदानात एंट्री होताच नीता अंबानींना झाकावे लागले कान..
गुजरात टायटन्स (GT) ची संभाव्य प्लेइंग इलेव्हन: शुभमन गिल (कर्णधार), जोस बटलर (यष्टीरक्षक), साई सुदर्शन, ग्लेन फिलिप्स, महिपाल लोमरोर, राहुल तेवतिया, वॉशिंग्टन सुंदर, रशीद खान, आर साई किशोर, कागिसो रबाडा, मोहम्मद सिराज, कृष्णा सिराज (प्रसिद्ध)
पंजाब किंग्जची संभाव्य प्लेइंग इलेव्हन (पीबीकेएस): प्रभसिमरन सिंग (यष्टीरक्षक), प्रियांश आर्य, श्रेयस अय्यर (कर्णधार), मार्कस स्टॉइनिस, ग्लेन मॅक्सवेल, शशांक सिंग, मार्को जेन्सन, अर्शदीप सिंग, हरप्रीत ब्रार, लॉकी फर्ग्युसन, युजवेंद्र चहल (नेत्र चहल), श्रेयस अय्यर (कर्णधार).
.png "Videos"){kind=small}
