हीथ स्ट्रीक : झिम्बाब्वेचा स्टार क्रिकेटर खेळाडू हीथ स्ट्रीक यांच्या मृत्यूची खोटी बातमी सोशल मीडियावर व्हायरल झाली होती. खरं तर सोशल मीडियावर ४९ वर्षीय झिम्बाब्वेचा माजी क्रिकेटर हीथ स्ट्रीकचा कर्करोगाने मृत्यू झाल्याची माहिती समोर आली होती. परंतु आता या अफवांना पूर्णविराम लागला आहे. झिम्बाब्वेचा स्टार क्रिकेटर खेळाडू हीथ स्ट्रीक जिवंत आहे. हिथ स्ट्रीकचा सहकारी हेन्री ओलांगा याने यापूर्वी त्याच्या मृत्यूची पुष्टी केली होती. मात्र, नंतर त्यांनी हे ट्विट डिलीट केले. त्यानंतर सोशल मीडियावर हेन्री ओलांगाच्या ट्विटनंतर अनेक क्रिकेटपटूंनी हीथ स्ट्रीकला श्रद्धांजली वाहण्यास सुरुवात केली. तथापि, नंतर ओलांगाने स्ट्रीकशी गप्पा मारल्या, त्यानंतर स्ट्रीक पूर्णपणे ठीक असल्याचे उघड झाले. ओलांगा यांनी ‘X’ (पूर्वीचे ट्विटर) वर स्ट्रीकसोबतच्या संभाषणाचा स्क्रीनशॉटही शेअर केला आहे.
ओलांगा यांनी लिहिले, “मी पुष्टी करू शकतो की हिथ स्ट्रीकच्या निधनाच्या अफवा अतिशयोक्तीपूर्ण आहेत. मी नुकतेच त्याच्याशी बोललो आहे. तिसऱ्या पंचाने त्याला परत बोलावले आहे. तो जिवंत आहे.” याआधी, हीथ स्ट्रीकच्या मृत्यूची बातमी व्हायरल होताच ओलंगासह अनेक क्रिकेटपटूंनी शोक व्यक्त केला होता. ओलांगा यांनीच स्ट्रीक यांच्या निधनाबद्दल ट्विट केले होते. न्यूझीलंडच्या स्कॉट स्टायरिस, शॉन इर्विन आणि बंगवा यांसारख्या अनेक क्रिकेटपटूंनीही प्रतिक्रिया व्यक्त केल्या. बंगवाने तुटलेल्या हृदयाचा इमोजीही शेअर केला आहे.
याचदरम्यान हिथ स्ट्रीकने स्पोर्ट्स स्टारला सांगितले की, ‘मी आता बरा आहे आणि बरा होत आहे. मी घरीच आहे आणि उपचारामुळे अजून काही टेन्शन आहे, तरीही मी ठीक आहे. वास्तविक, झिम्बाब्वेचा स्टार गोलंदाज स्ट्रीक सध्या आजारी आहे. स्ट्रीकवर दक्षिण आफ्रिकेतील टॉप ऑन्कोलॉजिस्ट उपचार करत आहेत, असे त्याच्या कुटुंबीयांनी मे महिन्यात उघड केले. हिथ स्ट्रीकने झिम्बाब्वेकडून खेळताना असे अनेक विक्रम केले जे आजही कायम आहेत. १०० पेक्षा जास्त कसोटी विकेट्स आणि २०० हून अधिक एकदिवसीय विकेट्स घेणारा स्ट्रीक हा झिम्बाब्वेचा एकमेव गोलंदाज म्हणून गणला जातो. २००० च्या दशकात त्याने झिम्बाब्वेचे कर्णधारपद भूषवले, एक कठीण काळ ज्यामध्ये बोर्ड आणि संघ यांच्यातील तणावपूर्ण संबंधांमुळे अनेक खेळाडूंनी राष्ट्रीय संघातून माघार घेतली.
.png "Videos"){kind=small}
