IPL 2026: आयपीएल लिलावात मोठी खळबळ! १० संघांच्या खिशात किती पैसे आणि किती जागा शिल्लक? वाचा एका क्लिकवर

IPL 2026 Mini Auction: फ्रँचायझींकडे एकूण ₹ २३७.५५ कोटींचा मोठा 'पर्स' (खर्चासाठी उपलब्ध रक्कम) आहे. या मोठ्या लिलावापूर्वी कोणत्या संघाच्या 'पर्स'मध्ये किती रक्कम शिल्लक आहे, याची माहिती जाणून घ्या.

• अबू धाबीत १६ डिसेंबरला मिनी लिलाव
• १७३ खेळाडू रिटेन, ७७ स्लॉट्ससाठी
• २३७.५५ कोटी खर्च होणार

IPL 2026 Mini Auction: आयपीएल २०२६ मिनी लिलावाचे (IPL Mini Auction) काउंटडाऊन सुरू झाले आहे. १६ डिसेंबर रोजी अबू धाबी (Abu Dhabi) येथे होणारा हा लिलाव अनेक मोठ्या निर्णयांचा साक्षीदार ठरेल. यावेळी १७३ खेळाडूंना रिटेन (संघात कायम) केल्यानंतर केवळ ७७ स्लॉट्स शिल्लक राहिले आहेत. या स्लॉट्ससाठी फ्रँचायझींकडे एकूण ₹ २३७.५५ कोटींचा मोठा ‘पर्स’ (खर्चासाठी उपलब्ध रक्कम) आहे. या मोठ्या लिलावापूर्वी कोणत्या संघाच्या ‘पर्स’मध्ये किती रक्कम शिल्लक आहे, याची माहिती खालीलप्रमाणे आहे:

संघनिहाय पर्से आणि स्लॉट्सची आकडेवारी

प्रमुख संघांचे निर्णय आणि रणनीती

१. कोलकाता नाइट रायडर्स (KKR) – सर्वाधिक पर्से

शाहरुख खानच्या KKR संघाने ऑक्शनपूर्वी त्यांचे सर्वात महागडे खेळाडू वेंकटेश अय्यर (₹२३.७५ कोटी) आणि आंद्रे रसेल यांना रिलीज करून सर्वांना आश्चर्याचा धक्का दिला. किंग खानचा संघ ऑक्शनमध्ये रसेलला पुन्हा विकत घेऊ शकतो. KKR ला सर्वाधिक १३ स्लॉट्स भरायचे आहेत आणि त्यांच्याकडे सर्वाधिक ₹ ६४.३० कोटी इतकी मोठी रक्कम शिल्लक आहे.

२. चेन्नई सुपर किंग्स (CSK)

पाच वेळा विजेत्या CSK ने ट्रेड डीलद्वारे संजू सॅमसनला संघात घेतले आहे. तर, त्यांनी माथीशा पथिराना, रचिन रवींद्र आणि रवींद्र जडेजासारख्या प्रमुख खेळाडूंना रिलीज केले आहे. CSK ला ९ खेळाडू घ्यायचे आहेत आणि त्यांच्याकडे ₹ ४३.४० कोटींचा मोठा पर्स आहे.

हे देखील वाचा: IPL 2026 : CSK च्या जर्सीत पहिल्यांदाच दिसला संजू सॅमसन! दिले मोठे विधान, म्हणाला – चॅम्पियन असल्यासारखे वाटत आहे…

3. सनरायझर्स हैदराबाद (SRH)

SRH ने मोहम्मद शमीला लखनऊशी ट्रेड केले आहे. राहुल चाहर, ॲडम झम्पा या खेळाडूंना रिलीज केल्यानंतर त्यांच्या पर्समध्ये ₹ २५.५० कोटी शिल्लक आहेत आणि त्यांना १० स्लॉट्स भरायचे आहेत.

४. लखनऊ सुपर जायंट्स (LSG)

LSG संघाने कर्णधार ऋषभ पंतला (₹२७ कोटी) रिटेन ठेवण्याचा निर्णय घेतला, जो लिलावातील सर्वात महागडा खेळाडू ठरण्याची शक्यता होती. त्यांनी आकाश दीप, रवी बिश्नोई आणि डेव्हिड मिलर यांसारख्या खेळाडूंना रिलीज केले आहे. त्यांच्याकडे ६ स्लॉट्ससाठी ₹ २२.९५ कोटी शिल्लक आहेत.

५. दिल्ली कॅपिटल्स (Delhi Capitals)

दिल्ली कॅपिटल्सने फाफ डू प्लेसिस, जॅक फ्रेझर-मॅकगर्क, सादिकुल्लाह अटल, मनवंत कुमार, मोहित शर्मा आणि दर्शन नालकांडे यांसारख्या खेळाडूंना रिलीज केले आहे. यामुळे दिल्लीकडे एकूण आठ जागा शिल्लक आहेत, ज्यामध्ये परदेशी खेळाडूंसाठी पाच जागा आहेत.

६. रॉयल चॅलेंजर्स बंगळूरु (RCB)

डिफेंडिंग चॅम्पियन RCB ने ऑलराउंडर लियाम लिव्हिंग्स्टन आणि युवा गोलंदाज रसिख दार यांना रिलीज केले आहे. त्यांच्याकडे ८ स्लॉट्ससाठी ₹ १६.४० कोटी शिल्लक आहेत.

७. राजस्थान रॉयल्स (RR)

RR ने वानिंदु हसरंगा आणि महीश तीक्षणासह अनेक खेळाडूंना रिलीज केले. मात्र, त्यांनी रवींद्र जडेजा आणि सॅम करन यांसारख्या खेळाडूंना ट्रेड करून संघात सामील केले आहे. त्यांच्याकडे ९ स्लॉट्ससाठी ₹ १६.०५ कोटी बाकी आहेत.

८. गुजरात टायटन्स (Gujarat Titans)

शुभमन गिलच्या नेतृत्वाखालील गुजरात टायटन्सने आगामी आयपीएल लिलावापूर्वी जेराल्ड कोएत्झी, महिपाल लोमरोर आणि दासुन शनाका सारख्या खेळाडूंना रिलीज केले आहे. गुजरातकडे आता पाच खेळाडूंचे स्थान शिल्लक आहेत, ज्यात परदेशी खेळाडूंसाठी चार आहेत.

हे देखील वाचा: IPL 2026 Retention : फ्रँचायझींकडून ट्रेड खेळाडूंची यादी जाहीर! ‘या’ स्टार खेळाडूंनी संघ बदलले 

९. पंजाब किंग्ज (Punjab Kings)

पंजाब किंग्जने आयपीएल २०२६ च्या लिलावापूर्वी अनेक प्रमुख खेळाडूंना रिलीज केले आहे. यामध्ये जोश इंग्लिस, ग्लेन मॅक्सवेल, आरोन हार्डी, प्रवीण दुबे आणि कुलदीप सेन यांचा समावेश आहे. तथापि, पंजाबच्या संघात आता चार खेळाडूंची जागा रिक्त आहे. दोन परदेशी खेळाडूंचाही समावेश होऊ शकतो.

१०. मुंबई इंडियन्स (MI) – सर्वात कमी पैसे

मुंबई इंडियन्सने मुजीब उर्र रहमान, लिझाड विल्यम्स यांना रिलीज केले आहे. सर्वात कमी रक्कम (₹ २.७५ कोटी) शिल्लक असलेल्या मुंबईला ५ स्लॉट्स भरायचे आहेत, ज्यात केवळ एका विदेशी खेळाडूचा समावेश आहे.