IND VS BAN : ‘भारताला पराभूत करू…’, बांगलादेशची शिरजोरी, सामन्यायाधीच प्रशिक्षकाने उधळली मुक्ताफळे 

आशिया कपमध्ये २४ सप्टेंबर रोजी भारत आणि बांगलादेश यांच्यात चौथा सुपर ४ सामना खेळला जाणार आहे. या सामान्याआधीच बांगलादेशच्या प्रशिक्षकांनी भारताला कोणताही संघ पराभूत करेल असे विधान केले आहे.

IND VS BAN: 'We will defeat India...', Bangladesh's head coach made a surprise statement just before the match

Follow Us

Follow Us:

Asia cup 2025 : आशिया कप २०२५(Asia cup 2025) मधील सुपर ४ सामने सुरू झाले आहेत. आतापर्यंत २ सुपर ४ सामने खेळले गेले आहेत, तर तिसरा सुपर ४ सामना आज श्रीलंका आणि पाकिस्तान यांच्यात खेळला जात आहे. तर उद्या म्हणजेच २४ सप्टेंबर रोजी भारत आणि बांगलादेश यांच्यात चौथा सुपर ४ सामना खेळला जाणार आहे. बांगलादेशने पहिल्या सुपर ४ सामन्यात  श्रीलंकेला हरवून आपली विजयी सुरवात केली होती. २४ सप्टेंबर रोजी बलाढ्य भारताविरुद्ध बांगलादेशचा कस लागणार आहे. कारण, भारतीय संघ आशिया कप २०२५ मध्ये गट टप्प्यापासून अपराजित आहे. असे असले तरी बांगलादेशचा आत्मविश्वास गगनाला भिडलेला दिसत आहे. आम्ही असे का म्हणत आहोत याबाबत आपण जाणून घेऊया.

युएईमध्ये होणाऱ्या आशिया कप २०२५ च्या सुपर ४ फेरीत बांगलादेशचा सामना २४ सप्टेंबर रोजी भारताशी होणार आहे. बांगलादेशचा  स्पर्धेचा इतिहास बघितला तर खूपच लाजिरवाणा आहे. तरी देखील त्यांच्या विनोदी विधानांची कमी दिसून येत नाही.  भारताविरुद्धच्या सामन्याआधी   बांगलादेशचे प्रशिक्षक फिल सिमन्स यांनी प्रतिक्रिया दिली आहे की, कोणताही संघ भारताला हरवू शकतो. त्यांच्या या वाक्यावरून दिसून येत आहे की, त्यांना भारताच्या अकडेवारीबद्दल काही एक माहिती नाही. जर सिमन्स यांना ही आकडेवारी माहित असती, तर त्यांनी हे धाडसी विधान करण्याची हिंमत केली नसती.