IND vs ENG 5th Test : जो रूटच्या नावे इंग्लंडमध्ये आणखी एक विक्रम! ‘असा’ कारनामा करणारा तो जगातील पहिला खेळाडू..

भारत आणि इंग्लंड यांच्यातील पाचवा सामना ओव्हल येथे खेळला जात आहे. या सामन्यात इंग्लंडचा फलदांज जो रूटने एक खास विक्रम रचला आहे. रूट भारताविरुद्ध २००० कसोटी धावा करणारा पहिला खेळाडू बनला आहे.

• जो रूटने इंग्लंडमध्ये रचला एक खास विक्रम.
• जो रूट जगातील पहिलाच खेळाडू, ज्याने एखाद्या देशात २००० कसोटी धावा केल्या.
• भारत आणि इंग्लंड यांच्यात पाच सामन्यांची कसोटी मालिका खेळली जात आहे.

Joe Root created history in England : भारत आणि इंग्लंड यांच्यातील पाच सामन्यांच्या मालिकेतील पाचवा सामना ओव्हल येथे खेळला जात आहे. भारताचा पहिला डाव २२४ धावांवर संपुष्टात आला आहे. तर इंग्लंड पहिल्या डावात ७ गडी गमावून २१५ धाव केल्या आहेत. इंग्लंडचे अजून ३ विकेट बाकी आहेत. या दरम्यान जो रूटने खास इतिहास रचला आहे. रूट भारताविरुद्ध २००० कसोटी धावा करणारा पहिला खेळाडू बनला आहे. त्याने ओव्हल कसोटीदरम्यान ही कामगिरी केली आहे.

ओव्हल येथे खेळलला जाणारा पाचवा सामना हा जो रूटचा इंग्लंडमध्ये भारताविरुद्ध २० वा कसोटीसामना आहे. या कसोटीदरम्यान त्याने इंग्लंडमध्ये भारताविरुद्ध २००० धावा करण्याचा भीम पराक्रम देखील केला आहे. जो रूटला इंग्लंडमध्ये भारताविरुद्ध २००० कसोटी धावा पूर्ण करण्यासाठी ओव्हल कसोटीत २३ धावांची गरज होती. त्याने सिराजच्या चेंडूवर चौकार मारून ही कामगिरी करून दाखवली आहे.

हेही वाचा : IND vs ENG 5th Test : भारतीय संघाने घडवला इतिहास! एका कसोटी मालिकेत सर्वाधिक धावा करणारा जगातील ठरला तिसराच संघ

जो रूटनंतर, ऑस्ट्रेलियाच्या रिकी पॉन्टिंगने एका देशात भारताविरुद्ध सर्वाधिक धावा केल्या आहेत. पॉन्टिंगने ऑस्ट्रेलियामध्ये भारताविरुद्ध १५ कसोटी सामने खेळले आहे. यामध्ये त्याने १८९३ धावा केल्या आहेत. तर स्टीव्ह स्मिथने आतापर्यंत ऑस्ट्रेलियामध्ये १३ कसोटी सामन्यांमध्ये भारताविरुद्ध एकूण १३९६ धावा फटकावल्या आहेत. एकूण १५ फलंदाजांनी भारताविरुद्ध एकाच देशात १००० पेक्षा जास्त कसोटी धावा केल्या आहेत, परंतु इंग्लंडचे रूट आणि कुक हे एकमेव दोन क्रिकेटपटू आहेत ज्यांनी भारताविरुद्ध घरच्या मैदानावर (इंग्लंड) आणि परदेशात (भारतात) १००० कसोटी धावा पूर्ण केल्या आहेत.

इंग्लंडमध्ये एखाद्या देशाविरुद्ध सर्वाधिक धावा करण्याबाबत बोललो तर रूटनंतर अ‍ॅलिस्टर कुकचे नाव घ्यावे लागते. त्याने १७ सामन्यांमध्ये ११९६ धावा केल्या आहेत. त्यानंतर ग्रॅहम गूचचा नंबर लागतो. ज्याने १० सामन्यांमध्ये ११३४ धावा काढल्या आहेत. याव्यतिरिक इंग्लंडच्या कोणताही फलंदाज इंग्लंडमधील संघाविरुद्ध १००० धावांचा टप्पा पार करू शकला नाही.

हेही वाचा : फुटबॉलप्रेमींसाठी खुशखबर! फुटबॉलपटू मेस्सी गाजवणार वानखेडेचे मैदान; सचिन-विराटसोबत खेळणार क्रिकेट सामना

इंग्लंडसाठी भारताविरुद्ध सर्वाधिक धावा (इंग्लंडमध्ये)

  खेळाडू           सामने        धावा         सरासरी     सर्वोत्तम धावसंख्या

1. जो रूट               २०        २००२*        ७३.९६          १८०*
2. अ‍ॅलिस्टर कुक     १७        ११९६          ४४.२९          २९४
3. ग्राहम गूच           १०          ११३४          ६६.७०         ३३३
4. इयान बेल           १२            ९९१         ५२.१५           २३५
5. मायकेल वॉन        ७            ९१०         ७५.८३           १९७