फोटो सौजन्य - सोनी लिव्ह
मागील अनेक दिवसांपासून सुरु असलेल्या भारत विरुद्ध पाकिस्तान यांच्यामधील सामना पार पडला, या सामन्यात भारताच्या संघाने पाकिस्तानला धूळ चारली. आशिया कप २०२५ मध्ये १४ सप्टेंबर रोजी भारताने पाकिस्तानवर ७ विकेटने शानदार विजय मिळवल्यानंतर, टीम इंडियाचे मुख्य प्रशिक्षक गौतम गंभीर यांनी पहलगाम दहशतवादी हल्ल्यातील बळींच्या कुटुंबियांसोबत एकता व्यक्त केली. गंभीरने प्रसारकांशी बोलताना ऑपरेशन सिंदूरच्या यशाबद्दल भारतीय सैन्याचे आभार मानले.
खरं तर, भारताने एप्रिलमध्ये पहलगाम दहशतवादी हल्ल्याला सीमेवर ‘ऑपरेशन सिंदूर’ द्वारे प्रत्युत्तर दिले होते. आता भारताने क्रिकेटच्या मैदानावरही पाकिस्तानकडून बदला घेतला आहे. रविवारी, सूर्यकुमार यादवच्या नेतृत्वाखालील भारतीय संघाने पाकिस्तानचा ७ विकेट्सने पराभव केला आणि आशिया कप २०२५ मध्ये सलग दुसरा विजय मिळवला.
या सामन्यातील विजयानंतर, मुख्य प्रशिक्षक गौतम गंभीर यांनी हा विजय भारतीय सैनिकांना समर्पित केला. सामन्यानंतर ते म्हणाले, “एक संघ म्हणून आम्हाला पहलगाम हल्ल्यातील बळींच्या कुटुंबांसोबत उभे राहायचे होते. ऑपरेशन सिंदूर यशस्वी करणाऱ्या आमच्या सैनिकांचे आभार.” गंभीरचे हे विधान अशा वेळी आले आहे जेव्हा कर्णधार सूर्यकुमार यादवने आशिया कपमध्ये पाकिस्तानवरील विजय भारतीय सशस्त्र दलांना समर्पित केला होता.
सामन्यानंतर सादरीकरणादरम्यान सूर्यकुमार म्हणाला, “फक्त एक गोष्ट सांगायची आहे. ही योग्य संधी आहे. पहलगाम दहशतवादी हल्ल्यात शहीद झालेल्या सैनिकांच्या कुटुंबांसोबत आम्ही उभे आहोत. आम्ही आमची एकता व्यक्त करतो. आम्ही हा विजय आमच्या शूर सैनिकांना समर्पित करू इच्छितो. त्यांचे शौर्य आपल्या सर्वांसाठी प्रेरणा आहे. आशा आहे की, आम्ही मैदानावर चांगले प्रदर्शन करून त्यांना हसण्यासाठी अधिक कारणे देऊ.”
Gautam Gambhir shares his thoughts following India’s triumph over Pakistan 💬
Watch the #DPWorldAsiaCup2025, from Sept 9-28, 7 PM onwards, LIVE on the Sony Sports Network TV channels & Sony LIV.#SonySportsNetwork #INDvPAK pic.twitter.com/CWS1L6CaCu
— Sony Sports Network (@SonySportsNetwk) September 14, 2025
आशिया कप २०२५ च्या सहाव्या सामन्यात प्रथम फलंदाजी करताना पाकिस्तानची सुरुवात निराशाजनक झाली. साहिबजादा फरहानने ४४ चेंडूत ४० धावांची खेळी केली, परंतु उर्वरित फलंदाज अपयशी ठरले. शेवटी, शाहीन आफ्रिदीने १६ चेंडूत नाबाद ३३ धावा करून संघाचा धावसंख्या १२७ धावांवर नेला. भारतीय फिरकीपटू कुलदीप यादव (३/१८) आणि अक्षर पटेल (२/१८) यांनी शानदार गोलंदाजी केली.
प्रत्युत्तरादाखल भारताने लक्ष्याचा सहज पाठलाग केला. टीम इंडियाने १५.५ षटकांत ३ गडी गमावून विजय मिळवला. कर्णधार सूर्यकुमार यादवने ३७ चेंडूत नाबाद ४७ धावा केल्या. त्याच्याशिवाय अभिषेक शर्माने १३ चेंडूत जलद ३१ धावा केल्या आणि तिलक वर्माने ३१ चेंडूत ३१ धावांची महत्त्वाची खेळी केली.
.png "Videos"){kind=small}
