IND W vs JPN W: जपान ५७ धावांत गारद, शफालीने उडवला धुरळा; टीम इंडियाची सेमीफायनलमध्ये दिमाखात एन्ट्री

IND W vs JAP W indian Beat Japan In Asian Games Cricket: २०२६ च्या आशियाई क्रीडा स्पर्धेत भारतीय महिला क्रिकेट संघाच्या प्रवासाला सुरुवात झाली आहे. उपांत्यपूर्व फेरीत भारतीय संघाने जपानचा ८ विकेट्सने पराभव करत उपांत्य फेरीत आपले स्थान निश्चित केले.

• जपानला चारली धूळ
• टीम इंडिया सेमीफायनलमध्ये दाखल
• बांग्लादेशविरुद्ध होणार महामुकाबला

आशियाई क्रीडा स्पर्धा २०२६ चा (Asian Games 2026) चौथा आणि अंतिम उपांत्यपूर्व सामना भारतीय आणि जपानच्या महिला क्रिकेट संघांमध्ये खेळला गेला. भारतीय संघाची कर्णधार हरमनप्रीत कौरने नाणेफेक जिंकला आणि प्रथम गोलंदाजी करण्याचा निर्णय घेतला. प्रथम फलंदाजी करताना जपानने १९.५ षटकांत ५७ धावा केल्या. प्रत्युत्तरात, भारतीय संघाने अवघ्या ५ षटकांत ८ विकेट्सने जपानचा धुव्वा उडवला. या विजयसाह, भारतीय संघाने उपांत्य फेरीत आपले स्थान निश्चित केले आहे. जिथे त्यांचा सामना बांग्लादेशच्या संघाशी होईल.

Prithvi Shaw: साखरपुड्यानंतर अवघ्या ६ महिन्यांत संपलं नातं; पृथ्वी शॉ-आकृती अग्रवाल झाले वेगळे, चीटिंगच्या आरोपांना मिळालं बळ

जपानचा संघ ५७ धावांवर गारद

नाणेफेक गमावल्यानंतर, प्रथम फलंदाजी करण्याचा निर्णय घेतलेल्या जपानने संथ पण चांगली सुरुवात केली. पॉवरप्लेमध्ये संघाने एकही विकेट गमावला नाही. सलामीवीर अयाका काटो-स्टॅफर्डने आपल्या संघासाठी महत्त्वपूर्ण खेळी करत २५ धावा केल्या. हारुना इवासाकीनेही महत्त्वपूर्ण १० धावा केल्या. त्यांच्या व्यतिरिक्त, इतर कोणताही जपानी फलंदाज दुहेरी आकडाही गाठू शकला नाही. जपानला १९.५ षटकांत १० विकेट्स गमावून केवळ ५७ धावा करता आल्या. भारतीय संघाकडून श्री चरणीने उत्कृष्ट गोलंदाजी करत चार विकेट्स घेतले. शेफाली वर्मानेही गोलंदाजीत शानदार कामगिरी करत दोन विकेट्स घेतले. श्रेयंका पाटील आणि दीप्ती शर्मा यांनी प्रत्येकी एक विकेट घेतला. याशिवाय, भारतीय संघाने उत्कृष्ट क्षेत्ररक्षण करत दोन फलंदाज धावबाद केले.

टीम इंडियाचा दणदणीत विजय

५८ धावांचे लक्ष्य गाठताना भारतीय संघाची सुरुवात चांगली झाली नाही. भारतीय महिला क्रिकेट संघाने अवघ्या २४ धावांत दोन विकेट्स गमावले. जी. कमलिनीला आपले खातेही उघडता आले नाही, तर भारती फूलमली केवळ सहा धावाच करू शकली. मात्र, स्टार फलंदाज शफाली वर्माने अवघ्या १५ चेंडूंमध्ये ४० धावांची नाबाद खेळी केली. या खेळीत शफालीने २६६.६७ च्या स्ट्राईक रेटने फलंदाजी करताना सहा चौकार आणि दोन षटकार मारले.

यष्टीरक्षक-फलंदाज रिचा घोषनेही नाबाद १२ धावा करून शफाली वर्माला चांगली साथ दिली. यामुळे टीम इंडियाने केवळ दोन विकेट्स गमावून पाच षटकांत सामना जिंकला. या विजयासह टीम इंडियाने २०२६ च्या आशियाई क्रीडा स्पर्धेच्या उपांत्य फेरीत आपले स्थान निश्चित केले आहे. उपांत्य फेरीचा सामना २० सप्टेंबर रोजी खेळला जाईल, ज्यात टीम इंडिया विजय मिळवून पदक पटकावण्याचा प्रयत्न करेल.

Asian Games 2026: ना टॉस, ना सामना! बांग्लादेश थेट सेमीफायनलमध्ये; चीनचं आव्हान संपलं