Asian Games 2026: बांग्लादेशला ‘हुतुतू’ समजेना! भारतीय कबड्डी संघाचा दणदणीत विजय

Asian Games 2026: स्पर्धेत भारतीय संघाने आतापर्यंत आपली छाप सोडली असून ग्रुप स्टेजमधील हा भारताचा सलग तिसरा विजय ठरला आहे. भारताने स्पर्धेची सुरुवात जपानविरुद्धच्या दणदणीत विजयाने केली होती.

• भारतीय कबड्डी संघाचा सेमीफायनलमध्ये प्रवेश
• एशियन गेम्समध्ये भारताने केला बांग्लादेशचा पराभव 
• सुनील कुमारच्या नेतृत्वात मिळवला विजय 

Asian Games 2026/Kabaddi: सध्या जपानमध्ये एशियन गेम्स 2026 स्पर्धा सुरू आहे. या स्पर्धेत भारतीय पुरुष कबड्डी संघाने आपली विजयी घौडदौड कायम ठेवली आहे. बांग्लादेशचा पराभव करत भारताने सेमीफायनलमध्ये प्रवेश केला आहे. या शानदार कामगिरीसह भारतीय संघाने स्पर्धेतील आपले पदकही निश्चित केले आहे.कर्णधार सुनील कुमारच्या नेतृत्वाखाली खेळणाऱ्या भारतीय संघाने बुधवारी टोकाई सिटिजन्स जिम्नेजियम येथे झालेल्या ‘ग्रुप ए’च्या सामन्यात बांगलादेशचा ४८-२५ असा धुव्वा उडवला.

स्पर्धेत भारतीय संघाने आतापर्यंत आपली छाप सोडली असून ग्रुप स्टेजमधील हा भारताचा सलग तिसरा विजय ठरला आहे. भारताने स्पर्धेची सुरुवात जपानविरुद्धच्या दणदणीत विजयाने केली होती. त्यानंतर दुसऱ्या सामन्यात दक्षिण कोरियाचा ६३-३१ असा मोठा पराभव केला. आता बांगलादेशवर मात करत भारताने थाटात सेमीफायनलची तिकीट मिळवले आहे. भारताने सेमीफायनलमध्ये प्रवेश मिळवल्यामुळे कबड्डीतील आणखी एका पदकावर भारताचे नाव कोरले गेले असून, आता सर्व चाहत्यांचे लक्ष सुवर्णपदकाकडे लागले आहे.

Arjun Deshwal and co. seal a thumping 48-25 victory over Bangladesh to keep India’s unbeaten run alive at Aichi-Nagoya 2026! ⚡ Watch the 20th Asian Games Aichi-Nagoya LIVE on Sony Sports Network TV channels & Sony LIV.#SonySportsNetwork #SonyLIV #AsianGames #AichiNagoya2026… pic.twitter.com/40yIiOnJrG — Sony Sports Network (@SonySportsNetwk) September 23, 2026

सामन्याच्या सुरुवातीपासूनच भारतीय रेडर्सनी बांगलादेशी डिफेंडर्सची पार दाणादाण उडवली. आक्रमक चढाया करत भारतीय खेळाडूंनी यशस्वी रेड्सद्वारे १८ पॉईंट्स आणि ७ महत्त्वाचे बोनस पॉईंट्स कमावले. बांगलादेशच्या खेळाडूंना भारताच्या मजबूत डीफेन्सला मोडणे अवघड केले. भारताने केलेल्या आक्रमक खेळामुळे बांग्लादेशला गेममध्ये परतणे शक्य झाले नाही. बांगलादेशने एका ‘सुपर टॅकल’द्वारे १ गुण मिळवून पुनरागमन करण्याचा प्रयत्न केला; परंतु भारतीय संघाच्या आक्रमक खेळासमोर त्याचा फारसा प्रभाव पडला नाही.

वाघिणी जिंकल्या आता वाघ सज्ज! Asian Games 2026 मध्ये टीम इंडिया ‘या’ दिवशी उतरणार मैदानात

सामन्याच्या दुसऱ्या हाफमध्ये बांगलादेशच्या संघाने काही प्रमाणात पुनरागमन करण्याचा प्रयत्न केला. त्यांनी आक्रमक चढाया करत रेडिंगद्वारे ८ पॉईंट्स आणि ८ बोनस पॉईंट्स प्राप्त केले. मात्र, पहिल्या हाफमधील भारताची प्रचंड आघाडी आणि मैदानातील संतुलित रणनीती यांसमोर बांगलादेशचे हे प्रयत्न अपुरे ठरल्याचे दिसून आले.