Kabaddi: कबड्डीच्या मैदानात अहिल्यानगरची बाजी! पुणे जिल्ह्याला मिळाला ‘हा’ क्रमांक

Kabaddi: क्रीडा व युवक सेवा संचालनालय, महाराष्ट्र राज्य, पुणे व जिल्हा क्रीडा अधिकारी, मुंबई उपनगर यांच्या वतीने नुकतेच विक्रोळी येथे जिल्हास्तरीय आंतरशालेय कबड्डी स्पर्धेचे आयोजन करण्यात आले होते.

• आंतरविभागीय कबड्डी स्पर्धेत अहिल्यानगरचा डंका
• अहिल्यानगर विभाग प्रथम, पुणे जिल्ह्याला उपविजेतेपद
• स्पर्धेत विविध क्रीडा विभागांतील संघांनी नोंदविला सहभाग 

आळेफाटा/Kabaddi: सावित्रीबाई फुले पुणे विद्यापीठ, पुणे यांच्या अंतर्गत आयोजित आंतरविभागीय कबड्डी स्पर्धेत (मुले) २०२६-२७ मध्ये अहिल्यानगर क्रीडा विभागाने दमदार खेळाचे प्रदर्शन करत विजेतेपद पटकावले. तर पुणे जिल्हा क्रीडा विभागाने उत्कृष्ट कामगिरी करत द्वितीय क्रमांक मिळविला. दोन दिवस रंगलेल्या या स्पर्धेत खेळाडूंनी चपळता, ताकद, जिद्द आणि सांघिक कौशल्याच्या जोरावर प्रेक्षकांची मने जिंकली.

बाळासाहेब जाधव कला, वाणिज्य व विज्ञान महाविद्यालय आळे यांच्यावतीने दि. ३ व ४ नोव्हेंबर  रोजी आळे येथील अथर्व मंगल कार्यालय बोरी रोड येथे या स्पर्धेचे आयोजन करण्यात आले होते. स्पर्धेचा उद्घाटन आंतरराष्ट्रीय कबड्डीपटू शुभम पठारे, भारतीय रेल्वेचे बारामती येथील स्टेशन मॅनेजर प्रशांत पाटील, संस्थेचे अध्यक्ष व संचालक मंडळाच्या प्रमुख उपस्थितीत पार पडला. यावेळी सावित्रीबाई फुले पुणे विद्यापीठ क्रीडा मंडळाचे सहसंचालक डॉ.सुदाम शेळके, विद्यापीठाचे सिनेट सदस्य डॉ.रमेश गायकवाड यांच्यासह विविध क्षेत्रांतील मान्यवर उपस्थित होते.

पठ्ठ्यांनो व्हा तयार! विरारमध्ये रंगणार राज्यस्तरीय Kabaddi स्पर्धेचा थरार; २५ जिल्हे, ५० संघ अन् ८००…

प्रत्येक सामन्यांनी रंगत वाढवली

या स्पर्धेत विविध क्रीडा विभागांतील संघांनी सहभाग नोंदविला. प्रत्येक सामन्यात खेळाडूंनी आक्रमक चढाया, भक्कम पकडी आणि उत्कृष्ट बचावाचे दर्शन घडविले. त्यामुळे स्पर्धेतील सामने चुरशीचे झाले. अखेर सातत्यपूर्ण आणि प्रभावी खेळाच्या जोरावर अहिल्यानगर क्रीडा विभागाने विजेतेपदावर आपले नाव कोरले, तर पुणे जिल्हा क्रीडा विभागाला उपविजेतेपदावर समाधान मानावे लागले. स्पर्धेच्या यशस्वी आयोजनासाठी महाविद्यालयाचे प्राचार्य डॉ.प्रविण जाधव,शारीरिक शिक्षण संचालक कॅप्टन डॉ. रावसाहेब गरड,प्रा.संजय वाकचौरे,लेफ्टनंट शशिकांत भगत,मेजर डॉ.सुषमा कदम,डॉ.केशव बोरकर यांच्यासह प्राध्यापक,शिक्षकेतर कर्मचारी यांनी विशेष परिश्रम घेतले.

यावेळी संस्थेचे अध्यक्ष अजय कुऱ्हाडे,बाळासाहेब जाधव, उपाध्यक्ष सौरभ डोके,मानद सचिव डॉ.अर्जुन पाडेकर, खजिनदार अरुण हुलवळे,संचालक किशोर कुऱ्हाडे,भाऊ कुऱ्हाडे,बबन सहाणे,उल्हास सहाणे,बाबू कुऱ्हाडे,शिवाजी गुंजाळ,जीवन शिंदे,दिनेश सहाणे,कैलास शेळके,प्रदीप गुंजाळ, देविदास पाडेकर, सम्राट कुऱ्हाडे, रमेश कुऱ्हाडे, शांताराम कुऱ्हाडे तसेच संचालक मंडळाचे सदस्य उपस्थित होते.

जिल्हास्तरीय कबड्डीत संदेश महाविद्यालयाचे दुहेरी यश; मुलांच्या संघाने पटकावले नवव्यांदा विजेतेपद

क्रीडा व युवक सेवा संचालनालय, महाराष्ट्र राज्य, पुणे व जिल्हा क्रीडा अधिकारी, मुंबई उपनगर यांच्या वतीने नुकतेच विक्रोळी येथे जिल्हास्तरीय आंतरशालेय कबड्डी स्पर्धेचे आयोजन करण्यात आले होते. १९ वर्षांखालील मुले व मुली या गटांमध्ये कुर्ला, अंधेरी व बोरिवली या तालुक्यांतील प्रत्येकी प्रथम दोन क्रमांकाचे संघ या स्पर्धेत सहभागी झाले होते. या स्पर्धेत संदेश कनिष्ठ महाविद्यालयाने दुहेरी यश मिळवले आहे.