फोटो सौजन्य - X
अरुण धुमल : भारत आणि पाकिस्तान यांच्यामध्ये युध्द थांबवण्यात आले आहे. त्यामुळे आता परत लवकरच नवीन आयपीएलचे वेळापत्रक जाहीर केले जाणार आहे. भारत आणि पाकिस्तानमध्ये युद्धबंदी झाली तर आयपीएल २०२५ पुन्हा सुरू होऊ शकते. आयपीएलचे अध्यक्ष अरुण धुमल यांना आशा आहे की, सिझनची पुन्हा सुरूवात झाल्यानंतर त्यांच्या देशात परतलेले परदेशी खेळाडू परत येणार आहेत. तथापि, त्यांनी असेही सांगितले की आयपीएल पुन्हा सुरू करण्याचा निर्णय सरकारशी सल्लामसलत केल्यानंतरच घेतला जाईल.
इंडियन एक्सप्रेसशी बोलताना धुमल यांनी धर्मशाळेत खेळ मध्यंतरी थांबवण्याचे आणि क्रिकेटपटूंना दिल्लीला आणण्यासाठी विशेष ट्रेन चालवण्याचे कारण सांगितले. अरुण धुमल म्हणाले की, आपण ज्या परिस्थितीत आहोत ते पाहता कोणताही निर्णय घेणे हे एक आव्हान होते. चाहत्यांना बाहेर काढण्याची शक्यता आणि त्याबाबत पुढे काय करायचे याबद्दल आम्ही जिल्हा प्रशासन आणि राज्य प्रशासनाशी आधीच चर्चा केली आहे.
हे काहीतरी नवीनच! यूएई-कतार सामन्यात घडला आश्चर्यकारक पराक्रम, एकाच वेळी पडल्या सर्व 10 विकेट
आम्हाला सर्वांना आशा होती की परिस्थिती सुधारेल, म्हणून आम्ही पंजाब किंग्ज आणि दिल्ली कॅपिटल्स यांच्यातील सामन्याने सुरुवात केली. सोशल मीडियावरून अशा बातम्या येत होत्या, त्यामुळे स्टेडियममधील चाहत्यांमध्ये भिती निर्माण व्हावी अशी आमची इच्छा नव्हती. खेळ थांबवणे आणि चाहत्यांना स्टेडियममधून काढून टाकणे गरजेचे होते. खबरदारीचा उपाय म्हणून, आम्ही खेळ मध्यभागी थांबवला कारण बरीच चुकीची माहिती पसरत होती.
स्टेडियममध्ये २५,००० प्रेक्षक होते, दोन्ही संघांचे क्रिकेटपटू आणि सपोर्ट स्टाफही उपस्थित होते. सामन्यादरम्यान एक छोटासा ब्रेक होता आणि आम्ही जिल्हा आयुक्त, उपायुक्त, वरिष्ठ अधिकारी आणि वरिष्ठ अधिकाऱ्यांशी चर्चा केली. आम्ही पुढच्या पायरीबद्दल बोललो. मी दोन्ही संघांच्या संघ व्यवस्थापनाशी संपर्क साधला आणि त्यांना परिस्थितीची माहिती दिली. मग मी मैदानावर गेलो आणि सर्व चाहत्यांना निघून जाण्याची विनंती केली.
अरुण धुमल म्हणाले की, आम्ही संघ व्यवस्थापनाशी सतत संपर्कात आहोत. घरी सगळे आपापल्या कुटुंबियांशी बोलत होते. आम्ही सामन्यापूर्वी दोन्ही संघांशी बोललो होतो आणि आम्ही त्यांना आश्वासन दिले होते की त्यांची सुरक्षा आमच्यासाठी अत्यंत महत्त्वाची आहे. ते खेळ खेळायला तयार होते. खेळ झाला पण सीमेवर गोळीबार झाल्याची माहीती आणि परिस्थिती तणावपूर्ण असल्याने आम्हाला वाटले की खेळ सुरू ठेवणे योग्य होणार नाही.
.png "Videos"){kind=small}
