IND A vs BAN A: सुपर ओव्हरमध्ये भारताचा दारुण पराभव; ‘तो’ निर्णय ठरला घातक, बांगलादेशची फायनलमध्ये एन्ट्री

IND A vs BAN A Semi Final: रायझिंग स्टार्स आशिया कप उपांत्य फेरीत भारत 'ए' संघाचा बांगलादेश 'ए' कडून सुपर ओव्हरमध्ये नाट्यमय पराभव झाला. कर्णधाराच्या चुकीने सामना टाय झाला.

• शेवटच्या चेंडूवर सामना झाला टाय
• सुपर ओव्हरमध्ये भारताने शून्य धावात गमावल्या दोन विकेट्स
• व्हाईड बॉलवर झाला सामन्याचा निर्णय

BAN A Beat IND A: रायझिंग स्टार्स आशिया कपच्या उपांत्य फेरीत भारत अ आणि बांगलादेश अ संघात (IND A vs BAN A) रोमांच शिगेला पोहोचला होता. बांगलादेश अ संघाने हा सामना सुपर ओव्हरमध्ये जिंकून अंतिम फेरीत धडक मारली. भारताने या सामन्यात नाणेफेक जिंकून प्रथम गोलंदाजी करण्याचा निर्णय घेतला.

बांगलादेशची धमाकेदार फलंदाजी

बांगलादेश अ ने हबिबुर रहमानच्या अर्धशतकाच्या जोरावर आणि एसएम महरोबच्या तुफानी खेळीमुळे (१८ चेंडूंत १ चौकार आणि ६ षटकारांच्या मदतीने नाबाद ४८ धावा) २० षटकांत ६ विकेट गमावत १९४ धावा केल्या.

कर्णधाराच्या चुकीमुळे सामना झाला टाय

१९५ धावांच्या लक्ष्याचा पाठलाग करताना भारतीय संघाने चांगली सुरुवात केली, पण अखेरीस भारताने लागोपाठ विकेट गमावल्या. भारताला शेवटच्या चेंडूवर विजयासाठी ४ धावांची आवश्यकता होती. हर्ष दुबेने शॉट मारला आणि भारताने २ धावा चोरण्याचा प्रयत्न केला. बांगलादेशचा विजय निश्चित दिसत होता, पण कर्णधार आणि यष्टीरक्षक अकबर अलीने धावबाद करण्याच्या प्रयत्नात चेंडू स्टंप्सच्या दिशेने फेकला.

See more

A close encounter in the semi-final, but it is Bangladesh A who win the super over. Scorecard ▶️ https://t.co/WCP3ww9Ocy #RisingStarsAsiaCup pic.twitter.com/c6R8aSFIki — BCCI (@BCCI) November 21, 2025

हे देखील वाचा: Ind vs SA 2nd Test : ‘कधीकधी तर तो एक अजेंडा वाटतो’ गंभीरवरील टीकेवर कोटक सितांशू यांचे भाष्य 

चेंडू स्टंप्सला लागला नाही आणि ऑफ साईडकडे गेला, ज्यामुळे हर्ष आणि नेहल वढेरा यांनी अतिरिक्त ३ धावा घेतल्या. अशाप्रकारे, २० षटके पूर्ण झाल्यावर भारताचा स्कोअरही ६ बाद १९४ धावा झाला आणि बांगलादेशच्या कर्णधाराच्या चुकीमुळे सामना टाय झाला, ज्यामुळे सामन्याचा निर्णय सुपर ओव्हरमध्ये गेला.

भारताचा सुपर ओव्हरमध्ये निराशाजनक खेळ

भारताला फायनलमध्ये पोहोचण्याची सुवर्णसंधी होती, पण सुपर ओव्हरमध्ये भारताचा खेळ अत्यंत निराशाजनक राहिला. सुपर ओव्हरमध्ये भारताकडून कर्णधार जितेश शर्मा आणि रमनदीप सिंह फलंदाजीला आले. स्फोटक फलंदाज वैभव सूर्यवंशीला न पाठवण्याचा आश्चर्यकारक निर्णय घेण्यात आला. रिपोन गोलंदाजीसाठी आला आणि त्याने पहिल्याच चेंडूवर जितेशला बोल्ड केले. त्यानंतर आलेल्या आशुतोष शर्माला दुसऱ्या चेंडूवर झेलबाद केले. अशा प्रकारे भारताला सुपर ओव्हरमधील सहा चेंडू खेळताही आले नाहीत आणि संघाला एकही धाव करता आली नाही.

बांगलादेशचा विजय

बांगलादेशला विजयासाठी फक्त १ धावेची गरज होती. यासिर अलीने मोठा शॉट खेळला आणि रमनदीपने त्याचा झेल घेतला (बांगलादेशने १ विकेट गमावली). यानंतर कर्णधार अकबर अली फलंदाजीला उतरला, पण भारताच्या सुयश शर्माने व्हाईड बॉल टाकला आणि बांगलादेश अ संघाने अंतिम फेरीत प्रवेश मिळवला.

हे देखील वाचा: क्रिकेट फॅन्ससाठी मोठी बातमी! आशिया चषकात पुन्हा होणार IND vs PAK ‘महामुकाबला’, वेळापत्रक जाहीर