ICC Champions Trophy : चॅम्पियन्स ट्रॉफीसाठी या दिनी होणार टीम इंडियाची घोषणा! वाचा संपूर्ण वेळापत्रक

भारतीय संघाचे चॅम्पियन ट्रॉफीचे संपूर्ण वेळापत्रक जाहीर करण्यात आले आहे, यासंदर्भात सविस्तर माहिती या लेखामध्ये देण्यात आली आहे. संघामध्ये कोणत्या खेळाडूंची जागा पक्की झाली आहे यावर एकदा नजर टाका.

२०२५ चॅम्पियन ट्रॉफी : पाकिस्तान ICC चॅम्पियन्स ट्रॉफीचे आयोजन करत आहे. या स्पर्धेचे वेळापत्रक आधीच आले आहे. टीम इंडियाच्या हायब्रीड मॉडेल अंतर्गत सर्व सामने यूएईमध्ये होणार आहेत. टीम इंडियाचा संघ अद्याप जाहीर झालेला नाही, चाहते टीम इंडियाच्या घोषणेची वाट पाहत आहेत. मात्र, आयसीसीने संघ जाहीर करण्याची अंतिम तारीख १२ जानेवारी ठेवली असून १३ जानेवारीपर्यंत संघात बदल केले जाऊ शकतात. आता १२ जानेवारीला टीम इंडियाची घोषणा होऊ शकते. ज्यामध्ये ३ खेळाडूंची जागा निश्चित मानली जाते.

बॉर्डर गावस्कर ट्रॉफीमध्ये जसप्रीत बुमराहची कामगिरी अप्रतिम होती. या मालिकेत बुमराहने ३२ विकेट घेतल्या होत्या. त्यामुळे तो प्लेअर ऑफ द सिरीज निवडला गेला. मात्र, सिडनी कसोटीदरम्यान बुमराहने पाठीच्या दुखण्यामुळे मैदान सोडले आणि दुसऱ्या डावात गोलंदाजीही केली नाही. मात्र, बुमराह सिडनी कसोटीत फलंदाजीसाठी तंदुरुस्त होता. त्याचवेळी, बुमराहच्या दुखापतीबद्दल कोणतेही नवीनतम अपडेट समोर आलेले नाही, ज्यामुळे गंभीर दुखापतीमुळे बुमराह चॅम्पियन्स ट्रॉफीला मुकेल अशी भीती चाहत्यांना वाटू लागली. मात्र तो या स्पर्धेत खेळणार हे जवळपास निश्चित मानले जात आहे. याशिवाय बुमराह या स्पर्धेत टीम इंडियाचा उपकर्णधारही होऊ शकतो.

मुख्य प्रशिक्षकाची संघाने केली हकालपट्टी! लिंक्डइनवर शोधतोय नोकरी, एका पत्राने हिसकावून घेतलं काम

टीम इंडियाच्या फलंदाजीचा कणा मानला जाणारा विराट कोहलीही चॅम्पियन्स ट्रॉफीमध्ये खेळणार हे निश्चित आहे. मात्र, कोहलीची अलीकडची कामगिरी तितकीशी खास राहिली नाही आणि तो बॉर्डर गावस्कर ट्रॉफीमध्येही फ्लॉप ठरला. २०२४ हे वर्ष कोहलीसाठी तितकेसे चांगले नव्हते, पण एकदिवसीय सामन्यांमध्ये विराटचे आकडे खूपच प्रभावी आहेत. कोहलीने २०२३ च्या एकदिवसीय विश्वचषकात सर्वाधिक शतके आणि सर्वाधिक धावाही केल्या होत्या. रोहित शर्मा सध्या टीम इंडियाच्या सर्वात फ्लॉप खेळाडूंपैकी एक आहे. बॉर्डर गावस्कर ट्रॉफीमध्ये त्याची कामगिरी पाहून त्याच्या निवृत्तीच्या बातम्या येऊ लागल्या. याशिवाय रोहितने सिडनी कसोटीतून स्वत:ला दूर ठेवण्याचा निर्णय घेतला होता, पण आपण निवृत्ती घेणार नाही आणि कुठेही जाणार नसल्याचे रोहितने स्पष्ट केले होते. आता रोहित चॅम्पियन्स ट्रॉफीमध्ये टीम इंडियाचे नेतृत्व करताना दिसणार आहे.

वाचा चॅम्पियन ट्रॉफीचे वेळापत्रक

आयसीसी चॅम्पियन ट्रॉफीचा शुभारंभ १९ फेब्रुवारीपासून होणार आहे. आयसीसीने या स्पर्धेचे वेळापत्रक जाहीर केले आहे या स्पर्धेचे आयोजन हायब्रीड मॉडेलप्रमाणे करण्यात आले आहे. भारताचा संघ सर्व सामने दुबईमध्ये खेळणार आहे आणि उर्वरित सामने फक्त पाकिस्तानमध्ये खेळवले जाणार आहे कारण चॅम्पियन ट्रॉफीचे यजमानपद पाकिस्तान संघाकडे आहे.