जसप्रीत बुमराहने मोडला आर अश्विनचा रेकाॅर्ड! कपिल देव आणि अनिल कुंबळे सारख्या दिग्गजांवर असेल लक्ष्य

जसप्रीत बुमराहने ११ व्या षटकात रायन रिकेल्टनला बाद करून ही भागीदारी मोडली. या विकेटसह बुमराहने माजी फिरकी गोलंदाज आर. अश्विनचा विक्रम मोडला. भारतीय गोलंदाजाने सर्वाधिक बळी घेण्याचा हा विक्रम आहे.

• भारत आणि दक्षिण आफ्रिका मालिकेला सुरुवात
• जसप्रीत बुमराहने केला नवा रेकाॅर्ड नावावर 
• एडेन मार्कराम आणि रायन रिकेल्टनला दाखवला बाहेरचा रस्ता

भारत आणि दक्षिण आफ्रिका यांच्यातील दोन कसोटी सामन्यांच्या मालिकेतील पहिला सामना कोलकात्यातील ईडन गार्डन्सवर खेळला जात आहे. पाहुण्या कर्णधार टेम्बा बावुमाने नाणेफेक जिंकून प्रथम फलंदाजी करण्याचा निर्णय घेतला. या सामन्यामध्ये भारताच्या संघाची सुरुवात सुरुवातीच्या काही ओव्हरमध्ये फार काही चांगली सुरुवात झाली नाही. एडेन मार्कराम आणि रायन रिकेल्टन या सलामी जोडीने दक्षिण आफ्रिकेला दमदार सुरुवात करून दिली आणि पहिल्या १० षटकांतच संघाचा धावसंख्या ५० च्या पुढे नेली.

जसप्रीत बुमराहने ११ व्या षटकात रायन रिकेल्टनला बाद करून ही भागीदारी मोडली. या विकेटसह बुमराहने माजी फिरकी गोलंदाज आर. अश्विनचा विक्रम मोडला. भारतीय गोलंदाजाने सर्वाधिक बळी घेण्याचा हा विक्रम आहे. जसप्रीत बुमराहचा हा कारकिर्दीतील १५२ वा बळी होता, तर अश्विनने १५१ वेळा हा पराक्रम केला. जसप्रीत बुमराह आता या यादीत तिसऱ्या स्थानावर पोहोचला आहे, तो कपिल देव आणि अनिल कुंबळे या इतर दोन महान खेळाडूंपेक्षा पुढे आहे. कुंबळेने त्याच्या कारकिर्दीत गोलंदाजी करून सर्वाधिक (१८६) बळी घेतले.

दक्षिण आफ्रिका मालिकेदरम्यान कुलदीप यादव टीम इंडियाची साथ सोडणार! BCCI ला केली एक खास विनंती

गोलंदाजीत भारतीयांनी घेतलेले सर्वाधिक विकेट्स

१८६ – अनिल कुंबळे

१६७ – कपिल देव

१५२ – जसप्रीत बुमराह*

१५१ – आर. अश्विन

१४५ – रवींद्र जडेजा

१४२ – झहीर खान

१३६ – मोहम्मद शमी

१२५ – जवागल श्रीनाथ

IPL 2026 साठी मुंबई इंडियन्सचा मास्टर प्लान तयार! शार्दुल आणि रदरफोर्डनंतर, केकेआरचा स्टार गोलंदाज नजरेत

भारतीय कर्णधार शुभमन गिलने या सामन्यात चार फिरकीपटू खेळवण्याचा निर्णय घेतला आहे – वॉशिंग्टन सुंदर, रवींद्र जडेजा, अक्षर पटेल आणि कुलदीप यादव. साई सुदर्शनला मैदानाबाहेर काढण्यात आले आहे. सुंदर तिसऱ्या क्रमांकावर फलंदाजी करेल.

दक्षिण आफ्रिका (प्लेइंग इलेव्हन): एडन मार्कराम, रायन रिकेल्टन, विआन मुल्डर, टेम्बा बावुमा (कर्णधार), टोनी डी झोर्झी, ट्रिस्टन स्टब्स, काइल वेरेन (विकेटकीपर), सायमन हार्मर, मार्को जॅन्सन, कॉर्बिन बॉश, केशव महाराज

भारत (प्लेइंग इलेव्हन): यशस्वी जैस्वाल, केएल राहुल, वॉशिंग्टन सुंदर, शुभमन गिल (कर्णधार), ऋषभ पंत (यष्टीरक्षक), रवींद्र जडेजा, ध्रुव जुरेल, अक्षर पटेल, कुलदीप यादव, जसप्रीत बुमराह, मोहम्मद सिराज