फोटो सौजन्य - lucknowsupergiants सोशल मीडिया
Nicholas Pooran : लखनौ सुपरजायंट्स विरुद्ध चेन्नई सुपर किंग्स यांच्यामध्ये सामना सुरु आहे. लखनौ सुपरजायंट्सचा फलंदाज निकोलस पूरन सध्या आयपीएल-२०२५ मध्ये त्याच्या फलंदाजीने धुमाकूळ घालत आहे. तो वादळी पद्धतीने फलंदाजी करत आहे आणि गोलंदाजांसाठी डोकेदुखी बनला आहे. पूरनकडे केवळ स्फोटक फलंदाजीची प्रतिभा नाही. तो गाणीही गातो, तीही हिंदीत. जेव्हा या डावखुऱ्या फलंदाजाने हिंदीमध्ये गाणे गायले तेव्हा त्याच्या संघाचा कर्णधार ऋषभ पंत आश्चर्यचकित झाला. पूरन हा लखनौच्या फलंदाजीचा कणा आहे. तो वेगाने धावा काढत आहे. लखनौने आतापर्यंत मिळवलेल्या यशात पूरनच्या स्फोटक फलंदाजीने महत्त्वाची भूमिका बजावली आहे.
आतापर्यंत खेळलेल्या सहा सामन्यांमध्ये पूरनने ३४९ धावा केल्या आहेत. या काळात त्याचा स्ट्राईक रेट २१५.४३ राहिला आहे. यावरून पुरण कोणत्या स्वरूपात आहे हे दिसून येते. आज लखनौ सुपर जायंट्सचा घरच्या मैदानावर चेन्नई सुपर किंग्जसोबत सामना आहे. या सामन्यापूर्वी, लखनौने त्यांच्या इंस्टाग्रामवर एक व्हिडिओ पोस्ट केला आहे ज्यामध्ये पूरन त्याच्या इतर सहकाऱ्यांसोबत एक गाणे गात आहे. तो ‘ओ करम खुदाया’ हे प्रसिद्ध बॉलीवूड गाणे गात आहे.
हे हिंदी गाणे पूरनसाठी सोपे नाही, पण हे गाणे गाण्यात त्याला कोणतीही अडचण येत नाही. तो त्याच्या मित्रांसोबत आरामात या गाण्याचे बोल गुणगुणत आहे. या गाण्यात पंत, हिम्मत सिंगसह अनेक खेळाडू त्याच्यासोबत आहेत. पूरन हिंदी गाणे गाताना पाहून पंत आश्चर्यचकित झाला. पूरणला गाताना पाहून पंत खूप आनंदी दिसत होता.
लखनौने पूरनला २१ कोटी रुपयांना कायम ठेवले होते. तो बऱ्याच काळापासून आयपीएलमध्ये खेळत आहे. पूरन पंजाब किंग्ज आणि सनरायझर्स हैदराबादचाही भाग आहे, पण लखनौमध्ये आल्यानंतर त्याने जो कहर केला तो यापूर्वी कधीही पाहिला नव्हता. २०२२ मध्ये जेव्हा संघाने आयपीएलमध्ये प्रवेश केला तेव्हापासून पूरन लखनौसोबत आहे. आता तो या संघाचा एक महत्त्वाचा भाग बनला आहे.
PBKS vs KKR : श्रेयस अय्यर आणि अजिंक्य रहाणे यांच्यात मुकाबला! पंजाबविरुद्ध कोलकाताची अशी असू शकते प्लेइंग इलेव्हन?
लखनौ सुपर जायंट्सचा फलंदाज निकोलस पूरन या सीझनमध्ये कमालीची फलंदाज करत आहे त्याने आतापर्यत ३४९ धावा केल्या आहेत यामध्ये त्याने ३१ षटकार मारले आहेत. सध्या सर्वाधीक धावा त्यांच्या नावावर आहेत. या सीझनमध्ये त्याने ४ अर्धशतक ठोकले आहेत.
.png "Videos"){kind=small}
