Syed Mushtaq Ali Trophy : महाराष्ट्राचा संघ जाहीर; गायकवाड-पृथ्वी शॉवर असणार अनेकांच्या नजरा

Syed Mushtaq Ali Trophy : सय्यद मुश्ताक अली करंडक स्पर्धेसाठी महाराष्ट्राचा १८ सदस्यीय संघ जाहीर. ऋतुराज गायकवाड, पृथ्वी शॉ आणि रामकृष्ण घोषचा संघात समावेश. १४ नोव्हेंबरला पहिला सामना.

• दुखापतीनंतर रामकृष्ण घोषचे पुनरागमन
• 14 नोव्हेंबरला पहिला सामना
• अद्याप संघाचा कर्णधार घोषित नाही

 

सय्यद मुश्ताक अली टी-20 चषक (Syed Mushtaq Ali Trophy) स्पर्धेसाठी महाराष्ट्राच्या 18 सदस्यीय संघाची घोषणा करण्यात आली आहे. भारतीय संघातील फलंदाज ऋतुराज गायकवाड आणि आक्रमक सलामीवीर पृथ्वी शॉ यांचा संघात समावेश हे प्रमुख आकर्षण असणार आहे. महाराष्ट्र क्रिकेट असोसिएशनने (MCA) सोमवारी संघ जाहीर केला. मात्र, अद्याप संघाच्या कर्णधाराचे नाव घोषित करण्यात आलेले नाही.

महाराष्ट्राचे साखळी फेरीतील सर्व सामने 14 ते 26 नोव्हेंबरदरम्यान मोहाली आणि न्यू चंडीगड येथे खेळवले जाणार आहेत. गायकवाड सध्या न्यूझीलंडविरुद्धच्या एकदिवसीय मालिकेसाठी भारतीय संघासोबत आहे. ही मालिका 15 नोव्हेंबरला संपणार आहे. त्यामुळे त्याच्या महाराष्ट्र संघातील उपलब्धतेकडे लक्ष लागले आहे.

गायकवाड आणि पृथ्वी शॉ यांच्यासह राहुल त्रिपाठी, साहिल पारख, सिद्धेश वीर आणि अष्टपैलू अर्शिन कुलकर्णी यांचाही संघात समावेश आहे. वेगवान गोलंदाजीची जबाबदारी मुकेश चौधरीवर असू शकते. डावखुरा फिरकीपटू विक्की ओस्तवाल मधल्या षटकांमध्ये महत्त्वाची भूमिका बजावू शकतो.

रामकृष्ण घोषचे पुनरागमन

चेन्नई सुपर किंग्जकडून आयपीएल 2026 मध्ये खेळताना पायाला फ्रॅक्चर झाल्यामुळे स्पर्धेबाहेर झालेल्या वेगवान गोलंदाजी करणाऱ्या अष्टपैलू रामकृष्ण घोषचे या स्पर्धेतून स्पर्धात्मक क्रिकेटमध्ये पुनरागमन होणार आहे. त्याच्या समावेशामुळे महाराष्ट्राच्या अष्टपैलू फळीला बळ मिळणार आहे.

संघात सूरज शिंदे, तनाय संघवी, किरण चोरमले, रंजीत निकम, प्रदीप दाधे, ऋषिकेश सोनवणे, विवेक शेलार, हितेश वालुंज आणि प्रशांत सोलंकी यांनाही संधी देण्यात आली आहे.

IND Vs NZ: गिलची सेना किवींना ‘किल’ करण्यासाठी सज्ज! सिरीज जिंकण्याची संधी तर, Playing 11 मध्ये…

14 नोव्हेंबरला पुडुचेरीशी पहिली लढत

एलिट गट ‘क’ मध्ये समावेश असलेल्या महाराष्ट्राच्या संघाला पहिला सामना 14 नोव्हेंबरला मोहाली येथे पुडुचेरीविरुद्ध खेळायचा आहे. त्यानंतर 16 नोव्हेंबरला न्यू चंडीगड येथे केरळशी सामना होईल. 18 नोव्हेंबरला हिमाचल प्रदेश, तर 20 नोव्हेंबरला आसामविरुद्ध महाराष्ट्राचा संघ मैदानात उतरेल.

यानंतर 22 नोव्हेंबरला मध्य प्रदेश, 24 नोव्हेंबरला त्रिपुरा आणि 26 नोव्हेंबरला आंध्र प्रदेशविरुद्ध महाराष्ट्राचे सामने होतील.

IPL बाबत ललित मोदीचं वक्तव्य ऐकतलं का? थेट बाजारंच उठवला

महाराष्ट्राचा १८ सदस्यीय संघ : पृथ्वी शॉ, ऋतुराज गायकवाड, अर्शिन कुलकर्णी, साहिल पारख, राहुल त्रिपाठी, सूरज शिंदे, रामकृष्ण घोष, मुकेश चौधरी, तनाय संघवी, विक्की ओस्तवाल, किरण चोरमले, रंजीत निकम, प्रदीप दाधे, ऋषिकेश सोनवणे, विवेक शेलार, हितेश वालुंज, प्रशांत सोलंकी आणि सिद्धेश वीर.