मोहम्मद कैफने उपस्थित केले ग्रीनवर प्रश्नचिन्ह (फोटो सौजन्य - इन्स्टाग्राम)
कोलकाता नाईट रायडर्स ४ सामने सलग हरली असून १ सामना पावसामुळे अनिर्णित राहिला आहे. तीन वेळा आयपीएलची ट्रॉफी जिंकणारी टीम एकही सामना आतापर्यंत जिंकू शकलेली नाही ही नक्कीच शरमेची बाब आहे. मात्र इतके कोटी मोजून खेळाडू खेळत नसल्यामुळे ही परिस्थिती उद्भवली आहे त्यामुळे ग्रीनवर सध्या जोरदार टीका होत आहे आणि दिग्गज खेळाडू मोहम्मद कैफनेही प्रश्नचिन्हे उपस्थित केले आहे.
IPL 2026: लागोपाठ 4 पराभव, KKR चा कॅप्टन मराठमोळ्या अजिंक्य रहाणेवर कारवाई; लागला दंड
ग्रीनवर प्रश्नचिन्हे उपस्थित केली जात आहेत
View this post on Instagram
या पराभवानंतर, २५.२ कोटी रुपये मूल्य असलेल्या कॅमेरॉन ग्रीनच्या विश्वासार्हतेवर सोशल मीडियावर प्रश्नचिन्ह उपस्थित केले जात आहे. ग्रीन केवळ गोलंदाजीनेच महागडा ठरला नाही, तर फलंदाजीतही शून्यावर बाद झाला, ज्यामुळे संघ अडचणीत सापडला. माजी भारतीय क्रिकेटपटू मोहम्मद कैफने त्याच्या खराब फॉर्मवर आणि केकेआरच्या रणनीतीवर तीव्र टीका केली आहे. आंद्रे रसेलला संघाचा प्रशिक्षक म्हणून नियुक्त करण्याचा आणि ग्रीनवर विश्वास ठेवण्याचा निर्णय ही या हंगामातील सर्वात मोठी चूक असल्याचे कैफने म्हटले आहे.
मोहम्मद कैफने उपस्थित केलेले प्रश्न
कैफने इन्स्टाग्रामवर लिहिले, “कदाचित या हंगामातील केकेआरची सर्वात मोठी चूक म्हणजे आंद्रे रसेलला प्रशिक्षक म्हणून नियुक्त करणे आणि त्याला अष्टपैलू म्हणून न वापरणे ही होती. त्याला डगआऊटमध्ये बसवून ठेवणे आणि लिलावात इतर फ्रँचायझींना त्याला खरेदी करण्यापासून रोखणे अयशस्वी ठरले आहे. २५ कोटी रुपये खर्च करून घेतलेल्या कॅमेरॉन ग्रीनपेक्षा तो अजूनही एक चांगला अष्टपैलू खेळाडू नाही का? उत्तर स्पष्ट आहे.”
CSK Vs KKR: ‘केकेआरचा’ पराभवाचा ‘पंच’; पॉईंट्स टेबलमध्ये घेतली शेवटच्या स्थानावर आघाडी
ग्रीनचे दारुण अपयश
त्याच्या सामन्यांच्या आकडेवारीवर नजर टाकल्यास ग्रीनचे अपयश अधिकच गंभीर असल्याचे दिसून येते. गोलंदाजी करताना, त्याने केवळ दोन षटकांत एकही बळी न घेता ३० धावा दिल्या. जेव्हा फलंदाजीची वेळ आली, तेव्हा संघाला एका भक्कम भागीदारीची गरज असताना तो क्रीजवर आला, पण नूर अहमदने त्याला पहिल्याच चेंडूवर क्लीन बोल्ड केले. या हंगामात आतापर्यंत खेळल्या गेलेल्या पाच सामन्यांमध्ये, ग्रीनने केवळ १४ च्या माफक सरासरीने ५६ धावा केल्या आहेत, जे त्याच्या किंमतीला न्याय देत नाही.
