Ind Vs WI t20 live updates
भारत आणि वेस्ट इंडिज यांच्यातील पाच टी-२० सामन्यांच्या सिरिजला आजपासून सुरुवात होत आहे. पहिल्या सामन्यात भारताचा १५ वर्षीय युवा फलंदाज वैभव सूर्यवंशी याला अंतिम ११ खेळाडूंमध्ये संधी मिळणार की नाही, यावरून चर्चा सुरू झाली आहे. अशातच भारतीय संघाचे गोलंदाजी प्रशिक्षक मॉर्ने मॉर्केल यांनी सूर्यवंशीच्या निवडीबाबत एक महत्त्वाचे विधान केले आहे.
माध्यमांशी बोलताना गोलंदाजी प्रशिक्षक मॉर्ने मॉर्केल म्हणाले की, “वैभव हा अत्यंत गुणवान आणि प्रतिभावान खेळाडू आहे. त्याच्याकडे अद्भुत क्षमता आहे. त्याला अंतिम ११ मध्ये संधी द्यायची की नाही, याबाबत संघ व्यवस्थापन परिस्थिती आणि खेळपट्टीचा अंदाज घेऊनच अंतिम निर्णय घेईल.” मॉर्केल यांच्या या वक्तव्यानंतर १५ वर्षीय वैभवच्या इंटरनॅशनल पदार्पणाबाबत क्रिकेट चाहत्यांची उत्सुकता शिगेला पोहोचली आहे.
पावसाचे सावट
सामन्याच्या काही दिवसांपूर्वी, लखनौ आणि उत्तर भारतात मुसळधार पाऊस झाल्यामुळे गोमती नदीच्या पाण्याची पातळी वाढली आहे. स्टेडियमच्या आजूबाजूच्या काही भागांमध्ये पाणी साचले आहे, परंतु पाण्याचा निचरा होण्यासाठी मैदानाची चांगली देखभाल केली जाते. यामुळे मैदान पूर्णपणे कोरडे राहिले आहे. सामन्यादरम्यान यामुळे कोणतीही अडचण येणार नाही. अजूनही पावसाचे सावट असल्याचे सांगितलं जात असलं तरीही पावसाची शक्यता फारच कमी असल्याचं तज्ज्ञांचं म्हणणं आहे.
लखनौची खेळपट्टी सुरुवातीच्या षटकांमध्ये वेगवान गोलंदाजांना मदत करू शकते. सामन्यापूर्वी हलक्या पावसाचीही शक्यता आहे. पाऊस पडल्यास, नवीन चेंडूमुळे वेगवान गोलंदाजांना स्विंग मिळू शकेल.
.png "Videos"){kind=small}
