Mumbai Indians New Head Coach: रोहित शर्माचा खास मित्र झाला मुंबई इंडियन्सचा हेड कोच, 5 वेळा जिंकून दिली IPL ट्रॉफी

Mumbai Indians New Head Coach: IPL 2027 पूर्वी मुंबई इंडियन्सने आपल्या पूर्व दिग्गज खेळाडू आणि फलंदाजी कोच किरॉन पोलार्डकडे मोठी जबाबदारी सोपवली असून हेड कोच म्हणून नियुक्ती केली आहे

• आयपीएल २०२७ साठी मुंबई इंडियन्सची जोरदार तयारी सुरू 

• किरॉन पोलार्ड झाला मुंबई इंडियन्सचा हेड कोच

• आतापर्यंत ५ वेळा जिंकून दिली आहे IPL ची ट्रॉफी 

Mumbai Indians New Head Coach: आयपीएल २०२७ पूर्वी ५ वेळा चॅम्पियन असणाऱ्या मुंबई इंडियन्सच्या संघाने एक मोठा निर्णय घेतला असून आपला दिग्गज खेळाडू आणि पूर्व फलंदाज कोच किरॉन पोलार्ड याची संघाचा मुख्य कोच म्हणून नियुक्ती करण्यात आली आहे. पोलार्डपूर्वी श्रीलंकेचा महान फलंदाज महेला जयवर्धने हा मुंबई इंडियन्सचा हेड कोच म्हणून आतापर्यंत जबाबदारी सांभाळत होता. पण यावर्षी त्याने हे पद सोडले असून आता नीता अंबानीच्या या संघाने किरॉन पोलार्डकडे ही जबाबदारी सुपूर्द केली आहे. 

किरॉन पोलार्ड नवनियुक्त हेड कोच

See more

मुंबई इंडियन्सची सहमालक असणाऱ्या नीता अंबानी यांनी पोलार्डच्या या नवनियुक्तीवर आनंद व्यक्त केला आणि म्हटले की, ‘पोलार्ड २२ व्या वर्षापासून तरूण खेळाडू म्हणून MI सह जोडला गेला आणि तब्बलगेल्या १६ वर्षांपासून तो या कुटुंबाचा अविभाज्य भाग राहिला आहे.’ यानंतर नीता अंबानी यांनी पोलार्ड आपल्या अनुभव, समजूतदारपणा आणि वचनबद्धतेसह हा संघ जोडून ठेवेल आणि यशाचा एक नवा अध्याय सुरू करेल असा विश्वासही यावेळी दर्शविला. 

IPL 2027 आधी मुंबई इंडियन्समध्ये मोठा भूकंप! आयपीएलचे विजेतेपदं जिंकून देणाऱ्या ‘या’ दिग्गजाने सोडली साथ

काय म्हणाला किरॉन पोलार्ड 

हेड कोचची नवी जबाबदारी मिळाल्यानंतर किरॉन पोलार्डने आपला आनंद आणि सन्मान दोन्ही व्यक्त केला. पोलार्डने जारी केलेल्या निवेदनात म्हटले की, ‘Mumbai Indians च्या हेड कोचची जबाबदारी पेलणं हा माझ्यासाठी मोठा सन्मान आहे. मुंबई इंडियन्स माझ्या आयुष्याचा आणि करिअरचा खूप मोठा भाग आहे आणि हा संघ, खेळाडू आणि पलटणसह माझं जे नातं आहे ते अत्यंत अनोखं आणि अनमोल आहे. एक खेळाडू आणि एक कोच म्हणून काम केल्यानंतर मुंबई इंडियन्सचे हे प्रतिनिधित्व किती महत्त्वाचे आहे आणि ही निळी जर्सी घातल्यानंतर किती जबाबदारी येते याची पूर्ण कल्पना आहे’

किरॉन पोलार्डची मुंबई इंडियन्ससह कारकीर्द 

किरॉन पोलार्डची मुंबई इंडियन्ससोबतची कारकीर्द शानदार आणि अत्यंत यशस्वी राहिली आहे. फ्रँचायझीच्या इतिहासातील सर्वात यशस्वी खेळाडूंपैकी तो एक मानला जातो.

• ५ आयपीएल ट्रॉफी: २०१३, २०१५, २०१७, २०१९ आणि २०२० मध्ये आयपीएलचे विजेतेपद पटकावणाऱ्या मुंबई इंडियन्स संघाचा पोलार्ड एक महत्त्वाचा खेळाडू होता. तो या पाचही विजेत्या संघांचा भाग होता
• २ चॅम्पियन्स लीग विजेतेपद: आयपीएल व्यतिरिक्त, २०११ आणि २०१३ मध्ये मुंबई इंडियन्सला चॅम्पियन्स लीग टी२० जिंकून देण्यातही पोलार्डने महत्त्वाची भूमिका बजावली
• उत्कृष्ट अष्टपैलू कामगिरी: मुंबई इंडियन्सकडून खेळताना, पोलार्डने १८९ आयपीएल सामन्यांमध्ये १४७.३२ च्या स्फोटक स्ट्राईक रेटने ३,४१२ धावा केल्या आहेत, ज्यात १६ अर्धशतकांचा समावेश आहे. शिवाय, त्याने आपल्या मध्यमगती गोलंदाजीने संघासाठी ६९ महत्त्वपूर्ण बळीही घेतले आहेत.

खेळाडू म्हणून निवृत्त झाल्यानंतर किरॉन पोलार्डने मुंबई इंडियन्सच्या फलंदाजी प्रशिक्षक पदाची धुरा वाहिली होती. आता मुख्य प्रशिक्षक म्हणून त्याच्या नियुक्तीमुळे त्याचे मुंबई इंडियन्ससह १६ वर्षांचे नाते एका नव्या आणि महत्त्वाच्या टप्प्यावर येऊन पोहचले आहे.

IPL 2027 पूर्वी मुंबई इंडियन्समध्ये मोठा ट्विस्ट! रोहित शर्मा कर्णधार होणार? MI ने केला मोठा खुलासा