नीरज चोप्राच्या शिरपेचात मानाचा तुरा (फोटो सौजन्य - ANI)
दोन वेळा ऑलिंपिक पदक विजेता भारताचा स्टार भालाफेकपटू नीरज चोप्रा याची भारतीय सैन्यात लेफ्टनंट कर्नल म्हणून नियुक्ती करण्यात आली आहे. संरक्षण मंत्री राजनाथ सिंह आणि लष्करप्रमुख उपेंद्र द्विवेदी यांनी नीरजला ही पदवी प्रदान कऱण्यात आली. संरक्षण मंत्री आणि लष्करप्रमुखांच्या उपस्थितीत नीरजला लेफ्टनंट कर्नलची मानद पदवी प्रदान करण्यात आली. समारंभात नीरज चोप्रा लष्कराच्या गणवेशात यावेळी दिसला आणि प्रत्येक भारतीयांसाठी ही नक्कीच अभिमानाची गोष्ट आहे.
पहा व्हिडिओ
#WATCH | Delhi | Olympic medallist javelin thrower Neeraj Chopra conferred the honorary rank of Lieutenant Colonel in the Indian Army, in the presence of Defence Minister Rajnath Singh and COAS General Upendra Dwivedi pic.twitter.com/bjLwuvoSLj — ANI (@ANI) October 22, 2025
सलग दोन ऑलिंपिकमध्ये पदके जिंकली
हरियाणातील पानिपतजवळील खंद्रा गावातील रहिवासी असलेल्या २७ वर्षीय भालाफेकपटू नीरज चोप्राने २०२० मध्ये टोकियो ऑलिंपिकमध्ये सुवर्णपदक आणि २०२४ मध्ये पॅरिस ऑलिंपिकमध्ये रौप्यपदक जिंकले. नीरज चोप्रा यांना यावर्षी प्रादेशिक सैन्यात लेफ्टनंट कर्नलची मानद पदवी प्रदान करण्यात आली होती, परंतु बुधवारी एका समारंभात त्यांना ही पदवी प्रदान करण्यात आली. नीरज पूर्वी भारतीय सैन्यात सुभेदार मेजर होते. नीरजच्या आधी, भारतीय क्रिकेटपटू महेंद्रसिंग धोनीला २०११ मध्ये प्रादेशिक सैन्यात लेफ्टनंट कर्नलची मानद पदवी देण्यात आली होती.
या वर्षी मे महिन्यात, संरक्षण मंत्रालयाच्या लष्करी व्यवहार विभागाने नीरजला लेफ्टनंट कर्नल पदावर बढती मिळाल्याची माहिती देणारी अधिसूचना जारी केली. अधिसूचनेत म्हटले आहे की, “प्रादेशिक सैन्य नियमावली, १९४८ च्या परिच्छेद ३१ द्वारे प्रदान केलेल्या अधिकारांचा वापर करून, राष्ट्रपती १६ एप्रिल २०२५ पासून नीरज चोप्रा, पीव्हीएसएम, पद्मश्री, व्हीएसएम, माजी सुभेदार मेजर, खंद्रा, गाव आणि पोस्ट ऑफिस, पानिपत, हरियाणा यांना प्रादेशिक सैन्यात लेफ्टनंट कर्नलची मानद पदवी प्रदान करण्यास आनंदित आहेत.”
Neeraj Chopra च्या शिरपेचात मानाचा तुरा! ‘या’ खास पदवीसह प्रादेशिक सैन्यात मिळाली मोठी जबाबदारी..
हा हंगाम खराब
या हंगामात नीरज चोप्राची कामगिरी खराब होती. चालू हंगाम नीरज चोप्रासाठी चांगला नव्हता. तो डायमंड लीगचे विजेतेपद जिंकण्यात अपयशी ठरला आणि जागतिक अ‍ॅथलेटिक्स चॅम्पियनशिपमध्ये त्याचे सुवर्णपदक राखण्यात अपयशी ठरला. नीरजने जागतिक अजिंक्यपद स्पर्धेत ८४.०३ मीटरचा सर्वोत्तम फेक केला होता आणि अंतिम प्रयत्नासाठी पात्र ठरू शकला नाही.
नीरजला मिळालेत अनेक राष्ट्रीय पुरस्कार
नीरज चोप्राला त्याच्या प्रतिष्ठित कारकिर्दी आणि कामगिरीसाठी अनेक राष्ट्रीय पुरस्कार मिळाले आहेत. टोकियो २०२० ऑलिंपिकमध्ये ऐतिहासिक सुवर्णपदक जिंकल्यानंतर त्याला २०१८ मध्ये अर्जुन पुरस्कार, २०२१ मध्ये खेलरत्न आणि भारतीय सैन्याचा सर्वोच्च शांतताकालीन पुरस्कार, परम विशिष्ट सेवा पदक मिळाले. २०२२ मध्ये, नीरजला भारताचा चौथा सर्वोच्च नागरी पुरस्कार, पद्मश्रीनेदेखील सन्मानित करण्यात आले.
.png "Videos"){kind=small}
