फोटो सौजन्य - FanCode सोशल मीडिया
न्यूझीलंडचा अष्टपैलू रचिन रवींद्र मैदानावर रक्तबंबाळ : पाकिस्तान विरुद्ध न्यूझीलंड यांच्यामध्ये काल एकदिवसीय सामना पार पडला. या सामन्यात न्यूझीलंडच्या संघाने ७८ धावांनी हा सामना जिंकून दणदणीत विजय मिळवला. चॅम्पियन ट्रॉफीच्या आधी यजमान संघ पाकिस्तानमध्ये ट्रीसिरीज खेळत आहे. यजमान पाकिस्तानने आयसीसी चॅम्पियन्स ट्रॉफीसाठी त्यांच्या तीन स्टेडियमची पुनर्बांधणी केली. ते करण्यासाठी त्यांना आवश्यकतेपेक्षा जास्त वेळ लागला, परंतु पाकिस्तान क्रिकेट बोर्ड त्यावर योग्यरित्या काम करत असल्याचे दिसत नाही.
शनिवारी पाकिस्तान, न्यूझीलंड आणि दक्षिण आफ्रिका यांच्यात सुरू झालेल्या तिरंगी मालिकेत लाहोरचे गद्दाफी स्टेडियम हे तीनपैकी पहिले कसोटी स्टेडियम होते आणि पहिल्याच सामन्यात एका किवी खेळाडूसोबत मोठा अपघात झाला. न्यूझीलंडचा स्टार खेळाडू रचिन रवींद्रला क्षेत्ररक्षण करताना चेहऱ्यावर चेंडू लागला, ज्यामुळे त्याच्या चेहऱ्यावरून पाण्यासारखे रक्त वाहू लागले. या घटनेचा व्हिडीओ सध्या सोशल मीडियावर प्रचंड व्हायरल होत आहे.
A tough moment on the field for Rachin Ravindra as an attempted catch turned into an unfortunate injury. 🤕
Get well soon, Rachin! pic.twitter.com/34dB108tpF
— FanCode (@FanCode) February 8, 2025
व्हायरल होत असेलेल्या व्हिडिओमध्ये न्यूझीलंडचा खेळाडू रचिन रवींद्र गंभीर जखमी झाला आहे. तिथे असलेल्या फ्लड लाईट्समुळे हा अपघात झाला. फ्लड लाईट्स जमिनीवर खूप खाली ठेवल्यामुळे रचिनला चेंडू दिसत नव्हता. तो झेल घेण्यासाठी त्याच्या पोझिशनवर पोहोचला, पण शेवटी फ्लड लाईट्समुळे त्याला चेंडू दिसला नाही आणि त्याच्या कपाळावर दुखापत झाली. चेंडू लागल्यानंतर, रचिन ताबडतोब जमिनीवर बसला आणि त्याच्या कपाळावरून पाण्यासारखे रक्त वाहू लागले. काही वेळाने, न्यूझीलंडचे डॉक्टर आणि तिथे उपस्थित असलेल्या सुरक्षा कर्मचाऱ्यांनी रचिनला मैदानाबाहेर काढले, यावेळी त्याच्या तोंडावर टॉवेलही होता.
रचिनच्या दुखापतीनंतर, पाकिस्तानच्या नवीन स्टेडियमवरही टीका झाली. त्याचबरोबर पाकिस्तान क्रिकेट बोर्डला देखील मोठ्या प्रमाणात ट्रोल करण्यात आले आहे. यामध्ये एका युझरने लिहिले आहे की, रचीन रवींद्रसाठी प्रार्थना, पाकिस्तानमध्ये फ्लडलाइट्स निकृष्ट दर्जाचे आहेत की चेंडू क्षेत्ररक्षकांना दिसत नाही. पाकिस्तानमध्ये चॅम्पियन्स ट्रॉफी आयोजित करणे हे खेळाडूंसाठी आत्मघाती आहे. तर दुसऱ्या X युझरने लिहिले आहे की, #चॅम्पियन्सट्रॉफीचे आयोजन करणाऱ्या पाकिस्तानातील खेळपट्टी इतकी खराब आहे की आज न्यूझीलंडचा खेळाडू #रचिनरवींद्र जखमी झाला आणि त्याच्या चेहऱ्यावर रक्त येत आहे. खराब सुविधांमुळे #पाकिस्तानला क्रिकेट सामने आयोजित करण्यावर बंदी घालावी.
Prayers for Rachin Ravindra
The floodlights are of poor quality in pakistan that ball is not visible to the fielders . Conducting champions trophy in pakistan is suicidal for players #RachinRavindra #ChampionsTrophy #Pak pic.twitter.com/HCH4Sc5wM0
— Anshul (@Invisible0904) February 8, 2025
The pitch in Pakistan, which is hosting the #ChampionsTrophy, is so bad that today New Zealand player #RachinRavindra got injured and his face is bleeding#Pakistan should be banned from hosting cricket matches due to poor facilities#PAKvNZ #BabarAzampic.twitter.com/fvOQdGqOMG
— Rahul Gupta (@RahulGu04197245) February 8, 2025
.png "Videos"){kind=small}
