फोटो सौजन्य – X
शुक्रवार, १९ जुलै रोजी वर्ल्ड चॅम्पियनशिप ऑफ लीजेंड्स २०२५ ला सुरुवात झाली आहे. या स्पर्धेची सुरुवात यजमान इंग्लंड विरुद्ध पाकिस्तान सामन्याने झाली. वर्ल्ड चॅम्पियनशिप ऑफ लीजेंड्स २०२५ इंग्लंडच्या भूमीवर सुरू झाली आहे. या स्पर्धेचा पहिला सामना बर्मिंगहॅम येथे यजमान इंग्लंड चॅम्पियन्स आणि पाकिस्तान चॅम्पियन्स यांच्यात खेळला गेला. जिथे दोन्ही संघांमध्ये अतिशय रोमांचक सामना पाहायला मिळाला. तथापि, त्यांच्या सलामीवीर फलंदाजाची चूक इंग्लिश संघाला महागात पडली, ज्यामुळे पाकिस्तान संघाने शेवटच्या षटकात ५ धावांनी सामना जिंकला. पाकिस्तान संघ त्यांच्या कर्णधाराशिवाय मैदानात उतरला.
वर्ल्ड कप २०२५ च्या पहिल्याच सामन्यात इंग्लंडला दारुण पराभवाचा सामना करावा लागला होता, पाकिस्तानने हा सामना फक्त ५ धावांनी जिंकला. पाकिस्तानच्या विजयाचा हिरो मोहम्मद हाफीज होता, ज्याने शानदार अर्धशतक झळकावून पाकिस्तानला १६० धावांपर्यंत पोहोचवले. प्रत्युत्तरादाखल, इंग्लंडकडून इयान बेलनेही अर्धशतक झळकावले, परंतु तो संघाला विजय मिळवून देऊ शकला नाही. हाफीजला त्याच्या उत्कृष्ट कामगिरीसाठी सामनावीर पुरस्काराने सन्मानित करण्यात आले.
नाणेफेक गमावून प्रथम फलंदाजी केल्यानंतर पाकिस्तानच्या संघाची सुरुवात चांगली झाली नाही. पॉवरप्लेमध्ये दोन्ही सलामीवीर कामरान अकमल (८) आणि शर्जील खान (१२) स्वस्तात पॅव्हेलियनमध्ये परतले. त्यानंतर फलंदाजीसाठी आलेल्या कर्णधार मोहम्मद हफीजने ३४ चेंडूत ८ चौकारांसह ५४ धावांची शानदार खेळी केली. शेवटी, आमिर यामीनने १३ चेंडूत २७ धावा फटकावल्या आणि पाकिस्तानला निर्धारित २० षटकांत ९ गडी गमावून १६० धावांपर्यंत पोहोचवले.
Australia vs Pakistan – A Clash of Icons!
Live only on Star Sports & FanCode
Monday, 29th July at 5:00 PM ISTWatch Brett Lee, Chris Lynn & Team Australia take on Mohammad Hafeez, Shoaib Malik & Team Pakistan in a high-stakes battle!
Don’t miss the action in the World… pic.twitter.com/sgf9ZeF4oh
— CricTracker (@Cricketracker) July 17, 2025
१६१ धावांच्या लक्ष्याचा पाठलाग करताना फिल मस्टर्ड (५८) यांनी शानदार अर्धशतक झळकावले आणि इयान बेलनेही ३५ चेंडूत ५ चौकार आणि २ षटकारांसह ५१ धावांची नाबाद खेळी केली, परंतु दोन्ही फलंदाजांच्या अर्धशतकांमुळे संघाला काहीच फायदा झाला नाही आणि इंग्लंडला ५ धावांनी पराभव स्वीकारावा लागला. इंग्लंडला शेवटच्या षटकात १६ धावांची आवश्यकता होती, पण पहिल्या चेंडूवर चौकार मारल्यानंतर सोहेल खानने पुढच्या ५ चेंडूत फक्त ६ धावा दिल्या. पाकिस्तानचा पुढील सामना २० जुलै रोजी भारताविरुद्ध आहे.
.png "Videos"){kind=small}
