IND W vs NZ W : प्रतिका-मानधना जोडीचा महिला विश्वचषकात धुमाकूळ! न्यूझीलंडविरुद्ध दोघींनी झळकवली शतकं 

मानधनाची महिला विश्वचषक २०२५ मध्ये सुरुवात खराब राहिली होती. ती तिच्या पहिल्या तीन डावात ३० धावांपर्यंत पोहोचू शकली नव्हती.  मात्र, स्टार सलामीवीर तिच्या फॉर्ममध्ये पुन्हा परतली आणि खोऱ्याने धावा काढण्यास तिने सुरुवात केली. ऑस्ट्रेलिया आणि इंग्लंडविरुद्ध सलग दोन अर्धशतके झळकवले. त्यानंतर स्मृती मानधनाने न्यूझीलंडविरुद्ध स्फोटक खेळी करत भारतीय संघाला दमदार सुरुवात करून दिली.  मानधनाने ३१ व्या षटकात १ धाव घेत या विश्वचषकातील तिचे पहिले शतक झळकवले तर कारकिर्दीतील तिचे १४ वे शतक ठरले आहे. मानधनाचे महिला विश्वचषक स्पर्धेच्या इतिहासातील हे तिसरे शतक ठरले आहे. यापूर्वी तिने २०१७ आणि २०२२ च्या विश्वचषकात प्रत्येकी एक शतक झळकवण्याची किमया साधली होती. यासह, तिने विश्वचषकात भारतासाठी सर्वाधिक शतके ठोकण्याच्या विक्रमाची बरोबरी केली.

हेही वाचा : IND VS PAK : मोहसिन नक्वी यांना अक्कल आली? ‘या’ दिवशी भारताला परत करणार Asian Cup Trophy; मोठ्या समारंभाचे आयोजन?

प्रतीक रावल स्फोटक शतकी खेळी

भारतीय सलामीवीर जोडी प्रतिका रावल  आणि स्मृती  मानधना यांनी भारतीय संघाला मोठी भागीदारी रचून दिली. या दोघींनी शानदार समन्वय दाखवून २१२ धावांची शानदार भागीदारी रचली.  स्मृती मानधना १०९ धावा काढून परतल्यानंतर प्रतिका रावलने आपला खेळ सुरूच ठेवला आणि तिने आपले शतक पूर्ण केले. चौफेर फटकेबाजी करत तीने धावा लुटल्या. प्रतिका रावलने १३४ चेंडूचा सामना करत १२२ धावा केल्या. यामध्ये तिने १३ चौकार आणि २ षटकार लगावले. यानंतर तीला अमेलिया केरने तीला माघारी पाठवले.