भारताची दिग्गज धावपटू पीटी उषा (PT Usha) यांची भारतीय ऑलिम्पिक संघटनेच्या (आयओए) अध्यक्षपदी नियुक्ती होणार आहे. पीटी उषा यांची या पदासाठी निवड जवळपास निश्चित झाली असून त्यांनी शनिवारी भारतीय ऑलिम्पिक संघटनेच्या अध्यक्षपदासाठी अर्ज दाखल केला होता. या पदासाठी इतर कोणीहीउमेदवारी दाखल केली नसल्याने उषा यांची निवड जवळपास निश्चित मानली जात आहे.
१० डिसेंबर रोजी भारतीय ऑलिम्पिक संघटनेच्या अध्यक्षपदासाठी ही निवडणूक होणार आहे. दरम्यान पीटी उषा यांनी आशियाई क्रीडा स्पर्धेत ४०० मीटर अडथळा शर्यतीत अनेक सुवर्णपदके जिंकणाऱ्या आणि १९८४ लॉस एंजेलिस ऑलिम्पिकमध्ये चौथे स्थान मिळवणाऱ्या ५८ वर्षीय उषा यांनी ट्विटमध्ये ही घोषणा केली होती.
आयओए निवडणुकीसाठी उमेदवारी अर्ज भरण्याची आज रविवार शेवटची तारीख होती. आयओए निवडणुकीचे रिटर्निंग ऑफिसर उमेश सिन्हा यांनी सांगितले होते की, शुक्रवार आणि शनिवारी उमेदवारी अर्ज आले नाहीत.
.png "Videos"){kind=small}
