IPL 2025 मध्ये आरसीबीला हा खेळाडू मिळवून देऊ शकतो ट्रॉफी, 11 कोटी रुपये किमतीचा खेळाडू संघाचे नशीब बदलणार

रणजी ट्रॉफीमध्ये केरळविरुद्ध खेळताना रजतने आपल्या बॅटने आणखी एक शानदार खेळी केली होती. रजतचे शतक हुकले असले तरी त्याने ९२ धावांच्या शानदार खेळीने सर्वांची मने जिंकली.

आयपीएल २०२५ : आयपीएल २०२५ साठी सर्वच क्रिकेट चाहते सध्या प्रचंड उत्सुक आहेत. आयपीएल २०२५ च्या मेगा ऑक्शनमध्ये अनेक अनेक उलटफेर पाहायला मिळाला. यावेळी आयपीएलच्या ऑक्शनमध्ये पैशांची उधळण पाहायला मिळाली. आयपीएल २०२५ मध्ये सर्वात महागडा खेळाडू रिषभ पंत ठरला, पण आता आरसीबीच्या संघाला एक कोहिनुर मिळाला आहे आणि हा खेळाडू रॉयल चॅलेंजर्स बंगळुरूच्या संघाचा अनेक वर्षाचा ट्रॉफीचा दुष्काळ संपवू शकतो. आयपीएल २०२५ च्या मेगा लिलावापूर्वी रॉयल चॅलेंजर्स बंगळुरूने ११ कोटी रुपये खर्च करून एका खेळाडूला कायम ठेवले होते. त्यामुळे त्यांना या खेळाडूचा नक्कीच फायदा संघाला होणार आहे हे त्याने सिद्ध केले आहे.

हा फलंदाज आगामी मोसमात आरसीबी संघाचे नशीब बदलू शकतो. या फलंदाजाने देशांतर्गत क्रिकेटमध्ये खूप धावा केल्या आहेत त्या खेळाडूचे नाव रजत पाटीदार. रणजी ट्रॉफीमध्ये केरळविरुद्ध खेळताना रजतने आपल्या बॅटने आणखी एक शानदार खेळी केली होती. रजतचे शतक हुकले असले तरी त्याने ९२ धावांच्या शानदार खेळीने सर्वांची मने जिंकली. इंडियन प्रीमियर लीगच्या १८ व्या हंगामात रजत हा फॉर्म कायम राखण्यात यशस्वी ठरला तर आरसीबीला रौप्यपदक मिळू शकते.

Champions Trophy च्या आधी भारतीय संघासाठी चांगले संकेत, शुभमन गिल फॉर्ममध्ये, ठोकले शतक

देशांतर्गत क्रिकेटमध्ये रजत पाटीदारची बॅट धुमाकूळ घालत आहे. सय्यद मुश्ताक अली स्पर्धेत सर्वाधिक धावा करणाऱ्या फलंदाजांच्या यादीत रजत दुसऱ्या स्थानावर होता. त्याने ९ डावात ६१.१४ च्या सरासरीने आणि १८६ च्या स्ट्राईक रेटने ४२८ धावा केल्या. या काळात त्याच्या बॅटमधून पाच अर्धशतके झळकावली. यानंतर विजय हजारेमध्येही रजतची बॅट प्रसिद्ध झाली. बंगालविरुद्ध रजतने खेळलेल्या १३२ धावांच्या नाबाद खेळीची बरीच चर्चा झाली होती. रणजी ट्रॉफीमध्येही रजतचा चांगला फॉर्म कायम आहे. मध्य प्रदेशकडून खेळताना उजव्या हाताच्या फलंदाजाने १४२ चेंडूत ९२ धावांची शानदार खेळी केली. या खेळीदरम्यान रजतने ११ चौकार लगावले.

See more

HEARTBREAKS FOR RAJAT PATIDAR. 💔 But he played a marvelous Knock for Madhya Pradesh – What a player. ⭐ pic.twitter.com/ZaWSJpskIC — Tanuj Singh (@ImTanujSingh) January 25, 2025

देशांतर्गत क्रिकेटचा हा मोसम रजत पाटीदारसाठी अप्रतिम ठरला आहे. भारतीय फलंदाजाच्या विक्रमाबद्दल बोलायचे तर त्याने या मोसमात देशांतर्गत क्रिकेटमध्ये खेळलेल्या १६ डावांमध्ये ७२६ धावा केल्या आहेत. या काळात रजतने एक शतक आणि सात अर्धशतके झळकावली आहेत. विशेष म्हणजे रजत कठीण परिस्थितीतही अतिशय हुशारीने फलंदाजी करताना दिसला आहे.

सामन्याच्या परिस्थितीनुसार रजतने आपल्या फलंदाजीच्या शैलीतही चांगले बदल केले आहेत. आता आरसीबी संघ फक्त प्रार्थना करेल की रजतने आयपीएल २०२५ मध्येही हा फॉर्म कायम ठेवावा. गेल्या मोसमात रॉयल चॅलेंजर्स बंगळुरूकडून खेळतानाही रजतने आपल्या फलंदाजीने प्रभावित केले होते. त्याने १५ सामन्यात १७७ च्या स्ट्राईक रेटने ३९५ धावा केल्या.