Afg vs Zim 2nd Test : अफगाणिस्तानचा झिम्बाब्वेवर 72 धावांनी शानदार विजय; राशिद खानने 11 विकेट घेत रचला मोठा विक्रम

राशिद खानने शानदार गोलंदाजी करीत अफगाणिस्तानला मोठा विजय प्राप्त करून दिला. अफगाणिस्तानने झिम्बाब्वेवर 72 धावांनी शानदार विजय प्राप्त केला.

Afghanistan vs Zimbabwe 2nd Test : अफगाणिस्तानने कसोटी मालिकेतील दुसऱ्या सामन्यात झिम्बाब्वेचा 72 धावांनी पराभव केला. या सामन्यात राशिद खानने धमाकेदार गोलंदाजी करीत झिम्बाब्वेचा धुव्वा उडवला तसेच 11 विकेट घेत मोठा विक्रम रचला. अफगाणिस्तानने कसोटी मालिकेत झिम्बाब्वेचा 1-0 असा पराभव केला आहे. अफगाणिस्तानने दुसरी कसोटी ७२ धावांनी जिंकली. तर पहिली कसोटी अनिर्णित राहिली. अफगाणिस्तानसाठी राशिद खानने घातक गोलंदाजी केली. दुसऱ्या कसोटीत त्याने एकूण 11 विकेट घेतल्या. रहमत शाह आणि इस्मत आलम यांनीही अफगाणिस्तानसाठी ताकद दाखवली. या दोघांनी बुलावायो कसोटीच्या दुसऱ्या डावात शानदार शतके झळकावली.

दुसऱ्या कसोटीत झिम्बाब्वेची दमदार सुरुवात

दुसऱ्या कसोटीत झिम्बाब्वेची सुरुवात चांगली झाली होती. त्याने पहिल्या डावात अफगाणिस्तानला 157 धावांवर ऑल आऊट केले होते. झिम्बाब्वेकडून सिकंदर रझा आणि न्यूमन यांनी प्रत्येकी ३ बळी घेतले. यानंतर झिम्बाब्वेच्या फलंदाजांनीही अप्रतिम कामगिरी दाखवली. संघाने पहिल्या डावात 243 धावा केल्या. दरम्यान, क्रेग इर्विनने 75 धावांची दमदार खेळी केली. तर सिकंदर रझाने ६१ धावांची भर घातली. अफगाणिस्तानकडून राशिद खानने या डावात 4 विकेट घेतल्या.
दुसऱ्या डावात अफगाणिस्तानने खेळ फिरवला
अफगाणिस्तानने दुसऱ्या डावात खेळ बदलला. तो ऑलआऊट होईपर्यंत त्याने 363 धावा केल्या. या दरम्यान रहमतने १३९ धावांची खेळी केली. त्याने 14 चौकार मारले. तर इस्मतने 101 धावा केल्या. त्याच्या खेळीत 9 चौकारांचा समावेश होता. प्रत्युत्तरात झिम्बाब्वेचा संघ दुसऱ्या डावात २०५ धावा करीत सर्वबाद झाला. या डावात इर्विननेही अर्धशतक झळकावले. त्याने 53 धावा केल्या.

हेही वाचा : VIDEO : क्रिकेट मैदानावरच मोठे कांड; बाबर आझम आऊट होत नसल्याने थेट बॉलच मारला फेकून; जोरदार खडाजंगी; पाहा VIDEO