SA vs ENG : जो रूटचा आता एकदिवसीय क्रिकेटमध्ये डंका! इंग्लंडकडून केला भीम पराक्रम;  इऑन मॉर्गनचा ‘तो’ विक्रम मोडला 

जो रूटकडून इऑन मॉर्गनचा विक्रम उद्ध्वस्त

जो रूटने नंद्रे बर्गरच्या चेंडूवर एक धाव घेऊन आपले अर्धशतक पूर्ण केले, यासोबतच त्याने इंग्लंडसाठी एकदिवसीय सामन्यांमध्ये सर्वाधिक अर्धशतके ठोकण्याचा विरकं स्वताच्या नावावर केला. त्याने या कामगिरीसह आपला देशबांधव इऑन मॉर्गनला पिछाडीवर टाकले आहे. मॉर्गनने २२५ सामन्यांमध्ये ४२ अर्धशतके झळकवली आहेत. तर जो रूटचे हे ४३ वे एकदिवसीय अर्धशतक ठरले. जो रूटने इंग्लंडकडून खेळताना १८२ एकदिवसीय सामन्यांमध्ये ४८.९८ च्या सरासरीने ७२०१ धावा काढल्या आहेत. यामध्ये त्याने १८ शतके आणि ४३ अर्धशतकं लागावळी आहेत.

इंग्लंडने मालिका गमावली

तीन एकदिवसीय सामन्यांच्या मालिकेत पहिला सामना गमावणाऱ्या इंग्लंडने दूसरा देखील सामना गामवाला. या सामन्यात नाणेफेक गमावून प्रथम फलंदाजी करणाऱ्या दक्षिण आफ्रिकेने ८ गडी गमावून ३३० धावांचा डोंगर उभारला.  दक्षिण आफ्रिकेकडून मार्कराम ४९, मॅथ्यू ब्रीट्झके ८५, स्टब्सने ५८,  तर डेवाल्ड ब्रेव्हिसने ४२ धावा केल्या. तर धावांचा पाठलाग करणारा इंग्लंड संघ मात्र संघ निर्धारित षटकांमध्ये ९ गडी गमावून केवळ ३२५ धावाच करू शकला. इंग्लंड संघाकडून जोस बटलर आणि जो रूट यांनी प्रत्येकी ६१ धावा केल्या, तर जेकब बेथेलने ५८ धावांची खेळी साकारली, परंतु या फलंदाजांना आपल्या संघाला विजय मिळवून देण्यात अपयश आले.दक्षिण आफ्रिकेकडून नांद्रे बर्गरने तीन विकेट घेतल्या. केशव महाराजांना दोन यश मिळाले. तीन सामन्यांच्या मालिकेत दक्षिण आफ्रिकेने २-० अशी मालिका जिंकून मोठे यश मिळवले.

हेही वाचा : Women’s ODI World Cup 2025 : महिला विश्वचषक आता स्टेडियममध्ये पाहणं झालं सोपं, फक्त 100 रुपयात बुक करा तिकीट! वाचा सविस्तर माहिती