SA vs PAK 2nd test Shan Masood created history the first Pakistani captain to score a Test century in South Africa
SA vs PAK 2nd Test : कर्णधार शान मसूदच्या ऐतिहासिक शतकामुळे पाकिस्तानने दक्षिण आफ्रिकेविरुद्धच्या दुसऱ्या आणि शेवटच्या कसोटी सामन्यात फॉलऑन खेळताना जबरदस्त पलटवार केला आहे. उपाहारापर्यंत पाकिस्तानने तीन गडी गमावून ३१२ धावा केल्या होत्या. 137 धावांवर नाबाद खेळणारा शान मसूद आता दक्षिण आफ्रिकेच्या भूमीवर कसोटी शतक झळकावणारा पहिला पाकिस्तानी कर्णधार ठरला आहे. मसूदने न्यूलँड्स येथे कारकिर्दीतील सहावे कसोटी शतक झळकावले.
शान मसूदचा नवा विक्रम
शान मसूदच्या आधी सलीम मलिक 1995 मध्ये दक्षिण आफ्रिकेत 99 धावांवर बाद झाला होता तेव्हा त्याचे शतक हुकले होते. यानंतर, 2007 मध्ये इंझमाम-उल-हकला दक्षिण आफ्रिकेत शतक झळकावणारा पहिला पाकिस्तानी कर्णधार बनण्याची संधी होती, परंतु दुसऱ्या बाजूकडून साथ न मिळाल्याने तो 92 धावांवर नाबाद परतला.
दक्षिण आफ्रिकेत पाकिस्तानी कर्णधारांची सर्वोच्च धावसंख्या
शान मसूद 2025 मध्ये 102*
सलीम मलिक 1995 मध्ये 99
इंझमाम-उल-हक 2007 मध्ये 92*
मिसबाह-उल-हक 2013 मध्ये 64
सर्फराज अहमद 2019 मध्ये 56
दक्षिण आफ्रिकेने गाठली अंतिम फेरी
बाबर आझमसोबत शान मसूदही चांगला जमला. बाबर ८१ धावा करून बाद झाला. या दोघांमध्ये पहिल्या विकेटसाठी २०५ धावांची भागीदारी झाली. तिसऱ्या दिवसाचा खेळ संपण्यापूर्वीच वेगवान गोलंदाज मार्को जॅन्सनने बाबरला बाद केले. पहिल्या डावात दक्षिण आफ्रिकेच्या 615 धावांच्या प्रत्युत्तरात पाकिस्तान अवघ्या 194 धावांवर आटोपल्यावर पाकिस्तानला फॉलोऑन खेळावा लागला. या मालिकेतील पहिला सामना जिंकून दक्षिण आफ्रिकेने जूनमध्ये लॉर्ड्स येथे होणाऱ्या जागतिक कसोटी अजिंक्यपद स्पर्धेच्या अंतिम फेरीत प्रवेश केला आहे, जिथे त्याचा सामना ऑस्ट्रेलियाशी होणार आहे.
पाकिस्तानला डाव अवघ्या 194 धावांत गुंडाळल्यानंतर
दक्षिण आफ्रिकेच्या 615 धावांच्या प्रत्युत्तरात पाकिस्तानला डाव अवघ्या 194 धावांत गुंडाळल्यानंतर त्यांना फॉलोऑन करण्यास सांगण्यात आले. कर्णधार शान मसूद आणि बाबर आझम यांनी पहिल्या विकेटसाठी 205 धावांची मोठी भागीदारी केली, पण बाबर आझम शतकापासून 19 धावांनी कमी पडला.
.png "Videos"){kind=small}
