‘मुलाला दुबईत सोडून, मी…’, शोएब मलिकपासून वेगळे झाल्याबद्दल सानिया मिर्झाने व्यक्त केली वेदना

पाकिस्तानी क्रिकेटपटू शोएब मलिकपासून घटस्फोट घेतल्यानंतर सानिया मिर्झाने खाजगी आयुष्यातबद्दल खुलासे केले आहेत. करण जोहरसोबतच्या पॉडकास्ट दरम्यान सानिया व्यक्त झाली आहे.

• करण जोहरसोबतच्या पॉडकास्ट दरम्यान सानिया मिर्झा झाली व्यक्त 
• भारतीय टेनिस स्टार सानिया मिर्झाने केले खाजगी आयुष्याबद्दल खुलासे 
• सानिया मिर्झाच्या मते मुलगा इझान मलिकचे संगोपन करणे कठीण 

Sania Mirza expressed her pain : भारतीय टेनिस स्टार सानिया मिर्झाने नेमहीच सोशल मिडियावर सक्रिय असते. दरम्यान  पाकिस्तानी क्रिकेटपटू शोएब मलिकपासून घटस्फोट घेतल्यानंतर सानिया मिर्झाने आयुष्यात झालेल्या बदलांबद्दल स्पष्टपणे बोलली आहे.  करण जोहरसोबतच्या पॉडकास्ट दरम्यान सानियाने बरेच खुलसे केले आहेत. या दरम्यान तिने खुलासा केला की एकटे पालकत्व तिच्यासाठी सर्वात आव्हानात्मक जबाबदारी ठरली आहे. ती म्हणाली की, जेव्हा एखादी व्यक्ती अनेक गोष्टींमध्ये गोंधळ घालत असते तेव्हा एकटे पालक असणे आणि मुलाचे संगोपन करणे खूप आव्हानात्मक बाब होऊन बसते.

हेही वाचा : IND vs SA 2nd Test :गुवाहाटी कसोटीत गिल न खेळल्यास पंतची लागेल लॉटरी! असेल खास इतिहास रचण्याची संधी…

एकटे पालकत्व ही सर्वात कठीण : सानिया मिर्झा

सानिया मिर्झा म्हणाली की मुलगा इझान मलिकचे संगोपन करणे ही आता पूर्णपणे तिची जबाबदारी असून ती पूर्ण करणे खूप कठीण आहे. करण जोहरने तिचे समर्थन देत म्हटले की सानियाची परिस्थिती आणखी कठीण आहे कारण ती सीमापारची एक बाब आहे. सानिया सहमत झाली आणि म्हटली की, जेव्हा तिला कामासाठी मुंबईला जावे लागते तेव्हा तिला तिच्या मुलाला दुबईत सोडून जावे लागते. हा सर्व प्रकार तिच्यासाठी एक मोठा भावनिक संघर्ष ठरत आहे.

सानिया पुढे ती म्हणाली की, “मी दुबईमध्ये राहते आणि कामासाठी भारतात जात असते. इझानला आठवडे दुबईत सोडून मुंबईत येणे हे खूपच आव्हानात्मक असे आहे. बाकी सर्व काही व्यवस्थापित करता येते, पण हा भाग खूप कठीण आहे.”

कधीकधी मी रात्रीचे जेवणही वगळत असते..

सानियाने असा देखील खुलासा केला की घटस्फोटानंतर, तिने अनेकदा रात्रीचे जेवण देखील टाळले आहे.कारण, तिला एकटे जेवायला आवडत नाही. तिने असे देखील म्हटले की, सांगितले की कदाचित यामुळेच तिचे वजन देखील कमी झाले असावे. एकटे जेवण्याची इच्छा नसणे आणि काहीतरी छान पाहून झोपी जाणे हे तिच्या दैनंदिन दिनचर्येचा एक भाग बनून राहिले आहे.

२०१० मध्ये शोएब मलिकसोबत झाले लग्न

सानिया आणि पाकिस्तानी क्रिकेटर शोएब मलिकचे २०१० मध्ये लग्न झाले होते. आंतरराष्ट्रीय स्टार जोडपे म्हणून अनेक वर्षे एकत्र घालवलेली आहेत . २०१८ मध्ये, सानियाने तिच्या गरोदर राहिली होती. त्याच वर्षी त्यांचा मुलगा इझानचा जन्म झाला. २०२४ मध्ये सानिया आणि शोएबचा घटस्फोट होऊन झाला. न्यायालयाकडून  सानियाला तिच्या मुलाचा ताबा देण्यात आयाला.  त्यानंतर ती एकटीच पालकत्व सांभाळीत आहे.

हेही वाचा : क्रिकेटच्या दुनियेतील अजब-गजब शॉट माहितीय का? ‘या’ खेळाडूंचे नावे ठरले ‘हे’ ट्रेडमार्क शॉट; वाचा सविस्तर

घटस्फोटानंतर एक नव्या आयुष्याला सुरुवात

सानिया मिर्झा म्हणते की ती तिचे व्यावसायिक जीवन, वैयक्तिक जबाबदाऱ्या आणि एकटे पालकत्व यात संतुलन साधण्याचा प्रयत्न करत असते. हा प्रवास सोपा नसला तरी, ती ताकदीने पुढे जात असून तिच्या मते, जीवन बदलते आणि प्रत्येक परिस्थितीशी जुळवून देखील घ्यावे लागत असते.